വൈകീട്ട് 6 മണി മുതല് രാത്രി 10 മണി വരെ ഹോസ്റ്റലില് മൊബൈല് ഫോണ് ഉപയോഗിക്കാന് അനുവദിക്കുന്നില്ല; കൊളെജിനെതിരേ വിദ്യാര്ത്ഥിനി നിയമപോരാട്ടത്തിന്
രാത്രിയില് കോളെജ് ഹോസ്റ്റലില് മൊബൈല് ഫോണ് ഉപയോഗത്തിന് ഏര്പ്പെടുത്തിയ നിയന്ത്രണത്തിനെതിരേ ചോദ്യം ചെയ്ത് നിയമ പോരാട്ടത്തിനൊരുങ്ങി വിദ്യാര്ത്ഥിനി. ചേളന്നൂര് എസ്എന് കോളേജ് രണ്ടാം വര്ഷ ബിരുദ വിദ്യാര്ത്ഥിനി ഫഹീമ ഷിറിനാണ് മാനേജ്മെന്റിന്റെ തീരുമാനത്തെ ചോദ്യം ചെയ്ത് രംഗത്തെത്തിയത്. ഇന്റര്നെറ്റ് സഹായം പഠനത്തിന് അനിവാര്യമയാ ഇക്കാലത്ത് ഇത്തരം നിയന്ത്രണം അനീതിയാണ് എന്നാണ് ഷിറിന് പറയുന്നത്.
വൈകീട്ട് 6 മണി മുതല് രാത്രി 10 മണി വരെ ഹോസ്റ്റലില് മൊബൈല് ഫോണ് ഉപയോഗിക്കരുതെന്നാണ് ചേളന്നൂര് എസ്എന് കോളേജ് മാനേജ്മെന്റിന്റെ തീരുമാനം. പഠന നിലവാരം ഉറപ്പാക്കാനെന്ന പേരിലാണ് ഈ നിയന്ത്രണം. സുരക്ഷയുടെ ഭാഗമായി വിദ്യാര്ത്ഥികള്ക്ക് മൊബൈല് ഫോണ് ഉപയോഗം അനുവദിക്കാമെന്ന യുജിസി നിര്ദ്ദേശം ഷിറിന് ചൂണ്ടിക്കാട്ടിയിരുന്നു. എന്നാല് മൊബൈല്ഫോണ് ഉപയോഗിക്കുന്ന പക്ഷം ഹോസ്റ്റലില്നിന്ന് മാറണമെന്നാണ് പ്രിന്സിപ്പലിന്റെ നിര്ദ്ദേശം.
മനുഷ്യാവകാശ കമ്മീഷനും വനിതാ കമ്മീഷനും പരാതി നല്കാന് ഒരുങ്ങുകയാണ് എന്നാണ് ഷിറിന്റെ പിതാവ് അക്സര് പറയുന്നത്. ഹോസ്ററല് കമ്മിറ്റി ചേര്ന്ന് എടുത്ത തീരുമാനമാണ് നടപ്പാക്കുന്നതെന്ന് പ്രിന്സിപ്പല് പറയുന്നു. ഷിറിന് ഒഴികെയുളള കുട്ടികള്ക്കും അവരുടെ രക്ഷിതാക്കള്ക്കും തീരുമാനത്തില് എതിര്പ്പില്ല. നിര്ദ്ദേശം പാലിക്കാന് കഴിയില്ലെങ്കില് ഹോസ്റ്റലില് നിന്ന് മാറണമെന്ന് കോളേജ് അധികൃതര് ഷിറിനെ രേഖാമൂലം അറിയിച്ചിട്ടുണ്ട്.
https://www.facebook.com/Malayalivartha
