പി.സി. ജോര്‍ജിനെ ഇടതുമുന്നണിയിലെടുക്കണമെന്ന് പ്രതിപക്ഷ നേതാവ് അച്യുതാനന്ദന്‍. പിള്ളയെ മുന്നണിയിലെടുക്കുകയാണെങ്കില്‍ ജോര്‍ജിനെ കൈയൊഴിയാനാവില്ലെന്നാണ് വിഎസിന്റെ വാശി.

പിള്ളയുടെ ബദ്ധ വൈരിയാണ് അച്യുതാനന്ദന്‍. പിള്ളയെ ഇടമലയാറില്‍ കുരുക്കി ജയിലിലിട്ടതും അച്യുതാനന്ദനാണ്. ജയിലില്‍ കിടന്ന പിള്ളക്കെതിരെ വാളകം കേസ് കുത്തി പൊക്കിയതും അച്യുതാനന്ദനാണ്. വാളകം കേസിലെ സാക്ഷികള്‍ക്ക് എല്ലാ പിന്തുണയും നല്‍കിയതും അച്യുതാനന്ദനാണ്. ജയിലില്‍ കിടന്ന പിള്ള ഫോണില്‍ സംസാരിക്കുന്നു എന്ന ആരോപണം കൊണ്ടു വന്നതും അച്യുതാനന്ദന്‍ തന്നെയാണ്.
ഇങ്ങനെയൊക്കെയുളള പിള്ളയെ കൊള്ളാനാണ് തീരുമാനമെങ്കില്‍ താന്‍ ആരെയും വെറുതെ വിടില്ലെന്ന് അച്യുതാനന്ദന്‍ പാര്‍ട്ടി നേതൃത്വത്തെ ഭീഷണിപ്പെടുത്തിയിരുന്നു. എന്നാല്‍ പിണറായി വിജയന്‍ ഇതു കേള്‍ക്കാന്‍ കൂട്ടാക്കിയില്ല. ഇതിനിടയിലാണ് മനോരമ ചാനലില്‍ ജോര്‍ജ് പ്രതികരിച്ചത്. ഇതു കേട്ട അച്യുതാനന്ദന്‍ ജോര്‍ജിനെ തനിക്കൊപ്പം നിര്‍ത്താന്‍ തീരുമാനിച്ചു.
യുഡിഎഫില്‍ നില്‍ക്കുമ്പോഴും ജോര്‍ജിന്റെ മനസ് അച്യുതാനന്ദനൊപ്പമായിരുന്നു. മതികെട്ടാന്‍ വിഷയം കൊണ്ടു വന്ന നാളുകള്‍ മുതല്‍ അച്യുതാനന്ദനും ജോര്‍ജും തമ്മില്‍ ആരും കാണാത്ത ഒരടടുപ്പം ഉണ്ടായിരുന്നു. എല്‍ഡിഎഫില്‍ നിന്നും ജോര്‍ജിനെ പിണറായി പുറത്താക്കാനുള്ള ഒരു കാരണം അച്യുതാനന്ദനുമായുള്ള അതിരു വിട്ട അടുപ്പമായിരുന്നു. 
വി.എസ്. പന്ന്യനെ രംഗത്തിറക്കിയാണ് മാണിയുടെ വരവ് തടഞ്ഞത്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha