മലയാള സിനിമയിലെ ലൈംഗിക ചൂഷണങ്ങള്ക്കും അതിക്രമങ്ങള്ക്കും എതിരെ ഘോരഘോരം ശബ്ദിക്കുകയും നടപടി വേണമെന്ന് നിരന്തരം ആവശ്യപ്പെടുകയും ചെയ്യുന്ന വിമന് ഇന് കളക്ടീവ് സിനിമ നടന് വിനായകനെതിരെ യുവതി നല്കിയ പരാതിയില് മൗനം തുടരുന്നു
മലയാള സിനിമയിലെ ലൈംഗിക ചൂഷണങ്ങള്ക്കും അതിക്രമങ്ങള്ക്കും എതിരെ ഘോരഘോരം ശബ്ദിക്കുകയും നടപടി വേണമെന്ന് നിരന്തരം ആവശ്യപ്പെടുകയും ഫെയിസ്ബുക്കിലൂടെ നിലപാട് വ്യക്തമാക്കുകയും ചെയ്യുന്ന വിമന് ഇന് കളക്ടീവ് സിനിമ നടന് വിനായകനെതിരെ യുവതി നല്കിയ പരാതിയില് മൗനം തുടരുന്നു. യുവതിയുടെ മൊഴിയുടെ അടിസ്ഥാനത്തില് താരത്തെ അറസ്റ്റ് ചെയ്യുമെന്ന് പൊലീസ് വ്യക്തമാക്കിയതിന് പിന്നാലെയും ഇവരാരും ഒരക്ഷരണം മിണ്ടിയിട്ടില്ല. സിനിമാ സെറ്റില് ഇന്റേണല് പരാതി പരിഹാര സെല് വേണമെന്ന് വാദിക്കുന്ന സംവിധായകന് ആഷിഖ് അബുവിനെയും സമൂഹമാധ്യമങ്ങളില് കാണാനില്ല. കഴിഞ്ഞ മാസം നടന് സിദ്ധിഖിനെതിരെ ഒരു പെണ്കുട്ടി ആരോപണം ഉന്നയിച്ചപ്പോള് പേര് പറയാതെ മുതിര്ന്ന നടന് എന്ന് പറഞ്ഞ് ഡബ്ള്യൂ സി.സി പോസ്റ്റിട്ടിരുന്നു. ഒരു സിനിമാ സംഘടനകളിലും അംഗമല്ലാത്ത വിനായകനെതിരെ സിനിമാക്കാരാരും ഒന്നും പറഞ്ഞിട്ടില്ല എന്നതും ശ്രദ്ധേയമാണ്.
കൊച്ചിയില് യുവനടിയെ തട്ടിക്കൊണ്ട് പോയി ആക്രമിച്ച സംഭവത്തിന്റെ ഗൂഢാലോചന കേസില് അറസ്റ്റിലായ നടന് ദിലീപിനെതിരെ നിരന്തരം ആരോപണങ്ങള് ഉന്നയിക്കുകയും നടപടികള് ആവശ്യപ്പെടുകയും ചെയ്ത വിമന് ഇന് കളക്ടീവ് വിനായകന്റെ കേസ് പുറത്തായി ഒരാഴ്ച പിന്നിട്ടിട്ടും ഇതുവരെ പ്രതികരിച്ചിട്ടില്ല. ആഷിഖ് അബുവിനേം കാണാനില്ല. അലന്സിയറിനെതിരെ യുവനടി ആരോപണം ഉന്നയിച്ചതിനെ തുടര്ന്ന് ആഷിഖ് അബു അദ്ദേഹത്തിനെതിരെ രംഗത്ത് വന്നിരുന്നു. അവരുടെ ടീമിന്റെ സിനിമകളില് ഇപ്പോള് അലന്സിയറില്ല. ദിലീപിന് നടിയെ ആക്രമിക്കുന്നതിന്റെ ദൃശ്യങ്ങള് കൈമാറണോ എന്ന കാര്യത്തില് തീരുമാനം അറിയിക്കാന് സുപ്രീംകോടതി ആവശ്യപ്പെട്ടപ്പോള് വൈകിച്ച സര്ക്കാരിനെതിരെ രംഗത്തെത്തിയ സംവിധായിക വിധുവിന്സെന്റിനേയും ഇപ്പോള് കാണാനില്ല. അമ്മ പ്രസിഡന്റ് മോഹന്ലാല് തങ്ങളെ നടിമാര് എന്ന് വിളിച്ചെന്ന് പറഞ്ഞ് പത്രസമ്മേളനത്തില് ക്ഷുഭിതരായ നടിമാരായ രേവതി, പാര്വതി, പത്മപ്രിയ, റിമാ കല്ലിംഗല് എന്നിവരുടെ പ്രതികരണവും കണ്ടില്ല.
തങ്ങളുടെ നിലപാടിന് എതിര് നില്ക്കുന്നവരുടെ കാര്യം വരുമ്പോള് ശക്തമായ നിലപാട് സ്വീകരിക്കുകയും അല്ലാത്തപ്പോള് മൗനംപാലിക്കുകയും ചെയ്യുന്നത് വിമന് ഇന് കളക്ടീവ് ആദ്യം മുതലേ സ്വീകരിച്ച് പോരുന്ന സമീപനമാണ്. തങ്ങളുടെ നിലപാടിന് എതിര് നില്ക്കുന്ന നടന്മാരുടെ സിനിമകളില് അഭിനയിക്കുന്നതിനും ഇവര്ക്ക് തടസ്സമില്ല. നടി പാര്വതി ഉയരെയില് സിദ്ധിഖിനൊപ്പം അഭിനയിച്ചു. എന്നാല് ബി. ഉണ്ണികൃഷ്ണന് ദിലീപിനെ നായകനാക്കി സിനിമ എടുക്കുന്നതിനെതിരെ റിമാകല്ലിങ്കല് പരസ്യമായി രംഗത്തെത്തിയിരുന്നു. സിനിമയിലെ വേതനം അടക്കമുള്ള വിഷയങ്ങളിലെ വിവേചനം ചൂണ്ടിക്കാട്ടുകയും അതില് നീതി നടപ്പാക്കണമെന്ന് ആവശ്യപ്പെടുകയും ചെയ്യുന്ന റിമ പക്ഷെ, വിനായകനെതിരെ ഒരു യുവതി പരാതി നല്കിയിട്ട് ഇതുവരെ ഒരക്ഷരം മിണ്ടിയിട്ടില്ല. ഇതില് നിന്നെല്ലാം മനസ്സിലാകുന്നത് ഇവര്ക്കെല്ലാം പലതരത്തിലുള്ള താല്പര്യങ്ങളുണ്ടെന്നാണ്. വിനായകനെതിരെ ഫോണ് രേഖകകള് അടക്കം ഡിജിറ്റല് തെളിവുകള് തന്റെ കൈവശം ഉണ്ടെന്നാണ് പരാതിക്കാരി ആരോപിക്കുന്നത്. എന്നാല് പരാതി സംബന്ധിച്ചുള്ള വിവരങ്ങള് തന്നെ ഔദ്യോഗികമായി അറിയിച്ചിട്ടില്ലെന്നാണ് വിനായകന് പ്രതികരിച്ചത്. സോഷ്യല് മീഡിയയിലൂടെയാണ് യുവതി ആദ്യം പരാതി ഉന്നയിച്ചത്. പിന്നീടാണ് കല്പ്പറ്റ പൊലീസില് പരാതി നല്കിയത്.
https://www.facebook.com/Malayalivartha
