പി.കൃഷ്ണപിളള സ്മാരകം ആക്രമണ കേസ് അന്വേഷിക്കുന്ന ക്രൈംബ്രാഞ്ച് സംഘത്തിനു പൊലീസിന്റെയും സിപിഎമ്മിന്റെയും നേതൃത്വത്തില്‍ നിരന്തര വധഭീഷണി. ഭീഷണിപ്പെടുത്തിയവര്‍ക്കെതിരെ ക്രൈംബ്രാഞ്ച് നല്‍കിയ പരാതി ആഭ്യന്തരവകുപ്പ് അട്ടിമറിച്ചു. അതേസമയം, ആലപ്പുഴ സിപിഎമ്മിലെ പത്ത് രണ്ടാം നിര നേതാക്കളെക്കൂടി ചോദ്യംചെയ്യാന്‍ ക്രൈംബ്രാഞ്ച് തീരുമാനിച്ചു.
തൃശൂര്‍ ക്രൈംബ്രാഞ്ച് എസ്പി: ആര്‍.കെ. ജയരാജന്റെ മേല്‍നോട്ടത്തില്‍ ആലപ്പുഴ ക്രൈംബ്രാഞ്ച് ഡിവൈഎസ്പി പി.കെ.രാജേന്ദ്രനും സംഘവുമാണ് കേസ് അന്വേഷിക്കുന്നത്. സിപിഎം പ്രവര്‍ത്തകരെ പ്രതിയാക്കിതോടെയാണ് ഭീഷണിയുടെ ആരംഭം. ട്രാഫിക്കില്‍ എസ്പി: റാങ്കിലുള്ള ഉദ്യോഗസ്ഥന്‍ അന്വേഷണസംഘത്തിലെ എസ്‌ഐയെ ഫോണിലൂടെ ഭീഷണിപ്പെടുത്തിയതായിരുന്നു തുടക്കം. ഇതിനെക്കുറിച്ച് ക്രൈംബ്രാഞ്ച് സംഘം, എഡിജിപിക്ക് പരാതി നല്‍കിയെങ്കിലും അന്വേഷണമുണ്ടായില്ല. ഇതിനിടെ സിപിഎം മുന്‍ ലോക്കല്‍ സെക്രട്ടറി ഉള്‍പ്പെടെയുള്ളവരെ അറസ്റ്റ് ചെയ്തതോടെ ഭീഷണിയുടെ ആഴവും എണ്ണവും വര്‍ധിച്ചു. അന്വേഷണവുമായി മുന്നോട്ട് പോയാല്‍ കുടുംബാംഗങ്ങളെ വകവരുത്തുമെന്നാണ് നേരിട്ടും ഫോണിലൂടെയുമുള്ള ഭീഷണി.
ഭീഷണിപ്പെടുത്തിയവരുടെ പേരും ഫോണ്‍ നമ്പരും സഹിതം പരാതി നല്‍കിയെങ്കിലും പൊലീസ് കേസ് റജിസ്റ്റര്‍ ചെയ്തുപോലുമില്ല. കേസിലെ ഗൂഡാലോചനയേക്കുറിച്ചുള്ള അന്വേഷണം ഒഴിവാക്കുകയും നിലവില്‍ പിടിയിലായിരിക്കുന്നവരില്‍ അന്വേഷണം അവസാനിപ്പിക്കുകയുമാണ് ഭീഷണിയുടെ ലക്ഷ്യമെന്ന് ക്രൈംബ്രാഞ്ച് കരുതുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha