ക​ഴി​ഞ്ഞ തി​ങ്ക​ളാ​ഴ്ച കെ.​എ​സ്.​ആ​ർ.​ടി.​സി എ​റ​ണാ​കു​ളം ഡി​പ്പോ​ക്ക്​ ച​രി​ത്ര നേ​ട്ട​ത്തി​ന്‍റെ ദി​വ​സ​മാ​യി​രു​ന്നു . ഓ​ണം ക​ഴി​ഞ്ഞു​ള്ള ആ​ദ്യ പ്ര​വൃ​ത്തി​ദി​ന​ത്തി​ൽ ഡി​പ്പോ​യു​ടെ വ​രു​മാ​നം 29.88 ല​ക്ഷ​ത്തി​ലെ​ത്തി. 29,88,679 രൂ​പ​യാ​ണ്​ ഒ​റ്റ​ദി​വ​സം കൊ​ണ്ട്​ ഓ​ടി നേ​ടി​യ​ത്.

പ്ര​തി​ദി​ന വ​രു​മാ​ന​ത്തി​ൽ 116.07 ശ​ത​മാ​ന​ത്തി​​ന്‍റെ വ​ർ​ധ​ന​വ്​​ രേ​ഖ​പ്പെ​ടു​ത്തി. 25,10,000 രൂ​പ ല​ക്ഷ്യ​മി​ട്ട സ്ഥാ​ന​ത്താ​ണ്​ വ​രു​മാ​നം 29.88 ല​ക്ഷം ക​വി​ഞ്ഞ​ത്. യാ​ത്ര​ക്കാ​രു​ടെ തി​ര​ക്ക്​ ക​ണ​ക്കി​ലെ​ടു​ത്ത്​ കൂ​ടു​ത​ൽ സ​ർ​വി​സു​ക​ൾ ന​ട​ത്തി​യും ട്രി​പ്പു​ക​ളു​ടെ കാ​ര്യ​ത്തി​ൽ സ​മ​യ​നി​ഷ്ഠ പാ​ലി​ച്ചു​മാ​ണ്​ എ​റ​ണാ​കു​ളം ഡി​പ്പോ അ​ഭി​മാ​നാ​ർ​ഹ​മാ​യ ഈ ​നേ​ട്ടം കൈ​വ​രി​ച്ച​ത്.

ഡി​പ്പോ​യി​ൽ നി​ന്നു​ള്ള ആ​കെ സ​ർ​വി​സു​ക​ളു​ടെ എ​ണ്ണം 83 ആ​ണ്. യാ​ത്ര​ക്കാ​രു​ടെ വ​ർ​ദ്ധി​ച്ച തി​ര​ക്ക്​ ക​ണ​ക്കി​ലെ​ടു​ത്ത്​ 31ാം തീ​യ​തി 95 സ​ർ​വി​സു​ക​ൾ ന​ട​ത്തി. അ​വ​ധി ക​ഴി​ഞ്ഞ്​ മ​ട​ങ്ങു​ന്ന വി​ദ്യാ​ർ​ഥി​ക​ളും ജോ​ലി​ക്കാ​രു​മാ​യി​രു​ന്നു യാ​ത്ര​ക്കാ​രി​ൽ കൂ​ടു​ത​ലും. സ​ർ​വി​സു​ക​ളു​ടെ കാ​ര്യ​ത്തി​ൽ തി​ര​ക്ക്​ മു​ൻ​കൂ​ട്ടി ക​ണ്ടു​ള്ള ആ​സൂ​ത്ര​ണം ന​ട​ത്തി​യി​രു​ന്നു എ​ന്ന്​ എ​റ​ണാ​കു​ളം ഡി​പ്പോ​യി​ലെ എ.​ടി.​ഒ അ​ജി​ത്​ പ​റ​ഞ്ഞു. ച​രി​ത്ര​ത്തി​ലെ ഏ​റ്റ​വും ഉ​യ​ർ​ന്ന വ​രു​മാ​ന​മാ​ണ്​ തി​ങ്ക​ളാ​ഴ്ച രേ​ഖ​പ്പെ​ടു​ത്തി​യ​ത്.

അതേസമയം ഓ​ണ നാ​ളു​ക​ളി​ലെ മ​റ്റ്​ ദി​വ​സ​ങ്ങ​ളി​ലും പ​തി​വി​ലും ക​വി​ഞ്ഞ വ​രു​മാ​ന​മു​ണ്ടാ​ക്കാ​നായി ഡി​പ്പോ​ക്ക്​ ക​ഴി​ഞ്ഞു. ഈ ​ദി​വ​സ​ങ്ങ​ളി​ലും ചി​ല റൂ​ട്ടു​ക​ളി​ൽ അ​ധി​ക സ​ർ​വീ​സ്​ ന​ട​ത്തി. ഡി​പ്പോ​യി​ൽ നി​ല​വി​ലു​ള്ള 83 സ​ർ​വി​സു​ക​ളി​ൽ 21 എ​ണ്ണം സ്ത്രീ​ക​ൾ​ക്ക്​ സൗ​ജ​ന്യ യാ​ത്ര അ​നു​വ​ദി​ച്ച പ്രി​യ​ദ​ർ​ശി​നി ബ​സു​ക​ളാ​ണ്. ഇ​തി​ൽ കൂ​ടു​ത​ലും ഗു​രു​വാ​യൂ​ർ, പി​ഴ​ല, ജി​ല്ല​യു​ടെ കി​ഴ​ക്ക​ൻ പ്ര​ദേ​ശ​ങ്ങ​ൾ എ​ന്നി​വി​ട​ങ്ങ​ളി​ലേ​ക്കാ​ണ്. ബ​ജ​റ്റ്​ ടൂ​റി​സം സ​ർ​വി​സു​ക​ളി​ലൂ​ടെ​യും പു​തി​യ യാ​ത്ര സ​ർ​വി​സു​ക​ളി​ലൂ​ടെ​യും വ​രു​മാ​നം ഉ​യ​ർ​ത്താ​നാ​ണ്​ ഡി​​പ്പോയുടെ ല​ക്ഷ്യം.