സി.പി.എമ്മിന്റെ കോട്ടകളെ വിറപ്പിച്ചുകൊണ്ട് താഴേത്തട്ടിൽ നിന്ന് സ്വന്തം അണികൾ പൊട്ടിച്ച ബോംബിൽ മുഖ്യമന്ത്രി പിണറായി വിജയനും സംസ്ഥാന സെക്രട്ടറി എം.വി. ഗോവിന്ദനും കടുത്ത പ്രതിസന്ധിയിൽ. തിരഞ്ഞെടുപ്പ് തോൽവിയുടെ പൂർണ്ണ ഉത്തരവാദിത്തം അണികളുടെയും വോട്ടർമാരുടെയും തലയിൽ കെട്ടിവെച്ച് രക്ഷപ്പെടാനുള്ള നേതൃത്വത്തിന്റെ നീക്കങ്ങൾക്കെതിരെ പാർട്ടി ഘടകങ്ങളിൽ നിന്ന് അതിശക്തമായ ആഭ്യന്തര കലാപമാണ് ഇപ്പോൾ പുകയുന്നത്.

മാധ്യമങ്ങൾ സൃഷ്ടിച്ച വാർത്തകളല്ല, മറിച്ച് പുറത്തുവന്ന പാർട്ടിയുടെ ഔദ്യോഗിക തിരുത്തൽ നയരേഖയിലാണ് പിണറായി വിജയന്റെ ഭരണശൈലിക്കും ധാർഷ്ട്യത്തിനുമെതിരെ സഖാക്കൾ കടുത്ത ഭാഷയിൽ തിരിച്ചടിച്ചിരിക്കുന്നത്. പിണറായി വിജയനെ സംരക്ഷിക്കാൻ സംസ്ഥാന സെക്രട്ടറി എം.വി. ഗോവിന്ദൻ പരമാവധി ശ്രമിക്കുന്നുണ്ടെങ്കിലും താഴേത്തട്ടിലെ കനത്ത അമർഷത്തിന് മുന്നിൽ ഗോവിന്ദനും ഇനി രക്ഷിക്കാനാകില്ലെന്ന സൂചനകളാണ് പുറത്തുവരുന്നത്. ബംഗാളിലെ തകർച്ചയ്ക്ക് സമാനമായി കേരളത്തിലും പാർട്ടി തകർന്നടിയുമെന്ന കേന്ദ്ര കമ്മിറ്റിയുടെ രഹസ്യ റിപ്പോർട്ടിലെ ഞെട്ടിക്കുന്ന വിവരങ്ങൾ...