കവളപ്പാറയില് സന്ദര്ശനം നടത്തി വയനാട് എം.പി രാഹുല് ഗാന്ധി; മേഖലയില് രക്ഷാപ്രവര്ത്തനം നടക്കുന്നത് കൂടി കണക്കിലെടുത്ത് ഹ്രസ്വമായ സമയത്തിനുള്ളില് സന്ദര്ശനം പൂര്ത്തിയാക്കി രാഹുല് ഗാന്ധി മടങ്ങി
ഉരുള്പൊട്ടലുണ്ടായ കവളപ്പാറയില് സന്ദര്ശനം നടത്തി വയനാട് എം.പി രാഹുല് ഗാന്ധി. ഉരുള്പൊട്ടല് മേഖലയില് രക്ഷാപ്രവര്ത്തനം നടക്കുന്നത് കൂടി കണക്കിലെടുത്ത് ഹ്രസ്വമായ സമയത്തിനുള്ളില് സന്ദര്ശനം പൂര്ത്തിയാക്കി രാഹുല് ഗാന്ധി മടങ്ങി. പോത്തുകല്ല് ക്യാമ്പിലെത്തി ദുരിതബാധിതരെ കണ്ടശേഷമാണ് രാഹുല് ഗാന്ധി കവളപ്പാറയില് എത്തിയത്.
ഉദ്യോഗസ്ഥരും കോണ്ഗ്രസ് നേതാക്കളും ചേര്ന്ന് രാഹുല് ഗാന്ധിക്ക് സംഭവങ്ങള് വിശദീകരിച്ച് കൊടുത്തു. നേരത്തെ കോഴിക്കോട് വിമാനമിറങ്ങിയ രാഹുല് ഗാന്ധി പോത്തുകല്ലിലെ ദുരിതാശ്വാസ ക്യാമ്ബിലേക്ക് പോയി. ദുരിതബാധിതരോട് അദ്ദേഹം വിവരങ്ങള് ചോദിച്ചറിഞ്ഞു. പ്രതിപക്ഷ നേതാവ് രമേശ് ചെന്നിത്തല, എ.ഐ.സി.സി ജനറല് സെക്രട്ടറി കെ.സി വേണുഗോപാല് ഉള്പ്പെടെയുള്ള കോണ്ഗ്രസ് നേതാക്കളും രാഹുല് ഗാന്ധിക്കൊപ്പം ഉണ്ടായിരുന്നു.
കവളപ്പാറയിലെ ഉരുള്പൊട്ടലില് നിന്നടക്കം തലനാരിഴയ്ക്ക് രക്ഷപെട്ടവരാണ് പോത്തുകല്ലിലെ ക്യാമ്ബിലുള്ളത്. മമ്ബാട് എം.ഇ.എസ് കോളജിലെ ദുരിതാശ്വാസ ക്യാമ്ബും രാഹുല് ഗാന്ധി സന്ദര്ശിച്ചു.
https://www.facebook.com/Malayalivartha
