ഝാര്‍ഖണ്ഡ്, ബിഹാര്‍, ആന്ധ്രാപ്രദേശ് തുടങ്ങിയ സംസ്ഥാനങ്ങളില്‍ മാത്രം സംഭവ്യമെന്നു കരുതിയിരുന്ന സ്‌റ്റേഷന്‍ ആക്രമണമുള്‍പ്പെടെയുള്ള സായുധകലാപം തിരുവനന്തപുരംകണ്ണൂര്‍ വരെയുള്ള പോലീസ് ജില്ലകളില്‍ ഏതുനിമിഷവും നടക്കാമെന്നു കേന്ദ്ര ഇന്റലിജന്‍സ് തറപ്പിച്ചു പറയുന്നു. ഇതു സംബന്ധിച്ചു വ്യക്തമായ രഹസ്യാന്വേഷണമുന്നറിയിപ്പു കഴിഞ്ഞദിവസം ലഭിച്ചതായി സംസ്ഥാന പോലീസ് മേധാവി കെ.എസ്. ബാലസുബ്രഹ്മണ്യം സ്ഥിരീകരിച്ചതായാണ് റിപ്പോര്‍ട്ട്.

പോലീസിലെ ചില ഉദ്യോഗസ്ഥര്‍ മാവോയിസ്റ്റുകളുടെ അനുകൂലമായി പ്രവര്‍ത്തിക്കുന്നുണ്ടെന്ന ആശങ്ക ശക്തമാണ്. ഇവരുടെ സഹായത്തോടെ അഴിമതിക്കാരായ പോലീസ് ഉദ്യോഗസ്ഥരെ ജനകീയവിചാരണ ചെയ്യാനുള്ള രഹസ്യനീക്കങ്ങള്‍ മാവോയിസ്റ്റ് ക്യാമ്പുകളില്‍ സജീവം. ജനകീയവിഷയങ്ങളുയര്‍ത്തിക്കാട്ടിയുള്ള മാവോയിസ്റ്റ് ആശയപ്രചാരണത്തിനു ലഭിക്കുന്ന പൊതുസ്വീകാര്യതയും നിസാരമായി എഴുതിത്തള്ളാനാവില്ല.

ഇക്കാര്യങ്ങള്‍ സംസ്ഥാന ഇന്റലിജന്‍സിന്റെ ആഭ്യന്തരസുരക്ഷാവിഭാഗം സൂക്ഷ്മമായി പരിശോധിച്ചുവരുകയാണ്.സംസ്ഥാനത്തെ മാവോയിസ്റ്റ് നീക്കങ്ങള്‍ സംബന്ധിച്ചു സര്‍ക്കാരില്‍തന്നെ ആശയഭിന്നത ഉടലെടുത്തിരിക്കേ, കേന്ദ്ര രഹസ്യാന്വേഷണവിഭാഗം അന്ത്യശാസനരൂപത്തില്‍ ഒരിക്കല്‍ക്കൂടി നല്‍കിയ മുന്നറിയിപ്പ് കേരളാ പോലീസിന്റെ നെഞ്ചിടിപ്പേറ്റുന്നു. വനാതിര്‍ത്തിയിലുള്ള പോലീസ് സ്‌റ്റേഷനുകളില്‍ ഏതെങ്കിലുമൊന്ന് ഉടന്‍ ആക്രമിക്കപ്പെടുമെന്ന കേന്ദ്ര രഹസ്യാന്വേഷണവിഭാഗത്തിന്റെ മുന്നറിയിപ്പ് കാര്യമായെടുത്തില്ലെങ്കില്‍ വന്‍ഭവിഷ്യത്ത് നേരിടേണ്ടിവരുമെന്നാണു പുതിയ സന്ദേശത്തിന്റെ കാതല്‍.

മാവോയിസ്റ്റുകളെ നേരിടാന്‍ തിരുവനന്തപുരം റൂറല്‍, കൊല്ലം റൂറല്‍, ഇടുക്കി, കണ്ണൂര്‍ എന്നീ പോലീസ് ജില്ലകളില്‍ സ്വീകരിച്ച നടപടികളില്‍ രഹസ്യാന്വേഷണവിഭാഗം അതൃപ്തി അറിയിച്ചു. ഇവിടങ്ങളിലെ വനാതിര്‍ത്തി സ്‌റ്റേഷനുകളില്‍ സുരക്ഷാസംവിധാനം കാര്യക്ഷമമല്ല. പാലക്കാട്, മലപ്പുറം ജില്ലാ പോലീസ് മേധാവികളുടെ പ്രവര്‍ത്തനത്തില്‍ കേന്ദ്ര ഇന്റലിജന്‍സ് അതൃപ്തി പ്രകടിപ്പിച്ചതിനേത്തുടര്‍ന്ന് ആഭ്യന്തരവകുപ്പ് ഇവരെ മാറ്റിയിരുന്നു. ഈ സാഹചര്യത്തില്‍ മറ്റു നാലു ജില്ലകളിലെ പോലീസ് അലംഭാവത്തിനെതിരായ റിപ്പോര്‍ട്ട് ആഭ്യന്തരമന്ത്രി രമേശ് ചെന്നിത്തല ഗൗരവത്തിലെടുത്തിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha