ഹോർമുസ് കടലിടുക്കിന് സമീപം നിയന്ത്രിത മേഖല പ്രഖ്യാപിക്കുമെന്ന് ഇറാൻ. ഒമാനുമായി ധാരണയിലെത്തിയ പുതിയ കപ്പൽ റൂട്ട് ഉടൻ പ്രഖ്യാപിക്കുമെന്നും ഇറാന്റെ ഉന്നത സുരക്ഷാ ഉദ്യോ​ഗസ്ഥൻ മൊഹ്സെൻ റെസായി പറഞ്ഞു. ​ഗൾഫ് മേഖലയിലെ ചില ഭാ​ഗങ്ങളും പുതിയ മേഖലയിൽ ഉൾപ്പെടുമെന്നും അതിലേക്ക് പ്രവേശിക്കുന്ന ഏത് കപ്ലും ഉപരോധ പട്ടികയിൽ ഉൾപ്പെടുത്തുമെന്നും റെസായി പറഞ്ഞു.

കഴിഞ്ഞ ദിവസങ്ങളിലായി യുഎസ് യുദ്ധക്കപ്പലുകൾക്ക് നേരെയും ഇറൻ എണ്ണ ടാങ്കറുകൾക്ക് നേരെയും ആക്രമണം നടന്നിട്ടുണ്ടായിരുന്നു. ഇറാന്റെ സുരക്ഷയ്ക്കെതിരായ ഏത് ആക്രമണത്തിനും ശക്തവും വേദനാജനകവുമായ മറുപടി നൽകുമെന്ന് ഇറാൻ പാർലമെന്റ് സ്പീക്കർ മുഹമ്മദ് ബാഖിർ ഗാലിബഫ് മുന്നറിയിപ്പ് നൽകുകയും ചെയ്തു.