മക്കളുള്ളവരാരും ഈ കുഞ്ഞുങ്ങളുടെ അവസ്ഥ കണ്ടാല്‍ സഹിക്കില്ല. സ്‌കൂള്‍ ബസിലും കാറിലും മക്കളെ സ്‌കൂളിലേക്ക് വിടുന്ന മാതാപിതാക്കള്‍ അറിയണം ഈ കുഞ്ഞുങ്ങളുടെ ജീവിതം. അമ്പൂരി മായം ചങ്ങാടക്കടവില്‍ കുരുന്നുകള്‍ പഠിക്കാനായി സ്‌ക്കൂളിലെത്തുന്നത് ചീങ്കണ്ണികളുടെ ആക്രമണങ്ങളില്‍ പേര് കേട്ട നെയ്യാറിലൂടെ ടയര്‍ ട്യൂബില്‍ തുഴഞ്ഞ്. കഴിഞ്ഞ ദിവസം നടന്ന റണ്‍ കേരള റണ്‍ കൂട്ടയോട്ടത്തില്‍ പങ്കെടുക്കാനും ഇവര്‍ വായു നിറച്ച കാറിന്റെ ട്യൂബില്‍ കൈകാലടിച്ച് തുഴഞ്ഞെത്തി. മായം സെന്റ് മേരീസ് എല്‍.പി. സ്‌കൂളിലെയും അങ്കണവാടിയിലെയും കുട്ടികളായ പറത്തി കാവുവിള കിഴ ക്കുംകര വീട്ടില്‍ ബിജു യോഹന്നാന്‍ ജോസ്മി ദമ്പതികളുടെ മക്കളായ പ്രിയ(11), പ്രിന്‍സ് (9), അനന്തു (6) അനന്യ(4) എന്നിവരാണ് പറത്തി ദ്വീപില്‍ നിന്നി ടയര്‍ട്യൂബില്‍ പഠിക്കാനെത്തുന്നത്.
നെയ്യാറിലൂടെയുള്ള യാത്രയില്‍ എപ്പോഴാണ് ചീങ്കണ്ണിയുടെ ആക്രമണം ഉണ്ടാവുക എന്ന് പറയാന്‍ കഴിയില്ല. മക്കളെ തനിച്ച് വിടാന്‍ കഴിയാത്തതിനാല്‍ പിതാവ് ബിജുവും ഇവരോടൊപ്പം ഉണ്ടാവും എല്ലാ യാത്രയിലും.
സ്‌കൂളിലേക്കുളള ഇവരുടെയാത്രയില്‍ പുസ്തകക്കെട്ടുകള്‍ക്കൊപ്പം ബാഗില്‍ ആഹാരവും കരയിലെത്തി മാറ്റാനുളള വസ്ത്രങ്ങളുമുണ്ടാകും. കഴിഞ്ഞ ദിവസം കൂട്ടയോട്ടത്തതില്‍ പങ്കെടക്കേണ്ടതിനാല്‍ രാവിലെ എട്ടിന് മുമ്പ് ഇവര്‍ 300 മീറ്റര്‍ വിസ്തൃതിയുളള നെയ്യാല്‍ ജലാശയം തുഴഞ്ഞു കയറി.
200 ഓളം കുടുംബങ്ങള്‍ പാര്‍ക്കുന്ന മായം, പറത്തി മേഖലകള്‍ നെയ്യാല്‍ വനമേഖലയുടെ പ്രാന്തപ്രദേശത്താണ്. ജലാശയവും വന്യമൃഗങ്ങളും നിരന്തരം ഭീഷണിയുയര്‍ത്തുന്നുണ്ടെങ്കില്‍ നാട്ടില്‍പുറങ്ങളില്‍ ചേക്കേറാനും ഇവര്‍ തയ്യാറല്ല. മുമ്പ് ഇവിടെ പഞ്ചായത്ത് വക കടത്തുവളളം. രണ്ട് മാസം മുമ്പ് അറ്റകുറ്റപ്പണിക്കായി കരിമഠം കളത്തിലേയ്ക്ക് മാറ്റിയശേഷം അധികൃതര്‍ പകരം വളളം ഏര്‍പ്പെടുത്തിയില്ല. അന്നുമുതല്‍ പറത്തി നിവാസികളുടെ ദുരിതവും ആരംഭിച്ചു. നാട്ടില്‍ പുറങ്ങളിലെ വിദ്യാലയങ്ങളിലും പണിസ്ഥലങ്ങളിലും പോകാന്‍ നാലുകിലോമീറ്ററോളം നടന്ന് കുമ്പിച്ചന്‍ കടവിലെത്തേണ്ട ഗതികേടിലാണിവര്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha