യൂണിവേഴ്‌സിറ്റി കോളേജിലെ സംഘര്‍ഷവുമായി ബന്ധപ്പെട്ട് സര്‍ക്കാര്‍ റിപ്പോര്‍ട്ട് തേടി വിദ്യാഭ്യാസ മന്ത്രി കെ ടി ജലീല്‍. കോളേജ് വിദ്യാഭ്യാസ ഡയറക്ടറോടാണ് മന്ത്രി റിപ്പോര്‍ട്ട് തേടിയത്. സംഘര്‍ഷത്തെ തുടര്‍ന്ന് കോളേജ് പ്രിന്‍സിപ്പലിന്റെ അലസമായ പ്രതികരണത്തെ തുടര്‍ന്നാണ് നടപടി.

സംഘര്‍ഷത്തിന്റെ കാരണം അറിയില്ലെന്നും, പരിശോധിച്ചുവരികയാണെന്നുമായിരുന്നു പ്രിന്‍സിപ്പലിന്റെ പ്രതികരണം. സംഭവത്തില്‍ സമഗ്രമായ അന്വേഷണം നടത്തി റിപ്പോര്‍ട്ട് സമര്‍പ്പിക്കാനാണ് നിര്‍ദേശം. എസ്എഫ്‌ഐ ആക്രമണത്തില്‍ കുത്തേറ്റ മൂന്നാം വര്‍ഷ ബിരുദ വിദ്യാര്‍ത്ഥി അഖില്‍ മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. പ്രതികള്‍ക്കെതിരെ പോലീസ് വധശ്രമത്തിന് കേസെടുത്തു.