കരിഞ്ചന്തകളെ പൂർണമായും തുടച്ചുമാറ്റാൻ റേഷൻ രംഗത്ത് പുതിയ സാധ്യതകൾ ഒരുങ്ങുന്നു. ആധാറുമായി റേഷൻ കാർഡുകൾ ബന്ധിപ്പിച്ചുകൊണ്ടുള്ള മാറ്റങ്ങൾ മുൻപേ തന്നെ നിലവിൽ വന്നിരുന്നു. എന്നാൽ ഏടിഎമ്മിൽ നിന്നും പണമിടപാടുകൾ നടത്തുന്നത് ഫോണിൽ സന്ദേശമായി എത്തുന്നത്‌പോലെ റേഷൻ കടയിലെ സാധനങ്ങളുടെ വിലവിവരങ്ങൾ ഇനി മൊബൈൽ ഫോണിലും ലഭ്യമാകും. ഇത്തരത്തിലെ പുതിയ വഴിത്തിരിവ് കരിഞ്ചന്തകളെ പൂർണമായും തുടച്ചുമാറ്റുക എന്ന ലക്ഷ്യത്തോടുകൂടിയാണ് .

ഈ മാസം തന്നെ സംവിധാനം നടപ്പിലാകും. പുതിയ റേഷൻ കാർഡിനായി അപേക്ഷിച്ചവർക്ക് മാത്രമേ ഈ സംവിധാനം പ്രാവർത്തികമാകുകയുള്ളു. പഴയ റേഷൻ കാർഡുള്ളർക്ക് ഈ സംവിധാനം കൈവരാൻ വൈകും. ഇത്തരം സംവിധാനങ്ങൾ റേഷൻ ലഭിക്കാതെ പോകുന്നവരെ കൃത്യമായി അറിയിക്കുകയും അതുപോലെ തന്നെ റേഷൻ കടകളിൽ നിലനിന്നു വരുന്ന തട്ടിപ്പുകൾ പൂർണമായും നിർത്തലാക്കാൻ സാധിക്കുന്നതുമാണ്.

റേഷൻ സാധനങ്ങൾ വ്യാപകമായി കരിഞ്ചന്തകളിൽ എത്തുന്നതായും ഇത്തരം തട്ടിപ്പുകൾ പാവപ്പെട്ടവരിലാണ് ഏറെ നടന്നുവരുന്നതായുള്ള പരാതികളെ തുടർന്നാണ് മൊബൈൽഫോൺ വഴി വിവരങ്ങൾ കൃത്യമായി എത്തിക്കാനുള്ള പുതിയ നീക്കം. റേഷന്‍ കാര്‍ഡ് നമ്ബര്‍, കാര്‍ഡിന്റെ വിഭാഗം, ഉപഭോക്താവിന്റെ പേര്, വാങ്ങിയ സാധനങ്ങള്‍, തൂക്കം, വാങ്ങിയ തിയതി എന്നിവയാണ് സന്ദേശമായി ലഭിക്കുക. വാങ്ങുന്ന സാധനങ്ങളുടെ വിവരവും ഉപഭോക്താക്കള്‍ക്ക് ലഭിക്കുന്നതോടെ റേഷന്‍ തട്ടിപ്പ് പൂര്‍ണ്ണമായും തടയാനാകും.