ബാര്‍ കോഴക്കേസില്‍ വിജിലന്‍സ് അന്വേഷണം വൈകുന്നത് ബിജു രമേശിന്റെ നടപടികള്‍ മൂലമെന്ന് സര്‍ക്കാര്‍ ഹൈക്കോടതിയില്‍. ഓരോ ദിവസവും ബിജു രമേശ് പുതിയ തെളിവുകളാണ് പുറത്തുവിടുന്നത്. ഈ തെളിവുകള്‍ വിശകലനം ചെയ്താല്‍ മാത്രമേ മുന്നോട്ട് പോകാന്‍ സാധിക്കൂ. ബിജു ഇപ്പോള്‍ വിജിലന്‍സിന് നല്‍കിയിരിക്കുന്ന സിഡി ഫൊറന്‍സിക് പരിശോധനയ്ക്ക് അയയ്‌ക്കേണ്ടതുണ്ട്. പത്തു സാക്ഷികളെ ഇതിനകം ചോദ്യം ചെയ്തു. സിബിഐ അന്വേഷണം ആവശ്യപ്പെട്ട് എം.വി. താമരാക്ഷന്‍ സമര്‍പ്പിച്ച ഹര്‍ജിയിലാണ് സര്‍ക്കാരിന്റെ വിശദീകരണം.
വിജിലന്‍സ് അന്വേഷണം പൂര്‍ത്തിയാക്കാന്‍ കൂടുതല്‍ സമയം അനുവദിക്കണം. അന്വേഷണ ഉദ്യോഗസ്ഥരെ ആരെയും മാറ്റിയിട്ടില്ല. എഡിജിപിക്ക് സ്ഥാനക്കയറ്റം നല്‍കിയത് സാധാരണ നടപടി മാത്രമാണ്. മനഃപൂര്‍വം അന്വേഷണം വൈകിപ്പിക്കുന്നില്ല. അന്വേഷണം കൃത്യമായി മുന്നോട്ടു പോകുന്നുണ്ട്. അതിനാല്‍ സിബിഐ അന്വേഷണത്തിന്റെ ആവശ്യമില്ലെന്നും അഡ്വക്കറ്റ് ജനറല്‍ കോടതിയില്‍ പറഞ്ഞു. അതേസമയം, ഹര്‍ജിയിലെ വാദം പൂര്‍ത്തിയായി. കേസില്‍ ബുധനാഴ്ച ഹൈക്കോടതി വിധി പറയും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha