അറബിയുടെ ബാധ്യതകള് ഏറ്റെടുത്ത വ്യവസായപ്രമുഖന് കുഴിക്കൂറ് ചമയം അടക്കം ഇതും ഏറ്റെടുക്കാം- ബിനോയ് കോടിയേരിയ്ക്കെതിരെ കെ. സുരേന്ദ്രന്
പിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകന് ബിനോയ് കോടിയേരി വിവാഹവാഗ്ദാനം നല്കി ലൈംഗീകമായി പീഡിപ്പിച്ചുവെന്ന് ബാര് ഡാന്സറുടെ പരാതിയില് പ്രതികരണവുമായി കെ. സുരേന്ദ്രന്. ഫെയ്സ്ബുക്ക് പേജിലൂടെയാണ് സുരേന്ദ്രന് പ്രതികരണം നടത്തിയിരിക്കുന്നത്. 'അറബിയുടെ ബാധ്യതകള് ഏറ്റെടുത്ത വ്യവസായപ്രമുഖന് കുഴിക്കൂറ് ചമയം അടക്കം ഇതും ഏറ്റെടുക്കാം'...എന്നായിരുന്നു സുരേന്ദ്രന്റെ പ്രതികരണം.
ദുബായില് ഡാന്സ് ബാര് ജീവനക്കാരിയായിരുന്ന ബിഹാര് സ്വദേശിനിയാണ് കോടിയേരി ബാലകൃഷ്ണന്റെ മകന് ബിനോയിക്കെതിരെ പരാതി നല്കിയത്. വിവാഹ വാഗ്ദാനം നല്കി 2009 മുതല് 2018 വരെ പീഡിപ്പിച്ചെന്നു പരാതിയില് പറയുന്നു. ബന്ധത്തില് എട്ടു വയസ്സുള്ള കുട്ടിയുണ്ടെന്നും അന്ധേരിയിലെ ഒഷിവാര പൊലീസ് സ്റ്റേഷനില് കഴിഞ്ഞ വ്യാഴാഴ്ച നല്കിയ പരാതിയില് യുവതി ആരോപിച്ചു.
പരാതിയുടെ അടിസ്ഥാനത്തില് ബിനോയിക്കെതിരെ പൊലീസ് എഫ്ഐആര് റജിസ്റ്റര് ചെയ്തു. മാനഭംഗം, വഞ്ചന, ഭീഷണിപ്പെടുത്തല് തുടങ്ങിയ കുറ്റങ്ങളാണ് ബിനോയിക്കെതിരെ ചുമത്തിയിരിക്കുന്നത്. എന്നാല് പരാതി പണം തട്ടാനുള്ള ബ്ലാക്ക് മെയിലിങ്ങാണെന്നാണ് ബിനോയി കോടിയേരി ആരോപിക്കുന്നത്.
https://www.facebook.com/Malayalivartha
