പിന്നെ ഞാന് ഫ്ളൈറ്റില് പോയി ആകാശത്തു വെച്ച് ശബരിമല ശ്രീ അയ്യപ്പനെ തൊഴുതിട്ടില്ലാത്തത് കൊണ്ട് അവരുടെയത്ര കാര്യങ്ങള് അറിയില്ല; ലക്ഷ്മി രാജീവിന് മറുപടിയുമായി ടി.പി സെന്കുമാര്
താനുമായി വേദി പങ്കിട്ട സംഭവത്തെ വിമര്ശിച്ച ലക്ഷ്മി രാജീവിനെതിരെ ഫേസ്ബുക്ക് പോസ്റ്റുമായി മുന് ഡി.ജി.പി ടി.പി സെന്കുമാര് രംഗത്ത്. ഇവരുടെയൊക്കെ സ്വര്ഗ്ഗീയ സാന്നിധ്യം നോക്കിയല്ല ഞാന് ചടങ്ങുകളില് പങ്കെടുക്കുന്നതെന്ന് ടി.പി സെന്കുമാര് പറഞ്ഞു. എനിക്ക് എന്റെ ദേശീയ ബോധം ഉണ്ട്. ആനപ്പുറത്തു കാരണവന്മാര് ആരെങ്കിലും കയറിയതിന്റെ തഴമ്ബു എനിക്കില്ലെന്നും സെന്കുമാര് ഫേസ്ബുക്ക് പോസ്റ്റില് കുറിച്ചു.
സെന്കുമാറിന് ഈ നാടിന്റെ ചരിത്രത്തെക്കുറിച്ചോ, സ്വന്തം ജാതിയുടെ ചരിത്രത്തെക്കുറിച്ചോ, അദ്ദേഹം പറഞ്ഞ ആത്മീയത്തെക്കുറിച്ചോ ഒരു അവഗാഹവുമില്ലെന്നു മനസിലായപ്പോള് സമാധാനമാണ് തോന്നിയതെന്നായിരുന്നു ലക്ഷ്മി രാജീവ് ഫേസ്ബുക്കില് കുറിച്ചത്. ഒന്നുകില് അദ്ദേഹത്തിന് ഇതൊന്നും അറിയില്ല. അല്ലെങ്കില് അറിയില്ല എന്ന് അഭിനയിക്കുകയാണെന്നും ലക്ഷ്മി രാജീവ് പറഞ്ഞിരുന്നു. ഇതിനുള്ള മറുപടിയാണ് സെൻകുമാർ ഫേസ്ബുക്കിൽ കുറിച്ചത്.
1914ഇല് ഗുരുദേവന് നമുക്ക് ജാതിയില്ലാ എന്നുപറഞ്ഞത് ഇത്തരം ജന്മങ്ങള് ഗുരുവിനെ ഒരു വര്ഗത്തിന്റെ മാത്രം ഗുരു ആക്കുന്നു എന്നതുകൊണ്ടാണ്. ആ ജാതി ഭ്രാന്തു വീണ്ടും വരുന്നു. ഗുരുദേവന് സ്ത്രീകള് ആചരിക്കേണ്ട ചില കാര്യങ്ങള് ഗുരു ധര്മത്തില് കൃത്യമായി പറഞ്ഞിട്ടുണ്ട്. സനാതന ധര്മത്തെക്കുറിച്ചും ഗുരു എഴുതിയിട്ടും പറഞ്ഞിട്ടും ഉണ്ട്. ഈ വിവരക്കേടിനു ഗുരുവിനും മുകളില് അറിവുള്ള കാര്യം എനിക്ക് ഏതായാലും അംഗീകരിക്കാന് ആകില്ല. വിമാനം താഴ്ത്തി ശബരിമല കാണുന്ന എളുപ്പമല്ല അത് എന്നും സെൻകുമാർ ഫേസ്ബുക്കിൽ കുറിച്ചു.
ഫേസ്ബുക്ക് പോസ്റ്റിന്റെ പൂര്ണരൂപം ഇങ്ങെന;
ജാതി ഭ്രാന്തിന്റെ ഒരു രൂപം എന്നേ ഇതിനെ പറയാനാവൂ!! 1914ഇല് ഗുരുദേവന് നമുക്ക് ജാതിയില്ലാ എന്നുപറഞ്ഞത് ഇത്തരം ജന്മങ്ങള് ഗുരുവിനെ ഒരു വര്ഗത്തിന്റെ മാത്രം ഗുരു ആക്കുന്നു എന്നതുകൊണ്ടാണ്. ആ ജാതി ഭ്രാന്തു വീണ്ടും വരുന്നു. ഗുരുദേവന് സ്ത്രീകള് ആചരിക്കേണ്ട ചില കാര്യങ്ങള് ഗുരു ധര്മത്തില് കൃത്യമായി പറഞ്ഞിട്ടുണ്ട്. സനാതന ധര്മത്തെക്കുറിച്ചും ഗുരു എഴുതിയിട്ടും പറഞ്ഞിട്ടും ഉണ്ട്.
ഈ വിവരക്കേടിനു ഗുരുവിനും മുകളില് അറിവുള്ള കാര്യം എനിക്ക് ഏതായാലും അംഗീകരിക്കാന് ആകില്ല. വിമാനം താഴ്ത്തി ശബരിമല കാണുന്ന എളുപ്പമല്ല അത്. ശബരിമല അയ്യപ്പന്റെ നൈഷ്ഠിക ബ്രഹ്മചര്യ പ്രതിഷ്ഠ പോലെ ഒരു ബുദ്ധ പ്രതിഷ്ഠയുമില്ല . ഏതായാലും സെന്കുമാര് ഒരു ജാതിയുടെയും ആളല്ല. അതില് ഗുരുദേവന് പറഞ്ഞതിനോട് നൂറു ശതമാനം യോജിക്കാനെ എനിക്കാവൂ. ഹിന്ദു മതത്തില് എല്ലാജാതികളും ഉച്ചനീചത്വങ്ങള് നടപ്പാക്കിയിരുന്നു. ഇന്നത്തെ ബ്രാഹ്മണന്റെ സ്ഥിതി എന്താണ്?
പിന്നെ ഇവരുടെയൊക്കെ സ്വര്ഗ്ഗീയ സാന്നിധ്യം നോക്കിയല്ല ഞാന് ചടങ്ങുകളില് പങ്കെടുക്കുന്നത്.എനിക്ക് എന്റെ ദേശീയ ബോധം ഉണ്ട്. ആനപ്പുറത്തു കാരണവന്മാര് ആരെങ്കിലും കയറിയതിന്റെ തഴമ്ബു എനിക്കില്ല. ശ്രീ നാരായണ ഗുരുവിനെ സാമൂഹിക പരിഷ്കര്ത്താവ് മാത്രമാക്കാന് എന്റെ അറിവ് അനുവദിക്കുന്നില്ല. സനാതന ധര്മത്തെ കടഞ്ഞ് അതില് നിന്ന് കാലാന്തരത്തില് വന്നു ചേര്ന്നഎല്ലാ അഴുക്കും മാറ്റി ഏവര്ക്കും സ്വീകരിക്കാവുന്ന ശ്രീനാരായണ ധര്മം നല്കിയ മഹാ ഗുരു കേവലം നവോഥാന നായകനല്ല. നവോഥാനം ഗുരുവിന്റെ ആധ്യാത്മിക പ്രവര്ത്തനങ്ങളുടെ ഒരു ഉപോല്ത്പന്നം ആയിരുന്നു. പിന്നെ ഞാന് ഫ്ളൈറ്റില് പോയി ആകാശത്തു വെച്ച് ശബരിമല ശ്രീ അയ്യപ്പനെ തൊഴുതിട്ടില്ലാത്തത് കൊണ്ട് അവരുടെയത്ര കാര്യങ്ങള് അറിയില്ലെന്ന് തോന്നുന്നു
https://www.facebook.com/Malayalivartha
