തലയില് കൈവച്ച് ബിജെപിക്കാര്... ശബരിമലയുടെ പേരില് തെരഞ്ഞെടുപ്പ് സമയത്ത് തെരഞ്ഞെടുപ്പ് കമ്മീഷനില് പരാതി; സംഘിയാണെന്ന് ഇരുവരേയും മുദ്രകുത്തി ഒതുക്കാന് നോക്കിയപ്പോഴും വലിയ ഭൂരിപക്ഷത്തോടെ ജയിച്ചു കയറി; അയ്യപ്പന് വേണ്ടി പോരാട്ടത്തിനൊരുങ്ങി ഇരുവരും
ശബരിമലയുടെ പേരില് ഏറ്റവുമധികം ആക്രമണം നേരിട്ട ബിജെപി ഇതര നേതാക്കളാണ് എന്കെ പ്രേമചന്ദ്രനും കോണ്ഗ്രസിന്റെ രാജ്മോഹന് ഉണ്ണിത്താനും. ഇരുവരും ബിജെപിയിലേക്ക് പോകുന്നുവെന്ന ശക്തമായ പ്രചാരണമാണ് സിപിഎം ഉയര്ത്തയത്. എന്നാല് അവരാകട്ടെ സിപിഎമ്മിന്റെ മുഖം തുറന്ന് കാട്ടുകയും ശബരിമല തെരഞ്ഞെടുപ്പില് പ്രസംഗിക്കുകയും ചെയ്തു. ഇടയ്ക്ക് ഇരുവരുടേയും ശബരിമല പ്രസംഗം വിവാദമാകുകയും ചെയ്തു.
മതവികാരം വ്രണപ്പെടുത്തുന്ന രീതിയില് പ്രസംഗിച്ചെന്ന പരാതിയില് കൊല്ലത്തെ യു.ഡി.എഫ് സ്ഥാനാര്ഥിയായിരുന്ന എന്.കെ പ്രേമചന്ദ്രന് തെരഞ്ഞെടുപ്പ് കമ്മീഷന്റെ കാരണം കാണിക്കല് നോട്ടീസ് അയച്ചിരുന്നു. കൂടാതെ കാസര്കോട്ടെ യു.ഡി.എഫ് സ്ഥാനാര്ഥിയായിരുന്ന രാജ്മോഹന് ഉണ്ണിത്താന് വര്ഗീയ പ്രസംഗം നടത്തിയെന്ന പരാതിയും വന്നു.
കശുവണ്ടി ഫാക്ടറികളിലെ തെരഞ്ഞെടുപ്പ് പ്രചരണത്തിനിടെ പ്രേമചന്ദ്രന് നടത്തിയ പ്രസംഗത്തിനെതിരെയാണ് എല്.ഡി.എഫ് പരാതി നല്കിയത്. ശബരിമല യുവതി പ്രവേശനം, സുന്നി പള്ളികളില് സ്ത്രീകളെ പ്രവേശിപ്പിക്കണമെന്ന കോടിയേരി ബാലകൃഷ്ണന്റെ പ്രസ്താവന, ചര്ച്ച് ആക്ട് എന്നിവയുടെ പേരില് നടത്തിയ പ്രസംഗം മതവികാരം വ്രണപ്പെടുത്തുന്നതാണെന്നായിരുന്നു എല്.ഡി.എഫിന്റെ പരാതി. പ്രസംഗത്തിന്റെ വിഡിയോ ദൃശ്യങ്ങള് അടക്കം പരാതിക്കൊപ്പം സമര്പ്പിച്ചിരുന്നു. ദൃശ്യങ്ങള് പരിശോധിച്ച ശേഷമാണ് ജില്ലാ വരണാധികാരി കൂടിയായ ജില്ലാ കലക്ടര് പ്രേമചന്ദ്രനോട് വിശദീകരണം ആവശ്യപ്പെട്ട് നോട്ടീസ് നല്കിയത്. എന്നാല് ഇതിനെതിരെ ഒരു നടപടിയും വന്നില്ല.
പയ്യന്നൂര് അരവഞ്ചാലില് ഏപ്രില് എട്ടിന് നടത്തിയ പ്രസംഗമാണ് രാജ്മോഹന് ഉണ്ണിത്താനെതിരായ പരാതിക്ക് ആധാരമായത്. പ്രസംഗത്തിന്റെ വീഡിയോയില് എഡിറ്റിംങ് നടന്നോയെന്ന് കമ്മീഷന് പരിശോധിച്ച് കലക്ടര്ക്ക് റിപ്പോര്ട്ട് സമര്പ്പിച്ചു. എന്നാല് കാസര്കോട് , കൊല്ലം സംഭവങ്ങള് ശ്രദ്ധയില് പെട്ടിട്ടില്ലെന്ന് മുഖ്യതെരഞ്ഞെടുപ്പ് ഓഫീസര് ടിക്കാറാം മീണ പറഞ്ഞത്.
ഇതുകൂടാതെ പ്രേമ ചന്ദ്രന് പ്രധാനമന്ത്രിയെ കൊല്ലത്ത് കൊണ്ടുവന്ന് ബൈപാസ് ഉദ്ഘാടനം ചെയ്യിച്ചതും വളരെ വിവാദമായിരുന്നു. പ്രേമചന്ദ്രന് ബിജെപിയില് പോകുന്നുവെന്ന പ്രചാരണമാണ് നടത്തിയത്. എന്നാല് ആ വേദിയില് മുഖ്യമന്ത്രി പ്രസംഗിച്ചപ്പോള് ശരണം വിളി ഉയര്ന്നത് മറ്റൊരു കൗതുകമായി. ഉണ്ണിത്താനാകട്ടെ ചാനല് ചര്ച്ചകളില് ശബരിമലയുടെ പേരില് സിപിഎമ്മിനെ കീറി മുറിച്ചു.
എന്നാല് തെരഞ്ഞെടുപ്പ് കഴിഞ്ഞിട്ടും പ്രേമചന്ദ്രനും ഉണ്ണിത്താനും പഴയ ശബരിമല നിലപാടില് ഉറച്ച് നില്ക്കുന്നത് ഭക്തര്ക്ക് ആവേശമാണ്. കൊല്ലം എം.പി എന്.കെ പ്രേമചന്ദ്രന് അവതരിപ്പിക്കാനിരിക്കെ പറഞ്ഞ വാക്ക് പാലിച്ചിരിക്കുകയാണ്. ബില് അവതരിപ്പിക്കാന് പ്രേമചന്ദ്രന് അനുമതി ലഭിച്ചു. വെള്ളിയാഴ്ച പതിനേഴാം ലോക്സഭയുടെ നടപടി ക്രമങ്ങള് തുടങ്ങുന്ന അന്ന് തന്നെ ബില് അവതരിപ്പിക്കും. നാളെ സ്പീക്കര് തെരഞ്ഞെടുപ്പും മറ്റന്നാള് രാഷ്ട്രപതിയുടെ നയപ്രഖ്യാപന പ്രസംഗവും കഴിഞ്ഞ് വെള്ളിയാഴ്ച മുതലാണ് സാധാരണ സഭാ നടപടികള് ആരംഭിക്കുന്നത്.
കഴിഞ്ഞ വര്ഷം സെപ്റ്റംബറിലാണ് ശബരിമലയില് യുവതീ പ്രവേശനം അനുവദിച്ചുകൊണ്ടുള്ള സുപ്രീം കോടതി വിധി വന്നത്. അന്നത്തെ ചീഫ് ജസ്റ്റിസ് ദീപക് മിശ്ര അധ്യക്ഷനായ ബെഞ്ചാണ് യുവതീ പ്രവേശനം അനുവദിച്ചുകൊണ്ട് വിധി പ്രസ്താവിച്ചത്. ഇതോടെ പത്ത് വയസിനും അമ്പത് വയസിനും ഇടയില് പ്രായമുള്ള സ്ത്രീകളുടെ പ്രവേശന വിലക്ക് നീങ്ങി. സംസ്ഥാനത്ത് വന് സമര പരമ്പരകള്ക്ക് തന്നെ കാരണമാകുകയും ചെയ്തിരുന്നു. എന്തായാലും മറ്റൊരു ശബരിമല ചര്ച്ചകള്ക്കുകൂടി വഴി തെളിഞ്ഞിരിക്കുകയാണ്.
https://www.facebook.com/Malayalivartha
