അപകടത്തില്‍പ്പെട്ട യുവതിയെ ഓട്ടോറിക്ഷയില്‍ ആശുപത്രിയിലേക്ക് കൊണ്ടുപോകവേ ഡി.വൈ.എഫ്.ഐ. എസ്.എഫ്.ഐ. നേതാക്കള്‍ ഉള്‍പ്പെടുന്ന സംഘം ഉപദ്രവിച്ചു. സംഭവത്തില്‍ രണ്ടു പേരെ അറസ്റ്റ് ചെയ്തു.
ഡി.വൈ.എഫ്.ഐ. മാന്നാര്‍ ഇലഞ്ഞിമേല്‍വടക്ക് യൂണിറ്റ് സെക്രട്ടറിയും ആലാ എസ്.എന്‍. കോളജിലെ ബിരുദവിദ്യാര്‍ഥിയായ അജിത് (20), ഡി.വൈ.എഫ്.ഐ. പ്രവര്‍ത്തകനായ എണ്ണയ്ക്കാട് വടക്കുംമുറി രാജേഷ് ഭവനത്തില്‍ ശരത്കുമാര്‍(25) എന്നിവരെയാണ് അറസ്റ്റ് ചെയ്തത്.
സംഭവവുമായി ബന്ധപ്പെട്ട് ഡി.വൈ.എഫ്.ഐ. ഇലഞ്ഞിമേല്‍ യൂണിറ്റ് സെക്രട്ടറി ഇലഞ്ഞിമേല്‍ ചെറുതറയില്‍ വീട്ടില്‍ കിരണ്‍കുമാര്‍(24) ഒളിവിലാണെന്ന് പോലീസ് പറഞ്ഞു. കഴിഞ്ഞ ദിവസം രാത്രി ഏഴോടെയായിരുന്നു സംഭവം. മൊബൈല്‍ ഷോപ്പ് ഉടമയായ യുവതി കടയിലെ ജീവനക്കാരിയുടെ വീട്ടില്‍നിന്നു കൈക്കുഞ്ഞുമായി പുറത്തേക്ക് ഇറങ്ങവേ അമിതവേഗതയിലെത്തിയ ബൈക്ക് ഇവരെ ഇടിച്ച്‌തെറിപ്പിച്ചശേഷം നിര്‍ത്താതെ പോയി.
പിന്നാലെ ബൈക്കിലെത്തിയ ശരത്കുമാറും സംഘവും അതുവഴി വന്ന ഓട്ടോറിക്ഷയില്‍ പരുമലയിലെ സ്വകാര്യ ആശുപത്രിയിലേക്ക് ഇവരെ കൊണ്ടുപോയി. ഇതിനിടയില്‍ മൂവരും ചേര്‍ന്ന് ഇവരെ ഉപദ്രവിക്കുകയായിരുന്നു. ഇതിനിടയില്‍ അബോധാവസ്ഥയിലായ യുവതി ആശുപത്രിയിലെത്തി ബോധം തെളിഞ്ഞപ്പോഴാണ് ബന്ധുക്കളോട് വിവരം പറഞ്ഞത്. ബന്ധുക്കള്‍ പോലീസില്‍ വിവരമറിയിച്ചതോടെയാണ് പ്രതികള്‍ പിടിയിലായത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha