ഇന്ത്യയില്‍ കോണ്‍ഗ്രസ് മരിച്ചുകൊണ്ടിരിക്കുകയാണ്. ഇനി അവിടെനിന്നാല്‍ അടുത്ത തെരെഞ്ഞടുപ്പിലും പരാജയപ്പെട്ടേക്കാം എന്ന ഭയം പാര്‍ട്ടിയിലെ എല്ലാ നേതാക്കള്‍ക്കും തോന്നിത്തുടങ്ങി അതിനു വഴിവയ്ക്കാതിരിക്കാനാണ് നേതാക്കള്‍ ബിജെപിയിലേക്ക് ചാടുന്നത. ഈ സാഹചര്യത്തില്‍ രാഷ്ട്രീയത്തെ തന്റേതായ ശൈലിയില്‍ വിലയിരുത്തുന്ന ആളായ അഡ്വ. ജയശങ്കര്‍ ഒരു പ്രതികരണം നടത്തിയിരിക്കുകയാണ്. മുങ്ങുന്ന കപ്പലില്‍ നിന്ന് കോണ്‍ഗ്രസ് എം.എല്‍എമാര്‍ ചാടി രക്ഷപ്പെടുകയാണെന്നാണ് എ ജയശങ്കര്‍ പ്രതികരിച്ചിരിക്കുന്നത്. പണ്ട് ഇന്ദിരാ ഗാന്ധി പയറ്റിയ പയറ്റാണ് ഇപ്പോള്‍ നരേന്ദ്ര മോദി പയറ്റുന്നത്. താടിവെച്ച ഇന്ദിരയാണ് മോദിയെന്നും ജയശങ്കര്‍ പറഞ്ഞു.

കോണ്‍ഗ്രസ് നേതൃത്വത്തിന് വലിയ വീഴ്ച സംഭവിച്ചിരിക്കുകയാണ്. ആ പാര്‍ട്ടിയുടെ സംഘടന സംവിധാനം മൊത്തത്തില്‍ തകര്‍ന്നു. ഗംഗ സമതലത്തില്‍ കോണ്‍ഗ്രസ് വലിയ വെല്ലുവിളി നേരിടുകയാണ്. പ്രബലമായ സഖ്യ കക്ഷികള്‍ ഇല്ല. തിരഞ്ഞെടുപ്പില്‍ തിരിച്ചടികള്‍ സ്വാഭാവികമാണ്. എന്ന് വിചാരിച്ച് നേതാക്കന്മാര്‍ വനവാസത്തിന് പോകുമോ. രാഹുല്‍ ഗാന്ധി ഒളിച്ചോടുകയാണ് എന്ന ധാരണയാണ് ജനങ്ങള്‍ക്കുള്ളത്.

കോണ്‍ഗ്രസ് ഇന്ത്യയില്‍ നിന്ന് ഇല്ലാതാവില്ല. ബി.ജെ.പിക്ക് ബദല്‍ കോണ്‍ഗ്രസ് തന്നെയാണ്. കോണ്‍ഗ്രസിന്റെ നേതൃത്വത്തില്‍ ബദല്‍ ഉയര്‍ന്ന് വരും. അല്ലെങ്കില്‍ ഇന്ത്യ ഇന്ത്യയല്ലാതാവുന്ന അവസ്ഥ ഉണ്ടാവുമെന്നും ജയശങ്കര്‍ ചൂണ്ടിക്കാട്ടി. അതേസമയം ആദ്യം കോണ്‍ഗ്രസ് ജെഡിഎസ് സഖ്യത്തില്‍ നിന്ന് 16 എംഎല്‍എ മാരാണ് രാജിവച്ചത്. പിന്നാലെ ഗോവയിലും കോണ്‍ഗ്രസിനു വന്‍പ്രതിസന്ധി സൃഷ്ടിച്ച് എംഎല്‍എമാര്‍ ബിജെപിയില്‍ ചേര്‍ന്നിരുന്നു. നാല്‍പതംഗ നിയമസഭയില്‍ കോണ്‍ഗ്രസിന് ആകെയുള്ള 15 എംഎല്‍എമാരില്‍ 10 പേരും ബിജെപിയിലേക്കു കൂറുമാറി. പ്രതിപക്ഷ നേതാവ് ചന്ദ്രകാന്ത് കാവ്‌ലേക്കറുടെ നേതൃത്വത്തിലുള്ള എംഎല്‍എമാരുടെ സംഘം പാര്‍ട്ടി വിടുകയാണെന്നു പ്രഖ്യാപിച്ച് നിയമസഭാ സ്പീക്കര്‍ രാജേഷ് പട്നേക്കറിനു കത്തു നല്‍കി. മൂന്നില്‍ രണ്ടുപേര്‍ മറുകണ്ടം ചാടിയതോടെ ഗോവയില്‍ കോണ്‍ഗ്രസ് എംഎല്‍എമാരുടെ അംഗസംഖ്യ അഞ്ചിലൊതുങ്ങി. 17 അംഗങ്ങളുള്ള ബിജെപി, ഗോവ ഫോര്‍വേഡ് പാര്‍ട്ടി (3) സ്വതന്ത്രര്‍ (3), എന്‍സിപി (1),എംജിപി (1) എന്നിവയുടെ പിന്തുണയോടെയാണ് ഭരിക്കുന്നത്. മനോഹര്‍ പരീക്കറുടെ മരണത്തെത്തുടര്‍ന്ന് കഴിഞ്ഞ മാര്‍ച്ചിലാണ് പ്രമോദ് സാവന്ത് മുഖ്യമന്ത്രിയായത്. സഭയിലെ ഏറ്റവും വലിയ ഒറ്റക്കക്ഷിയെ നോക്കുകുത്തിയാക്കി, മറ്റൊരു പാര്‍ട്ടി സര്‍ക്കാര്‍ രൂപീകരിച്ച് അധികാരത്തിലെത്തുന്ന രാഷ്ട്രീയക്കളിക്ക് ആദ്യം സാക്ഷ്യംവഹിച്ച സംസ്ഥാനമാണ് ഗോവ. 2017 ല്‍ നടന്ന തിരഞ്ഞെടുപ്പില്‍ ആകെയുള്ള 40ല്‍ 17 സീറ്റുമായി കോണ്‍ഗ്രസ് ആയിരുന്നു ഏറ്റവും വലിയ ഒറ്റക്കക്ഷി. ബിജെപിക്ക് 13 സീറ്റാണു ലഭിച്ചത്. എന്നാല്‍, കോണ്‍ഗ്രസ് സര്‍ക്കാര്‍ രൂപീകരണത്തെക്കുറിച്ച് ആലോചിക്കും മുന്‍പ് ബിജെപി അവകാശമുന്നയിക്കുകയും സഖ്യകക്ഷികളെ കണ്ടെത്തി അധികാരം നേടുകയും.