സി.പി.എം തിരുവനന്തപുരം ജില്ലാ സെക്രട്ടറിയായി കടകംപള്ളി സുരേന്ദ്രന്‍ തുടരും. രാവിലെ ചേര്‍ന്ന സെക്രട്ടേറിയറ്റ് യോഗവും ജില്ലാ കമ്മിറ്റി യോഗവുമാണ് ഇക്കാര്യം തീരുമാനിച്ചത്. മൂന്നാം തവണയാണ് സെക്രട്ടറിയായി കടകംപള്ളി എത്തുന്നത്.
ജില്ലയില്‍ പാര്‍ട്ടിക്കുള്ളില്‍ വിഭാഗീയതയുടെ അവശിഷ്ടങ്ങള്‍ നിലനില്‍ക്കുകയാണെന്ന് ജില്ലാ സെക്രട്ടറി കടകംപള്ളി സുരേന്ദ്രന്‍ അവതരിപ്പിച്ച പ്രവര്‍ത്തന റിപ്പോര്‍ട്ടിലുണ്ട്.
അതേസമയം, ജില്ലാ സമ്മേളനത്തിനുശേഷം മൂന്ന് ഏരിയാ കമ്മിറ്റികളില്‍ നടപടി വന്നേക്കും. ചാല, കോവളം, നെയ്യാറ്റിന്‍കര ഏരിയാ കമ്മിറ്റികളിലാകും നടപടി. പാര്‍ട്ടി സമ്മേളന പ്രക്രിയ പൂര്‍ത്തിയായശേഷമാകും ഇതേക്കുറിച്ച് അന്വേഷണം നടക്കുക. അതിനായി പാര്‍ട്ടി കമ്മിഷനെ നിയോഗിക്കാനും സാധ്യതയുണ്ട്. ചാലയിലും നെയ്യാറ്റിന്‍കരയിലും ഏരിയാകമ്മിറ്റികളിലേക്ക് നടന്ന വോട്ടെടുപ്പില്‍ വിഭാഗീയത പ്രകടമായി. കോവളത്ത് ഏരിയാ സെക്രട്ടറിയെ തിരഞ്ഞെടുക്കുന്നതിലും വിഭാഗീയതയുണ്ടായെന്നും റിപ്പോര്‍ട്ട് കുറ്റപ്പെടുത്തുന്നുണ്ട്.
44 അംഗ ജില്ലാ കമ്മിറ്റിയില്‍ നിന്ന് മൂന്നു പേരെ ഒഴിവാക്കിയപ്പോള്‍ ഒമ്പതു പുതുമുഖങ്ങളെ ഉള്‍പ്പെടുത്തി. പിരപ്പന്‍കോട് മുരളി, എസ്.എസ്.പോറ്റി, കെ.ഒ.ഹബീബ് എന്നിവരെയാണ് ഒഴിവാക്കിയത്. പട്ടം വാമദേവന്‍, എ.എ.റഷീദ്, ഡബ്‌ളിയു.ആര്‍.ഷീബ, പി.ബിജു, ഐ.ബി.സതീഷ്, വി.ജോയ്, ആര്‍.സുബാഷ്, എസ്.പുഷ്പലത, മടവൂര്‍ അനില്‍ എന്നിവരാണ് പുതുമുഖങ്ങള്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha