ആലപ്പുഴ കെജി കവലയ്ക്ക് സമീപത്തുള്ള ട്രാവന്‍കൂര്‍ ബെയ്‌ലേഴ്‌സ് കയര്‍ ഫാക്ടറിയില്‍ വന്‍ തീപിടുത്തം. ഇന്നലെ രാത്രി എട്ടരയോടെയാണ് ഫാക്ടറിയില്‍ തീപിടുത്തം ഉണ്ടായത്. ഷോര്‍ട്ട് സര്‍ക്യൂട്ടാണ് തീപിടുത്തത്തിന് കാരണമെന്നാണ് പ്രാഥമിക നിഗമനം. അപകടത്തില്‍ ആളപായമില്ലെന്ന് പൊലീസ് അറിയിച്ചു. എന്നാല്‍ ലക്ഷങ്ങളുടെ നാശനഷ്ടമുണ്ടെന്നാണ് പൊലീസ് പറയുന്നത്. ഫാക്ടറിയുടെ ഇരുപത്തഞ്ച് ശതമാനത്തില്‍ അധികവും കത്തി നശിച്ചിട്ടുണ്ട്.

ചേര്‍ത്തല, ആലപ്പുഴ എന്നിവിടങ്ങളില്‍ നിന്നുള്ള നാല് ഫയര്‍ ഫോഴ്‌സ് യൂണിറ്റുകള്‍ എത്തിയാണ് തീ അണച്ചത്. രണ്ടു മണിക്കൂര്‍ നീണ്ട പരിശ്രമത്തിനൊടുവിലാണ് തീ അണയ്ക്കാന്‍ സാധിച്ചത്.