ഞെട്ടലോടെ ഏമാന്മാരും പുള്ളികളും... ജയില് ഉദ്യോഗസ്ഥര് ജാഗ്രതൈ മിന്നലായി വരും മുന്നറിയിപ്പുമായി ഋഷിരാജ് സിംഗ്; പഴയ പോലെ വേഷം മാറി മിന്നല് പരിശോധന നടത്താനൊരുങ്ങി സിങ്കം
ഋഷിരാജ് സിംഗിനെ മലയാളികള്ക്ക് ഏറെ പ്രിയമാണ്. അഴിമതിയ്ക്കെതിരെ ശക്തമായ നിലപാടെടുക്കുന്ന പോലീസ് ഉദ്യോഗസ്ഥനെന്ന നിലയില് ഋഷിരാജ് സിംഗ് ചെയ്ത സേവനങ്ങളാണ് മലയാളികളെ അദ്ദേഹത്തോട് അടുപ്പിച്ചത്. ഏറ്റവും അവസാനം എക്സൈസ് കമ്മീഷണറായി സേവനമനുഷ്ഠിച്ചപ്പോഴും ഈ ഇമേജ് നിലനിര്ത്തി. ഇപ്പോള് ജയില് മേധാവിയായി നിയമിച്ചപ്പോള് വരവ് തന്നെ ആഘോഷമാക്കിയിരിക്കുകയാണ്.
ഇതോടെ ജയില് ഉദ്യോഗസ്ഥര് ആകെ അങ്കലാപ്പിലാണ്. ജയില് മേധാവി ഋഷിരാജ് സിംഗ് വേഷം മാറി മിന്നല് പരിശോധനയ്ക്കു വരുന്നുണ്ട് എന്ന വിവരമാണ് നല്കിയത്. ജയിലുകളെയും കോടതികളെയും ബന്ധിപ്പിച്ച് വീഡിയോ കോണ്ഫറന്സ് സംവിധാനമൊരുക്കുന്ന പദ്ധതി വേഗത്തിലാക്കാന് ചേര്ന്ന ജയില് ഉദ്യോഗസ്ഥരുടെ യോഗത്തില് ഋഷിരാജ്സിംഗ് തന്നെയാണ് ജയിലുകളില് താന് മിന്നല് പരിശോധനയ്ക്ക് എത്തുമെന്ന് മുന്നറിയിപ്പു നല്കിയത്.
ഒക്ടോബര് രണ്ടിന് ഗാന്ധിജയന്തി ദിനത്തിലാമ് ജയിലുകളെയും കോടതികളെയും വീഡിയോ കോണ്ഫറന്സ് വഴി ബന്ധിപ്പിക്കുന്ന പദ്ധതിയുടെ ഉദ്ഘാടനം 1.94 കോടി രൂപയുടേതാണ് പദ്ധതി.
അതിനിടെ പുതിയ ജയില് മേധാവിയായി ചുമതലയേറ്റ ഋഷിരാജ് സിംഗ് പൂജപ്പുര സെന്ട്രല് ജയിലില് റെയ്ഡ് നടത്തി. തടവുകാരെ പാര്പ്പിച്ചിരിക്കുന്ന ബ്ലോക്കുകളിലാണ് റെയ്ഡ് നടത്തിയത്. കഴിഞ്ഞ ദിവസം രാവിലെയാണ് ജയില് മേധാവിയായി ഋഷിരാജ് സിംഗ് ചുമതലയേറ്റത്. പൊലീസ് തലപ്പത്തെ അഴിച്ച് പണിയുടെ ഭാഗമായാണ് ഋഷിരാജ് സിംഗ് ജയില് മേധാവിയായി എത്തിയത്. നേരത്തേ ജയില് മേധാവിയായിരുന്ന ഋഷിരാജ് സിംഗിനെ പിന്നീട് എക്സൈസിലേക്ക് മാറ്റുകയായിരുന്നു.
എക്സൈസ് കമ്മിഷണര് ആയിരിക്കെ അടുത്തിടെ കൊച്ചിയിലെ ബിയര് ആന്ഡ് വൈന് പാര്ലറില് മിന്നല് പരിശോധന നടത്തിതും ഏറെ ശ്രദ്ധേയമായിരുന്നു. അബ്കാരി നിയമത്തിന് വിരുദ്ധമായി പ്രവര്ത്തിച്ച ബിയര് ആന്ഡ് വൈന് പാര്ലര് താത്ക്കാലികമായി അടച്ചു പൂട്ടി.
തൃപ്പുണിത്തുറയില് പ്രവര്ത്തിക്കുന്ന ഹോട്ടല് സോഡിയാക്കിന്റെ ബിയര് ആന്ഡ് വൈന് പാര്ലറിലായിരുന്നു സിംഗിന്റെ നേതൃത്വത്തിലുള്ള മിന്നല് റെയ്ഡ്. ലൈസന്സ് ചട്ടം ലംഘിക്കപ്പെട്ടതായി കണ്ടെത്തിയതിനെത്തുടര്ന്ന് ബിയര് ആന്ഡ് വൈന് പാര്ലര് താത്കാലികമായി അടച്ചുപൂട്ടി. പരിശോധനക്കായി പാര്ലറിലെത്തിയ സംഘം പാര്സലായി ബിയര് കൊണ്ടു പോകാന് ശ്രമിച്ചവരെ കൈയ്യോടെ പിടികൂടി.ഇവരില് നിന്ന് നാലു കുപ്പി ബിയറും പിടിച്ചെടുത്തു.
നിയമപ്രകാരം ബിയര്പാര്ലറുകളുകള്ക്കുള്ളില് മാത്രമേ ബിയര് നല്കാന് പാടുള്ളു. പാര്സലായി ബിയര് പാര്ലറിന് പുറത്തേക്ക് കൊടുത്തയക്കുന്നത് ചട്ട ലംഘനമാണ്. ഇതേ തുടര്ന്നാണ് ബിയര് ആന്ഡ് വൈന് പാര്ലര് താത്ക്കാലികമായി പൂട്ടിയത്. ബിയര് നല്കിയ ജിവനക്കാരനെതിരെയും ബിയര്പാര്ലര് മാനേജര്ക്കെതിരെയും കേസ്സെടുത്തിരുന്നു.
കേരളത്തില് സമ്പൂര്ണ മദ്യനിരോധനം നടപ്പാക്കുന്നത് അപകടമാണെന്ന അഭിപ്രായമാണ് ഋഷിരാജ് സിങ് പ്രകടിപ്പിച്ചത്. സംസ്ഥാനത്തെ ബാറുകള് പൂട്ടിയ ശേഷം ലഹരിമരുന്ന് ഉപയോഗം വന്തോതില് കൂടിയിട്ടുണ്ട്. കഴിഞ്ഞ പത്ത് മാസത്തിനുള്ളില് ലഹരി മരുന്നുകളുടെ ഉപയോഗം നാലിരട്ടിയാണ് വര്ദ്ധിച്ചത്. വ്യാജമദ്യത്തിന്റെ ഉപയോഗം കൂടുകയാണെന്നും അദ്ദേഹം പറഞ്ഞു.
എന്തായാലും ജയില് മേധാവിയായതോടെ വലിയ അകത്തുള്ള പുള്ളിമാര്ക്കും അവരെ സഹായിക്കുന്ന വെളിയിലുള്ള പുള്ളിമാര്ക്കും ഏമാന്മാര്ക്കും കഷ്ടകാലമാണ്. കാരണം എപ്പോള് വേണമോ ഏത് വേഷത്തിലും സിങ്കമെത്തും. പുലിക്കുട്ടികളെ കുടുക്കാന്.
https://www.facebook.com/Malayalivartha
