തൃശ്ശൂരിൽ നിന്ന് അതീവ ദാരുണമായ ഒരു അപകട വാർത്തയാണ് വരുന്നത്. മദ്യപിച്ചെത്തിയ ഡ്രൈവറുടെ കടുത്ത അനാസ്ഥ റോഡിൽ കവർന്നത് ഒരു കുടുംബത്തിലെ മൂന്ന് ജീവനുകൾ. കുന്നംകുളം ആർത്താറ്റിൽ റോഡരികിൽ ബൈക്ക് നിർത്തി സംസാരിക്കുകയായിരുന്ന ദമ്പതികളിലേക്കും മൂന്ന് വയസ്സുകാരനായ കുഞ്ഞിലേക്കും അമിതവേഗതയിലെത്തിയ കാർ യാതൊരു നിയന്ത്രണവുമില്ലാതെ ഇടിച്ചുകയറുകയായിരുന്നു. തൃശ്ശൂർ എടക്കഴിയൂർ സ്വദേശികളായ മുനീർ, ഭാര്യ ഷിഫ്ന, മകൻ എമിൽ ഐബക്ക് എന്നിവരാണ് അപകടസ്ഥലത്തുതന്നെ ചോരവാർന്ന് മരിച്ചത്. കാലുറയ്ക്കാത്ത വിധം കടുത്ത മദ്യലഹരിയിലായിരുന്ന കാർ ഡ്രൈവറെ നാട്ടുകാർ തടഞ്ഞുവെച്ച് പോലീസിന് കൈമാറി. പ്രതിക്കെതിരെ മനഃപൂർവ്വമുള്ള നരഹത്യയ്ക്ക് പോലീസ് കേസെടുത്തിട്ടുണ്ട്.