കലയുടെ കേളികൊട്ടിന് ഇന്ന് കോഴിക്കോട് തുടക്കമാകുന്നു. ഇനി എഴു പകലിരവുകളില്‍ ഈ നഗരം കോഴിക്കോടന്‍ ഹല്‍വ പോലെ മധുരം കിനിയുന്ന കലാവിഭവങ്ങള്‍ വിളമ്പും. സംസ്ഥാന സ്‌കൂള്‍ കലോത്സവത്തിന്റെ 55 പതിപ്പാണ് കോഴിക്കോട്ടേക്കു വിരുന്നു വന്നിരിക്കുന്നത്. രുചി വൈവിധ്യങ്ങളിലൂടെ മനസുകള്‍ കീഴടക്കിയ കോഴിക്കോടന്‍ പെരുമയ്‌ക്കൊപ്പം ഇനി കലാവൈവിധ്യവും നിറയും.

അപ്രതീക്ഷിതമായി വേദിയൊരുക്കേണ്ടിവന്ന കലോത്സവത്തിന് ഊഷ്മള സ്വീകരണമൊരുക്കുകയാണ് കോഴിക്കോട്. ഹൈസ്‌കൂള്‍, ഹയര്‍സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി വിഭാഗങ്ങളിലായി 232 മത്സരങ്ങളാണ് ഉണ്ടാകുക. ഒന്ന്, രണ്ട്, മൂന്ന് സ്ഥാനങ്ങള്‍ ലഭിക്കുന്നവര്‍ക്ക് 2000, 1,600, 1,200 രൂപ വീതം കാഷ് അവാര്‍ഡും സര്‍ട്ടിഫിക്കറ്റും നല്‍കും. എസ്. എസ്.എല്‍.സി, ഹയര്‍ സെക്കന്‍ഡറി , വൊക്കേഷണല്‍ ഹയര്‍ സെക്കന്‍ഡറി വിദ്യാര്‍ഥികള്‍ക്ക് ഗ്രേസ് മാര്‍ക്കും ( എ ഗ്രേഡ്30 മാര്‍ക്ക്, ബിഗ്രേഡ് 24 മാര്‍ക്ക്, സിഗ്രേഡ് 18 മാര്‍ക്ക്) നല്‍കും. മത്സരങ്ങളുടെ ഫലങ്ങളും മറ്റു വിവരങ്ങളും മത്സരാര്‍ഥികള്‍ക്കും മറ്റുള്ളവര്‍ക്കും ലഭിക്കുന്നതിനുള്ള സംവിധാനങ്ങള്‍ ഐടി അറ്റ് സ്‌കൂള്‍ ഒരുക്കിയിട്ടുണ്ട്.

വിദ്യാഭ്യാസമന്ത്രിയുടെ ഓഫീസിലെ ന്യൂ മീഡിയ സെല്‍ സജ്ജീകരിച്ചിട്ടുള്ള സോഷ്യല്‍ നെറ്റ്‌വര്‍ക്കിങ് സൈറ്റുകളിലൂടെ കലോത്സവത്തെ ജനങ്ങളിലെത്തിക്കുന്നതിന് \'കലോത്സവം ലൈവ്\' എന്ന പേരില്‍ പേജുകളും തയാറാക്കിയിട്ടുണ്ട്. ഇന്നു വൈകുന്നേരം നാലിനു നടക്കുന്ന ഉദ്ഘാടനച്ചടങ്ങിനു മുന്നോടിയായി ജില്ലയിലെ 55 സംഗീത അധ്യാപകര്‍ അവതരിപ്പിക്കുന്ന സ്വാഗത ഗാനാലാപനവും ദൃശ്യാവിഷ്‌കാരവും നടത്തും. നഗരത്തിന്റെ വിവിധ ഭാഗങ്ങളില്‍ 17 വേദികളിലായാണ് മത്സരങ്ങള്‍ നടക്കുക. പുതിയറയിലെ എസ്.കെ. പൊറ്റക്കാട് ഹാളിലാണ് സംസ്‌കൃതോത്സവം. റെഡ്‌ക്രോസ് റോഡിലെ സി.എച്ച്. മുഹമ്മദ് കോയ ഓഡിറ്റോറിയത്തിലാണ് അറബിക് സാഹിത്യോത്സവം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha