ഭാര്യക്കൊപ്പം ആശുപത്രിയിലേക്ക് പോകുയായിരുന്ന ഭർത്താവ് ആറ്റിൽ ചാടി ആത്മഹത്യ ചെയ്തു. ഇന്നലെ രാവിലെ 8.30നായിരുന്നു പത്തനംതിട്ടയിലാണ് സംഭവം നടന്നത്. രോഗ ബാധിതനായി കോട്ടയം മെഡിക്കൽ കോളജ് ആശുപത്രിയിൽ 4 ദിവസത്തോളം ചികിത്സയിലായിരുന്നു ഇയാൾ. തുടർന്ന് ഇന്നലെ രാവിലെ വീണ്ടും ആശുപത്രിയിലേക്ക് പോകും വഴിയാണ് ഇരവിപേരൂർ പൂവപ്പുഴ ഇളവുംകണ്ടത്തിൽ സുനിൽകുമാർ (46) ആത്മഹത്യ ചെയ്തത് .

വള്ളംകുളം പാലത്തിനടുക്കൽ എത്തിയപ്പോൾ ഓട്ടോ നിർത്താൻ ആവശ്യപ്പെട്ടു. ഡ്രൈവർ ഓട്ടോയുടെ വേഗം കുറച്ചപ്പോൾ ചാടി ഇറങ്ങി സമീപത്തെ മണിമലയാറ്റിലേക്ക് ചാടുകയായിരുന്നു. തിരുവല്ല അഗ്നിരക്ഷാസേനന നടത്തിയ ഒരു മണിക്കൂർ തിരച്ചിലിലാണ് മൃതദേഹം കണ്ടെത്തിയത്. ഗൾഫിലായിരുന്ന സുനിൽകുമാർ ഒന്നരയാഴ്ച മുൻപാണ് നാട്ടിൽ വന്നത്. രോഗ ബാധിതനായി കോട്ടയം മെഡിക്കൽ കോളജ് ആശുപത്രിയിൽ 4 ദിവസത്തോളം ചികിത്സയിൽ കഴിഞ്ഞിരുന്നു.