സോളാര്‍ കേസില്‍ മുഖ്യമന്ത്രി ഉമ്മന്‍ ചാണ്ടിക്കെതിരായ മൊഴിയില്‍ ഉറച്ച് ശ്രീധരന്‍ നായര്‍. സരിതക്കൊപ്പം ഓഫിസിലെത്തി മുഖ്യമന്ത്രിയെ കണ്ടിരുന്നെന്നും ഈ സമയം ജോപ്പന്‍ ഒപ്പമുണ്ടായിരുന്നെന്നും ശ്രീധരന്‍ നായര്‍ മൊഴി നല്‍കി. സോളാര്‍ പോലുള്ള സംരംഭങ്ങളില്‍ സഹകരിക്കണമെന്ന് മുഖ്യമന്ത്രി ആവശ്യപ്പെട്ടു. ദുരിതാശ്വാസനിധിയിലേക്ക് രണ്ടുലക്ഷം രൂപയുടെ ഡിഡി സരിത നായര്‍ കൈമാറി. മെറ്റല്‍ ക്രഷര്‍ അസോസിയേഷനുമായി ബന്ധപ്പെട്ട നിവേദനം മുഖ്യമന്ത്രിക്ക് നല്‍കിയെന്നും ശ്രീധരന്‍ നായര്‍ മൊഴി നല്‍കി. സോളാര്‍ അന്വേഷണ കമ്മിഷന്റെ മുന്‍പാകെയാണ് ശ്രീധരന്‍ നായര്‍ മൊഴി നല്‍കിയത്.
സോളാര്‍ പാനല്‍ സ്ഥാപിക്കാമെന്നു പറഞ്ഞ് ഉപഭോക്താക്കളില്‍ നിന്നു പണം തട്ടിയെന്നാണ് കേസ്. കേസില്‍ പ്രതികളായ സരിത എസ്. നായരും ബിജു രാധാകൃഷ്ണനും ചേര്‍ന്നാണ് പണം തട്ടിയത്. മുഖ്യമന്ത്രിയുടെ ഓഫിസിന് തട്ടിപ്പുമായി ബന്ധമുണ്ടെന്ന് നേരത്തെ ആരോപണമുയര്‍ന്നിരുന്നു. ഇതേത്തുടര്‍ന്ന് പേഴ്‌സണല്‍ സ്റ്റാഫ് അംഗങ്ങളായ ജോപ്പന്‍, ജിക്കുമോന്‍ എന്നിവരെ പുറത്താക്കുകയും ചെയ്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha