നാല് ലക്ഷം രൂപ വില വരുന്ന പതിനാറു പവന് സ്വര്ണ്ണം കവര്ന്ന വീട്ടുവേലക്കാരി അറസ്റ്റില്
തിരവനന്തപുരം കഴക്കൂട്ടം ശ്രീകാര്യത്ത് പതിനാറു പവന് സ്വര്ണ്ണം കവര്ന്ന കേസില് വീട്ടുവേലക്കാരി അറസ്റ്റിലായി. ചിറയിന്കീഴ്, അഴൂര്, ചിലമ്പില്, കിഴുവിലം, പറയത്തു കോണം, ലക്ഷം വീട്ടില്, കോണത്തു പുത്തന് വീട്ടില് പ്രസന്ന (45) യാണ് അറസ്റ്റിലായത്.
ശ്രീകാര്യം ജംങ്ഷനു സമീപം ചെറുവയ്ക്കല്, തുഷാരം വീട്ടില് വര്ക്കി ജോണിന്റെ മകന് റോണി.വി.ജോണിന്റെ പരാതിയെ തുടര്ന്ന് നടത്തിയ അന്വേഷണത്തിലാണ് പ്രതിയെ അറസ്റ്റു ചെയ്തത്. റോണി.വി.ജോണിന്റെ വീട്ടിലെ വേലക്കാരിയാണ് പ്രസന്ന. പ്രതി വീടിന്റെ ഒന്നാം നിലയിലെ ബെഡ്റൂമിലെ അലമാരയില് ലോക്കറില് ബോക്സുകളിലായി സൂക്ഷിച്ചിരുന്ന സ്വര്ണ്ണാഭരണങ്ങളാണ് കവര്ന്നത്. മെയ് മുതല് ഈ മാസം പകതിവരയളള സമയത്ത് മോഷണം നടത്തിയതായാണ് വിവരം.
രണ്ടര പവനോളം തൂക്കം വരുന്ന ഒരു വളയും അര പവന്റ തൂക്കും കമ്മല്, മുക്കാന് പവന്റ ചെയിന്, രണ്ട് ജോഡി സ്റ്റഡ് കമ്മല്, ഒരു ജോഡി തൂക്കും കമ്മല്, ഒന്നര പവന്റെ വള, നാലു വളകള്, ഒന്നരപവന്റെ ബ്രേസ്ലറ്റ്, രണ്ടു പവന്റെ ബ്രേസ്ലറ്റ്, അരപവന്റെ മോതിരം, കാല്പവന്റെ ഇയര് റിംഗ്, ഒരു ഗ്രാമിന്റെ ലോക്കറ്റ്, കൂടാതെ ഒരു വെള്ളി ബ്രേസ്ലറ്റും ഉള്പ്പെടെ നാല് ലക്ഷം രൂപ വില വരുന്ന 16 പവന് സ്വര്ണ്ണാഭരണങ്ങളാണ് പ്രതി കവര്ന്നതെന്നു പരാതിയില് പറയുന്നു.
ചോദ്യം ചെയ്യലില് പ്രതി കുറ്റം സമ്മതിച്ചതായും എന്നാല് ആഭരണങ്ങള് കണ്ടെടുത്തിട്ടില്ലെന്നും പോലീസ് അറിയിച്ചു. കൂടുതല് വിവരങ്ങള്ക്കായി ചോദ്യം ചെയ്യല് തുടരുകയാണെന്നും പോലീസ് അറിയിച്ചു. ശ്രീകാര്യം സി.ഐ അഭിലാഷ് ഡേവിഡ്, എസ്.ഐ സജികുമാര്, സി.പി.ഒ മനു, ഡബ്ല്യു.സി.പി.ഒ ഗീതകുമാരി, റൂബി മോള് എന്നിവര് ചേര്ന്നാണ് പ്രതിയെ അറസ്റ്റു ചെയ്തത്.
https://www.facebook.com/Malayalivartha
