മുരളീധരനെ തിരുവനന്തപുരത്ത് സ്ഥാനാര്ത്ഥിയാക്കാന് ഉമ്മന്ചാണ്ടിയുടെ നേതൃത്വത്തില് എഗ്രൂപ്പ് നേതാക്കളുടെ ഗൂഢാലോചന
സുനന്ദപുഷ്കറിന്റെ മരണത്തെ തുടര്ന്നുണ്ടാകുന്ന അന്വേഷണത്തില് ശശി തരൂര് രാജിവെച്ചാല് കെ.മുരളീധരന് എം.എല്.എയെ മല്സരിപ്പിക്കാന് എ ഗ്രൂപ്പ് തീരുമാനം. മുഖ്യമന്ത്രിയുടെ ചേമ്പറില് കഴിഞ്ഞ ദിവസം നടന്ന അനൗദ്യോഗിക ചര്ച്ചയിലാണ് തീരുമാനം. ഇത് വഴി മുരളീധരനെ സംസ്ഥാനത്ത് നിന്നും കെട്ട് കെട്ടിക്കുകയാണ് ലക്ഷ്യം. മന്ത്രി കെ.സി ജോസഫാണ് ഇക്കാര്യം യോഗത്തില് ഉന്നയിച്ചത്. തരൂര് തിരുവനന്തപുരം പാര്ലമെന്റ് മണ്ഡലത്തില് തരൂര് രാജിവെക്കേണ്ട സാഹചര്യം വന്നാല് എന്ത് നിലപാട് എടുക്കണമെന്ന് അദ്ദേഹം ചോദിച്ചു. തുടര്ന്ന് മുഖ്യമന്ത്രി മുരളീധരനെ മല്സരിപ്പിക്കുക എന്ന തീരുമാനം മുന്നോട്ട് വയ്ക്കുകയായിരുന്നു.
യോഗത്തില് ഉണ്ടായിരുന്ന എ ഗ്രൂപ്പുകാരനും മുരളീധരന്റെ അടുപ്പക്കാരനുമായ ഒരാള് ഇക്കാര്യം അദ്ദേഹത്തെ വിളിച്ച് അറിയിച്ചു. എ ഗ്രൂപ്പിന്റെ ഈ ഏണി എങ്ങനെ ഒഴിവാക്കാമെന്ന ആലോചനയിലാണ് മുരളീധരന്. വട്ടിയൂര്ക്കാവ് മണ്ഡലത്തില് മുരളിയെ ആര്ക്കും തോല്പ്പിക്കാനാവാത്ത സ്ഥിതിയാണുള്ളത്. പാര്ട്ടിയിലും അദ്ദേഹം ശക്തനായി വളരുകയാണ്. ഉമ്മന്ചാണ്ടിയുടെയും വി.എം സുധീരന്റെയും രമേശ് ചെന്നിത്തലയുടെയും തെറ്റായ നിലപാടുകളെ പരസ്യമായും പാര്ട്ടിക്ക് ഉള്ളിലും മുരളി ചോദ്യം ചെയ്യുന്നുണ്ട്. മുരളിക്ക് ജനങ്ങളുടെ ഇടയില് വലിയ സ്വാധീനവും ഉണ്ട്. അതൊക്കെ തടയിടാനാണ് ഇങ്ങിനെ ഒരു പണി കൊടുക്കുന്നത്.
എ.ഐ.സി.സിയില് മുരളിയെ മല്സരിപ്പിക്കണമെന്ന് ഉമ്മന്ചാണ്ടി സമ്മര്ദ്ദം ചെലുത്തിയാല് ഹൈക്കമാന്ഡ് വഴങ്ങും. സി.പി.ഐക്ക് വലിയ പ്രതീക്ഷയില്ല, ബി.ജെ.പി സുരേഷ് ഗോപിയെയോ മറ്റോ ആയിരിക്കും രംഗത്തിറക്കുക. അങ്ങനെ വന്നാല് മുരളിക്ക് വിജയ സാധ്യത കൂടുതലാണ്. എം.എല്.എ എന്ന നിലയിലും പാര്ട്ടിയിലെ പ്രവര്ത്തനങ്ങളിലും മുരളിക്ക് നല്ല ഇമേജാണുള്ളത്. ഇക്കാര്യങ്ങള് വിശദമാക്കിയായിരിക്കും എ ഗ്രൂപ്പ് ഹൈക്കമാന്ഡിന് റിപ്പോര്ട്ട് നല്കുക.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
