'വിട്ട് വീഴ്ചയില്ലാത്ത സ്ത്രീ സുരക്ഷ ഉറപ്പാക്കും' എന്ന് ഉറക്കെ പ്രഖ്യാപിച്ച് അധികാരത്തില് വന്ന സി.പി.എം സ്ത്രീ പീഡകരെ സംരക്ഷിക്കുന്ന പാര്ട്ടിയായി അധപ്പതിച്ചെന്ന് കെ.എം ഷാജഹാന്
'വിട്ട് വീഴ്ചയില്ലാത്ത സ്ത്രീ സുരക്ഷ ഉറപ്പാക്കും' എന്ന് ഉറക്കെ പ്രഖ്യാപിച്ച് അധികാരത്തില് വന്ന സി.പി.എം സ്ത്രീ പീഡകരെ സംരക്ഷിക്കുന്ന പാര്ട്ടിയായി അധപ്പതിച്ചെന്ന് വി.എസ് അച്യുതാനന്ദന്റെ പ്രൈവറ്റ് സെക്രട്ടറിയായിരുന്ന കെ.എം ഷാജഹാന്. സി.പി.എം അധികാരത്തിലേറി മൂന്ന് വര്ഷം പിന്നിടുമ്പോള്,
സ്ത്രീ പീഢകനായ സംസ്ഥാന കമ്മിറ്റി അംഗവും എം എല് എ യുമായ നേതാവിന് പോലും സമ്പൂര്ണ്ണ സുരക്ഷയാണ് പാര്ട്ടി ഉറപ്പാക്കുന്നത്. സ്ത്രീപീഡകനായ എം എല് എ യെ സംരക്ഷിക്കാന്, ഇരയായ വനിതാ നേതാവിനെ, നിയമമന്ത്രിയുടെ നേതൃത്വത്തിലുള്ള അന്വേഷണ കമ്മീഷന് റിപ്പോര്ട്ടിലൂടെ പോലും അപകീര്ത്തിപ്പെടുത്തുകയും പീഡിപ്പിക്കുകയും ചെയ്തു. എം എല് എ യുടെ സ്ത്രീ പീഡനത്തിനെതിരെ ശബ്ദമുയര്ത്തിയവരെ തരംതാഴ്ത്തുകയാണ് ഈ പാര്ട്ടി ചെയ്തത്.
ഇരയായ വനിതാ നേതാവിന്, നീതി കിട്ടാതെ മനംനൊന്ത് പാര്ട്ടി പദവികള് രാജി വക്കേണ്ടി വരുന്ന പാര്ട്ടിയായി സി.പി.എം തരംതാഴുന്നു. വടക്കാഞ്ചേരിയില് കൂട്ട ബലാത്സംഗത്തിന് ഇരയായ പെണ്കുട്ടിയുടെ പേര് , സുപ്രീം കോടതി മാര്ഗ്ഗ നിര്ദ്ദേശങ്ങള്ക്ക് വിരുദ്ധമായി പരസ്യമായി പറഞ്ഞ മുന് മന്ത്രിയായ കേന്ദ്ര കമ്മിറ്റി അംഗത്തെ സംരക്ഷിക്കുകയാണ് സി.പി.എം ചെയ്തത്. പാര്ട്ടിയുടെ വാടക കൊലയാളികള് അതിക്രൂരമായി വെട്ടിക്കൊലപ്പെടുത്തിയ ടി പി ചന്ദ്രശേഖരന്റെ വിധവയായ കെ.കെ.രമ് അവിഹിത ബന്ധം പുലര്ത്തുന്നു എന്ന് ആരോപിച്ച്, അവരെ സൈബര് ഇടത്തില് ആക്രമിച്ച് മാനം കെടുത്തിയതും ഈ പാര്ട്ടി തന്നെയാണെന്ന് ഷാജഹാന് ആരോപിക്കുന്നു. തെരഞ്ഞെടുപ്പ് പ്രചരണത്തിനിടയില് കെ കെ കെ രമയെ കേട്ടാലറക്കുന്ന അസഭ്യം പറയുകയും, അവരുടെ കൈ പിടിച്ച് തിരിക്കുകയും ചെയ്ത അണികള് ഉള്ള പാര്ട്ടിയാണിതെന്നും മറക്കരുതെന്നും ഷാജഹാന് പറയുന്നു.
സ്ത്രീ പീഢകനായ എംഎല്എക്കെതിരെ ലൈംഗിക പീഡന പരാതി ഉയര്ന്നപ്പോള്, പുരുഷന്മാര്ക്ക് അത്തരം ചില ദൗര്ബല്യങ്ങള് ഉണ്ടാകും എന്ന് പരസ്യമായി പറയാന് യാതൊരു ഉളുപ്പും ഇല്ലാത്ത പറഞ്ഞ കേന്ദ്രകമ്മിറ്റി അംഗമായ വനിതാ കമ്മീഷന് അദ്ധ്യക്ഷയുള്ള പാര്ട്ടിയാണിത്. സ്ത്രീകളുമായി ബന്ധപ്പെട്ട വിഷയത്തില് ഏത് കൊലകൊമ്പനായാലും നടപടിയെടുക്കും എന്ന് പറയുകയും, ആ കൊലകൊമ്പന്മാര് പാര്ട്ടി നേതാക്കളാണെങ്കില്, അവരുടെ മുമ്പില് അടിമുടി വിറച്ച് വിനീതവിധേയയായി നില്ക്കുന്നകയാണ് വനിതാ കമ്മീഷന് അദ്ധ്യക്ഷ. ഒരു ദളിത് പെണ്കുട്ടി ലോകസഭയിലേക്ക് മത്സരിക്കുന്ന അവസരത്തില്, തീര്ത്തും ലൈംഗിക ചുവയോട് കൂടി പരസ്യമായി ആക്ഷേപിക്കയും, വ്യാപകമായ ജനരോഷമുയര്ന്നിട്ടും ആ ആക്ഷേപത്തില് നിന്ന് പിന്മാറാനുള്ള മിനിമം മര്യാദ പോലും കാട്ടാത്ത പാര്ട്ടി നേതാവിനെ നിലക്ക് നിര്ത്താനുള്ള ആര്ജ്ജവമില്ലാത്ത വനിതാ നേതാവായി വനിതാ കമ്മീഷന് അദ്ധ്യക്ഷ തരംതാഴ്ന്നു.
ഈ പാര്ട്ടി, പീഢനത്തിന് വിധേയരാകുന്ന സ്ത്രീകള്ക്കല്ല, മറിച്ച്, സ്ത്രീ പീഢകര്ക്ക് വിട്ടുവീഴ്ചയില്ലാത്ത സുരക്ഷ ഉറപ്പാക്കുന്ന പാര്ട്ടി, ഇതാണ് പി കെ ശശിയുടെ പാര്ട്ടി. ഇത് സി പി എം എന്നാണ് കെ.എം ഷാജഹാന് പരിഹസിക്കുന്നത്. തിരുവനന്തുരപുത്തെ ഒരു പ്രമുഖ മാധ്യമ പ്രവര്ത്തകന്, തന്റെ ഉറ്റ സുഹൃത്തിന്റെ പ്രായപൂര്ത്തിയാകാത്ത മകളെ ഉള്പ്പെടെ നാല് സ്ത്രീകളെ ലൈംഗികമായി പീഡിപ്പിച്ചു. അവരില് മൂന്ന് പേരും പരസ്യമായി പറഞ്ഞിട്ടും, അതിനെതിരെ രേഖാ മൂലമുള്ള പരാതി നല്കി ആറ് മാസം കഴിഞ്ഞിട്ടും, അയാള്ക്കെതിരെ നടപടിയെടുക്കാനുള്ള നട്ടെല്ലില്ലാത്ത പാര്ട്ടി വനിതാ നേതാവ് വനിതാ കമ്മീഷന് അദ്ധ്യക്ഷയായി ഇപ്പോഴും തുടരുന്നു... എന്നും ഷാജഹാന് ആക്ഷേപിക്കുന്നു.
https://www.facebook.com/Malayalivartha
