ബാണാസുഗരസാഗര്‍ അണക്കെട്ട് ഇന്ന്  തുറന്നേക്കും സംഭരണശേഷിയും കവിഞ്ഞ് ജലനിരപ്പ് ഉയര്‍ന്നതിനാലാണ് അണക്കെട്ട് തുറക്കുന്നത്. ഡാം തുറക്കാന്‍ കളക്ടര്‍ അനുമതി നല്‍കി. ജലനിരപ്പ് 773.9 മീറ്റര്‍ എത്തിയാല്‍ റെഡ് അലര്‍ട്ട് പ്രഖ്യാപിക്കും. 

ഡാമിലെ ജലനിരപ്പ് 773.9 മീറ്ററിലെത്തിയാല്‍ ഡാം തുറന്നുവിടേണ്ടി വരുമെന്ന് കെ.എസ്.ഇ.ബി ചെയര്‍മാന്‍ എന്‍.എസ്.പിള്ള നേരത്തെ അറിയിച്ചിരുന്നു. ഡാമുകളിലെ ശരാശരി ജലനിരപ്പ് 34 ശതമാനമാണെന്നും വൈദ്യുതി മന്ത്രിയുടെ അധ്യക്ഷതയില്‍ ചേര്‍ന്ന ഉന്നതതല യോഗത്തിനുശേഷം അദ്ദേഹം പറഞ്ഞു. വയനാട് ജില്ലയില്‍ അതിശക്തമായ മഴ തുടരുന്ന സാഹചര്യത്തില്‍ കഴിഞ്ഞ പ്രളയത്തേക്കാള്‍ അധികവെള്ളം ഇപ്പോള്‍ പൊങ്ങിയിട്ടുണ്ടെന്ന് മുഖ്യമന്ത്രിയും പറഞ്ഞിരുന്നു. ബാണാസുര സാഗര്‍ തുറക്കേണ്ട സാഹചര്യമാണ്.

തുറന്നാല്‍ വെള്ളം ഇനിയും ഉയരും. കര്‍ണാടകയില്‍ നിന്നും വെള്ളം അധികമായി ഒഴുകിയെത്തുന്നുണ്ട്. കൂടാതെ വയനാട്ടില്‍ അതിതീവ്ര മഴയാണ് ലഭിക്കുന്നത്. അതുകൊണ്ട് വെള്ളത്തിന്റെ അളവ് വലിയ തോതിലാണ് വര്‍ധിക്കുന്നതെന്നും മുഖ്യമന്ത്രി വാര്‍ത്താ സമ്മേളനത്തില്‍ പറഞ്ഞു.ജില്ലയില്‍ ഉരുള്‍പൊട്ടാല്‍ ഭീഷണി തുടരുന്നുണ്ട്. മുന്തിയ പരിഗണ നല്‍കേണ്ടത് ജനങ്ങളുടെ ജീവന്‍ രക്ഷിക്കുന്നതിനാണ്. വയനാട്ടില്‍ രണ്ടുതരത്തിലുള്ള അപകടം ഉണ്ടായേക്കാം. ബാണാസുര സാഗര്‍ തുറന്നു വിട്ടാല്‍ കഴിഞ്ഞ തവണത്തേക്കാള്‍ വെള്ളം കയറും. റ്റൊന്ന് ഉരുള്‍പൊട്ടല്‍ സാധ്യതയാണ്. ഇതിനു സാധ്യതയുള്ള സ്ഥലങ്ങളില്‍ വസിക്കുന്നവര്‍ അവിടെനിന്നും മാറി സുരക്ഷിത സ്ഥലങ്ങളില്‍ സ്ഥാനങ്ങളില്‍ എത്തണം. വളന്റീര്‍മാര്‍, രക്ഷാഭടന്മാര്‍ നടത്തുന്ന അഭ്യര്‍ഥന മാനിക്കുന്നതിനു എല്ലാവരും തയ്യാറാകണമെന്നും മുഖ്യമന്ത്രി പറഞ്ഞു.