യൂണിവേഴ്‌സിറ്റി കോളേജില്‍ ഇന്ന് ടന്ന അക്രമസംഭവം രാഷ്ട്രീയ പ്രശ്‌നമല്ലെന്ന് എസ്.എഫ്.ഐ സംസ്ഥാന സെക്രട്ടറി സച്ചിന്‍ ദേവ്. സംഭവത്തില്‍ ഏതെങ്കിലും എസ്.എഫ്.ഐ പ്രവര്‍ത്തകര്‍ ഉള്‍പ്പെട്ടിട്ടുണ്ടെങ്കില്‍ അവര്‍ പിന്നെ എസ്.എഫ്.ഐയില്‍ ഉണ്ടാവില്ലെന്ന് സംസ്ഥാന സെക്രട്ടറി സച്ചിന്‍ ദേവ്. പൊലീസ് തലത്തിലുള്‍പ്പെടെ നല്ല അന്വേഷണം നടക്കട്ടെയെന്നും അദ്ദേഹം മാധ്യമങ്ങളോട് പറഞ്ഞു.

യൂണിവേഴ്‌സിറ്റി കോളേജില്‍ നടന്നത് രാഷ്ട്രീയ പ്രശ്‌നമല്ലന്നും അദ്ദേഹം പറഞ്ഞു. 'ആരാണ് അക്രമത്തിനു തുടക്കം കുറിച്ചത്, എങ്ങനെയാണ് ആ വിദ്യാര്‍ഥി അവിടെ അക്രമിക്കപ്പെട്ടത്, അതേക്കുറിച്ച് പൊലീസ് തലത്തിലുള്‍പ്പെടെ നല്ല അന്വേഷണം നടക്കട്ടെ. അതില്‍ കുറ്റക്കാരായവര്‍, അക്രമത്തിനു നേതൃത്വം നല്‍കിയവര്‍, അവര്‍ കര്‍ശനമായ നിലയിലുള്ള നിയമനടപടിക്കു വിധേയമാകട്ടെ. അത്തരമാളുകളെ സംരക്ഷിക്കുന്ന നിലപാട് എസ്.എഫ്.ഐക്കില്ല. അങ്ങനെ ഒരു കാമ്ബസിനെ ഏതെങ്കിലും നിലയിലേക്കുള്ള അക്രമത്തിന്റെ കേന്ദ്രമാക്കണമെന്ന് ആഗ്രഹിക്കുന്ന ഒരാളോടൊപ്പവും ഒരുകാലത്തും എസ്.എഫ്.ഐ അണിനിരക്കില്ല.' അദ്ദേഹം പറഞ്ഞു.

യൂണിവേഴ്‌സിറ്റി കോളേജ് കേന്ദ്രമാക്കി ഇത്തരം വിഷയങ്ങള്‍ ബോധപൂര്‍വം ഉയര്‍ത്തിക്കൊണ്ടുവരുന്നുണ്ടെന്നും സച്ചിന്‍ ആരോപിച്ചു. 'ഏതെങ്കിലും തരത്തിലുള്ള രാഷ്ട്രീയ അജണ്ട അവിടെ നടപ്പാക്കുന്നവര്‍, എല്ലായിടത്തുനിന്നും എസ്.എഫ്.ഐയെ ഒറ്റപ്പെടുത്തണമെന്ന് ആഗ്രഹിച്ച് പേരുകള്‍ പോലും ഇല്ലാത്ത ചില കൂട്ടങ്ങള്‍, കാമ്ബസിനുള്ളിലേക്കു കടന്നുവരുന്ന ഒരു സാഹചര്യം ഉണ്ട്. അത് എല്ലാവരും തിരിച്ചറിയണം.' സച്ചിന്‍ പറഞ്ഞു.