സംസ്ഥാനത്തെ മൂന്നു ജില്ലകളില് അതിതീവ്രമഴ ഉണ്ടാകുമെന്ന് മുന്നറിയിപ്പ്... ഇടുക്കി, മലപ്പുറം, കോഴിക്കോട് ജില്ലകളില് റെഡ് അലര്ട്ട്
സംസ്ഥാനത്തെ മൂന്നു ജില്ലകളില് അതിതീവ്രമഴ ഉണ്ടാകുമെന്ന് മുന്നറിയിപ്പ്. ഇടുക്കി, മലപ്പുറം, കോഴിക്കോട് ജില്ലകളിലാണ് അതിതീവ്രമഴയ്ക്ക് സാധ്യത. ഇവിടങ്ങളില് റെഡ് അലര്ട്ട് പ്രഖ്യാപിച്ചു. കോഴിക്കോട് ശക്തമായ മഴയും കാറ്റിലും വ്യാപക നാശനഷ്ടമുണ്ടായി. അമ്പായത്തോടിലെ 32 കുടുംബങ്ങളിലെ 132 പേരെ ദുരിതാശ്വാസ ക്യാമ്പുകളിലേക്കു മാറ്റി.
ചാലിയാറില് ജലനിരപ്പുയര്ന്നത് ജില്ല!യിലെ മലയോരമേഖലകളില് വെള്ളപൊക്കത്തിന് കാരണമായി. ശക്തമായ കാറ്റില് മരങ്ങള് കടപുഴകി വീണതും അപകടങ്ങളുണ്ടാക്കി. വയനാട് മേപ്പാടി പുത്തുമലയില് മണ്ണിടിച്ചിലുണ്ടായി. രണ്ട് വീടുകള് പൂര്ണമായും തകര്ന്നു. കല്പ്പറ്റ പുത്തൂര്വയലില് വീടിന് മുകളിലേക്ക് മരണം വീണു. വീട് നിശേഷം തകര്ന്നു.
നിലമ്പൂര് കരുളായി മുണ്ടാകടവ് കോളനിയില് ഉരുള്പൊട്ടലുണ്ടായി. സംഭവത്തില് ആളപായമില്ല. ആളുകളെ സ്ഥലത്തുനിന്നും മാറ്റിപ്പാര്പ്പിക്കുന്നു. നിലമ്പൂര് ടൗണിലെ ജനതാപ്പടിയില് സംസ്ഥാനപാതയില് വെള്ളം കയറി. കണ്ണൂര് അടക്കാത്തോട്, നെല്ലിയോട് മേഖലകളില് ഉരുള്പ്പൊട്ടലുണ്ടായി. വ്യാപകമായി കൃഷി നശിച്ചു. കാസര്ഗോട്ടെ വെള്ളരിക്കുണ്ട് താലൂക്കിലും അട്ടപ്പാടിയിലെ അഗളി, ഷോളയൂര്, പുതൂര് പഞ്ചായത്തുകളിലും പ്ലസ്ടുവരെയുള്ള സ്കൂളുകള്ക്ക് അവധി പ്രഖ്യാപിച്ചു.
ആലപ്പുഴ തുറവൂരില് മരം റയില്വേ ട്രാക്കിലേക്ക് വീണ് തീരദേശ പാതയില് ട്രെയിന്ഗതാഗതം തടസപ്പെട്ടു.
https://www.facebook.com/Malayalivartha
