സിപി എം സംസ്ഥാന സെക്രട്ടറി കോടിയേരി ബാലകൃഷ്‌ണന്റെ മകൻ ബിനോയ് കോടിയേരിക്കെതിരായ പരാതിയിൽ തുടർ നടപടികൾ ശക്തമാക്കുമെന്ന് മുംബൈ പൊലീസ്. പരാതിയിൽ യുവതി ഉറച്ചു നിൽക്കുന്ന സാഹചര്യത്തിലാണ് പോലീസ് നടപടിയുമായി മുന്നോട്ടുപോകുന്നത് . വാട്സ് അപ് സന്ദേശങ്ങൾ ഉണ്ടെന്ന് യുവതി അറിയിച്ചിട്ടുള്ളതിനാൽ ഡിജിറ്റൽ തെളിവുകൾ പൊലീസ് ശേഖരിക്കും. കൂടാതെ , യുവതിക്കൊപ്പം ബിനോയ് നിൽക്കുന്ന ചിത്രങ്ങളും ബാങ്ക് സ്റ്റേറ്റ്മെന്റുകളും പൊലീസ് പരിശോധിക്കും. എന്നാൽ അന്വേഷണത്തിനായി ബിനോയിയെ വിളിച്ചു വരുത്തുന്ന കാര്യത്തിൽ വ്യക്തമായ തീരുമാനം പൊലീസ് അറിയിച്ചിട്ടില്ല. തുടരന്വേഷണത്തിന്റെ ഭാഗമായി ഉടൻ നോട്ടീസ് നൽകിയേക്കും.

അതേസമയം കണ്ണൂരിൽ യു​വ​തി​ക്കെ​തി​രെ ബി​നോ​യ്​ കോ​ടി​യേ​രി ക​ണ്ണൂ​ർ ​െഎ.​ജി​ക്ക്​ പ​രാ​തി ന​ൽ​കി​യ​ത്​ ര​ണ്ടു​മാ​സം മു​മ്പ്. യു​വ​തി ബ്ലാ​ക്ക്​ മെ​യി​ൽ ചെ​യ്യാ​ൻ ശ്ര​മി​ക്കു​ന്നു​വെ​ന്നാ​യി​രു​ന്നു പ​രാ​തി. താ​നു​മാ​യു​ള്ള അ​ടുപ്പം മു​ത​ലെ​ടു​ത്ത്​ യു​വ​തി പ​ണം ത​ട്ടാ​ൻ ശ്ര​മി​ക്കു​ക​യാ​ണ്​ എ​ന്ന വാ​ദ​മാ​ണ്​ പ​രാ​തി​യി​ൽ ബി​നോ​യ്​ ഉ​ന്ന​യി​ച്ച​ത്. ഏ​പ്രി​ൽ 12ന്​ ​ക​ണ്ണൂ​ർ ​റേ​ഞ്ച്​ െഎ.​ജി​ക്ക്​ ന​ൽ​കി​യ പ​രാ​തി തു​ട​ർ​ന​ട​പ​ടി​ക​ൾ​ക്കാ​യി ക​ണ്ണൂ​ർ എ​സ്.​പി​ക്ക്​ കൈ​മാ​റി. തെ​ളി​വാ​യി യു​വ​തി ബി​നോ​യി​ക്ക്​ അ​യ​ച്ച ക​ത്തി​ന്റെ പകർപ്പുമുണ്ട് . കു​ഞ്ഞി​​െൻറ സം​ര​ക്ഷ​ണ​ത്തി​ന്​ അ​ഞ്ചു​കോ​ടി ന​ൽ​ക​ണ​മെ​ന്നാ​ണ്​ യു​വ​തി ആ​വ​ശ്യ​പ്പെ​ടു​ന്ന​ത്. ​ എ​ന്നാ​ൽ, ഇ​ക്കാ​ര്യ​ത്തി​ൽ​ പൊ​ലീ​സ്​ ​ന​ട​പ​ടി​യൊ​ന്നും സ്വീ​ക​രി​ച്ചി​ല്ല. ഇ​വി​ടെ കേ​സെ​ടു​ക്കു​ക​യോ അ​ന്വേ​ഷി​ക്കു​ക​യോ ചെ​യ്യേ​ണ്ട​തി​ല്ല എ​ന്നാ​യി​രു​ന്നു അ​ന്ന്​ ക​ണ്ണൂ​ർ എ​സ്.​പി​യാ​യി​രു​ന്ന ജി. ​ശി​വ​വി​ക്ര​മി​​െൻറ നി​ല​പാ​ട്. അതുകൊണ്ടു തന്നെ ബിനോയ് നൽകിയ പരാതിയിൽ പൊലീസ് ആശയക്കുഴപ്പത്തിലാണ്. സംഭവം നടന്നത് മുംബൈയിലായതിനാൽ അവിടുത്തെ പരിശോധനകൾ കഴിഞ്ഞ ശേഷമേ കേസെടുക്കാനാകൂ എന്നാണ് പൊലീസ് നിലപാട് . അ​തി​നാ​ൽ, അ​ന്വേ​ഷ​ണ​ത്തി​ന്​ പ​രി​മി​തി​ക​ളു​ണ്ടെ​ന്നും നി​ല​പാ​ടെ​ടു​ത്തു. ഇ​ക്കാ​ര്യം ​െഎ.​ജി​യെ അ​റി​യി​ച്ച്​ ബി​നോ​യി​യു​ടെ പ​രാ​തി മാ​റ്റി​വെ​ക്കു​ക​യാ​ണു​ണ്ടാ​യ​ത്.

പ​രാ​തി​യി​ൽ ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യ​വു​മാ​യി ബി​നോ​യ്​ കോ​ടി​യേ​രി​യി​ൽ​നി​ന്ന്​ ഇ​ട​പെ​ട​ലു​ണ്ടാ​യി​ട്ടി​ല്ലെ​ന്നും പൊ​ലീ​സ്​ വൃ​ത്ത​ങ്ങ​ൾ വെ​ളി​പ്പെ​ടു​ത്തി. യു​വ​തി കേ​സു​മാ​യി രം​ഗ​ത്തു​വ​രു​ക​യാ​ണെ​ങ്കി​ൽ പ്ര​തി​രോ​ധം എ​ന്ന നി​ല​ക്കാ​ണ്​ ബി​നോ​യ്​ കോ​ടി​യേ​രി ക​ണ്ണൂ​ർ ​െഎ.​ജി​ക്ക്​ പ​രാ​തി ന​ൽ​കി​യ​ത്​ എ​ന്നാ​ണ്​ വി​ല​യി​രു​ത്ത​പ്പെ​ടു​ന്ന​ത്.

അതേസമയം , യുവതി നല്‍കിയ പീഢന പരാതിയില്‍ ഇടപെടില്ലെന്ന് സി.പി.എം ജനറല്‍ സെക്രട്ടറി സീതാറാം യച്യൂരി പറഞ്ഞു . ഇത് പാര്‍ട്ടിയുമായി ബന്ധമുള്ള വിഷയമല്ല. എന്നാല്‍ പി.ബി അംഗത്തിന്റെ മകനെതിരെ ആരോപണം ഉയര്‍ന്നതിനാല്‍ അതില്‍ വസ്തുതയുണ്ടോ എന്ന് പരിശോധിക്കുമെന്നും അല്ലാതെ കേസില്‍ ഇടപെടില്ലെന്നും അദ്ദേഹം പറഞ്ഞു .

ആരോപണവിധേയര്‍ കേസിനെ നിയമപരമായി നേരിടണമെന്നും യെച്യൂരി ആവശ്യപ്പെട്ടു. ഇതോടെ സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍ കൂടുതല്‍ പ്രതിരോധത്തിലായി. ബിനോയ് കോടിയേരിക്കെതിരെ മുമ്പും പരാതികള്‍ ഉയര്‍ന്നതിനാലാണ് കേന്ദ്രനേതൃത്വം ഇക്കാര്യത്തില്‍ ഇടപെടില്ലെന്ന് ആദ്യമേ വ്യക്തമാക്കിയത്. യു.എ.ഇ സ്വദേശിയില്‍ നിന്ന് ഡാന്‍സ് ബാര്‍ തുടങ്ങാന്‍ പണം കടം വാങ്ങിയ ശേഷം ബിനോയ് മുങ്ങിയിരുന്നു. തുടര്‍ന്ന് അയാള്‍ സി.പി.എം കേന്ദ്രകമ്മിറ്റിക്ക് പരാതി നല്‍കിയിരുന്നു. അവസാനം പണം കൊടുത്ത് കേസ് ഒതുക്കി തീര്‍ക്കുകയായിരുന്നു.

സി.പി.എം സംസ്ഥാന സെക്രട്ടറിയുടെ മക്കള്‍ക്കെതിരെ ഇടയ്ക്കിടെ പരാതികള്‍ ഉര്‍ന്ന് വരുന്നതില്‍ കേന്ദ്രകമ്മിറ്റിക്ക് അതൃപ്തിയുണ്ട്. കഴിഞ്ഞതവണ കോടിയേരിയോട് പ്രശ്‌നം എത്രയും വേഗം ഒത്തുതീര്‍പ്പാക്കണമെന്ന് കേന്ദ്രകമ്മിറ്റി നിര്‍ദ്ദേശിച്ചിരുന്നു. ഇത്തവണ പാര്‍ട്ടി ഇടപെടില്ലെന്ന് പറഞ്ഞെങ്കിലും അനൗദ്യോഗികമായി ഇടപെടുമെന്നാണ് അറിയുന്നത്. കേരളത്തില്‍ കഴിഞ്ഞ ലോക്‌സഭാ തെരഞ്ഞെടുപ്പില്‍ ഏറ്റ കനത്ത പരാജയത്തിന് പിന്നാലെയാണ് പാര്‍ട്ടിയെ പ്രതിസന്ധിയിലാക്കുന്ന ആരോപണം ഉയര്‍ന്നിരിക്കുന്നത്. ആറ് നിയമസഭാ മണ്ഡലങ്ങളില്‍ ഉപതെരഞ്ഞെടുപ്പ് വരുകയാണ്. അതിനാല്‍ ഇത്തരം ആരോപണങ്ങള്‍ പാര്‍ട്ടിയേയും സര്‍ക്കാരിനേയും കുഴയ്ക്കും. അതിന് മുമ്പ് പ്രശ്‌നം എങ്ങനെയും പരിഹരിക്കാനുള്ള നീക്കം നടക്കുന്നുണ്ട്.