ഞെട്ടിപ്പിന്റെ ആത്മകഥ… സിസ്റ്റര് ലൂസിയെ അപമാനിക്കാന് വീഡിയോ പ്രചരിപ്പിച്ചവര്ക്ക് കിട്ടുന്നത് എട്ടിന്റെ പണി; മാനന്തവാടി രൂപതാ പിആര്ഒ ഫാദര് നോബിള് പാറയ്ക്കല് നിയമക്കുരുക്കിലേക്ക്; ഫ്രാങ്കോ ഉണ്ടാക്കിയ മുറിവ് മാറും മുമ്പ് സഭയ്ക്ക് മറ്റൊരു പേരുദോഷമാകുമോ?
ബിഷപ്പ് ഫ്രാങ്കോ മുളയ്ക്കല് സഭയ്ക്കുണ്ടാക്കിയ നാണക്കേട് ചെറുതല്ല. അതിന്റെ മുറിവ് മാറും മുമ്പേ രണ്ടും കല്പ്പിച്ച് സിസ്റ്റര് ലൂസി രംഗത്തെത്തിയത് സഭാനേതൃത്വത്തെ അമ്പരപ്പിച്ചിട്ടുണ്ട്. സിസ്റ്റര് ലൂസിയെ പുറത്താക്കാന് കളിച്ച കളിയില് സഭ തന്നെ വെട്ടിലായിരിക്കുകയാണ്. സഭയുടെ സ്ത്രീവിരുദ്ധ നിലപാടുകള്ക്കെതിരെ പ്രതികരിച്ചതിന്റെ പേരില് പീഡനം നേരിടുന്ന സിസ്റ്റര് ലൂസി കളപ്പുര ആത്മകഥ പ്രസിദ്ധീകരിക്കാനൊരുങ്ങുകയാണ്. ദൈവനാമത്തില് എന്ന ആത്മകഥ പലരുടേയും പൊയ്മുഖങ്ങള് പൊളിച്ചടുക്കുമെന്നാണ് കരുതുന്നത്. തനിക്കെതിരെ ഇപ്പോള് നടക്കുന്ന സൈബര് ആക്രമണങ്ങള്ക്കടക്കം പിന്നില് സഭയും ഫ്രാന്സിസ്കന് സന്യാസ സമൂഹവുമുണ്ടെന്ന് സിസ്റ്റര് ലൂസി പറഞ്ഞു.
സിസ്റ്ററിനെ അപമാനിക്കാന് ഒരു വീഡിയോ പ്രചരിപ്പിച്ചതാണ് എല്ലാം ഇത്രവേഗം പുറത്താകാന് കാരണം. അതിനെതിരെ മാധ്യമ പ്രവര്ത്തകന് മില്ട്ടന് ഫ്രാന്സിസ് രംഗത്തെത്തി. ഈ പുസ്തകത്തിന്റെ കയ്യെഴുത്തു പ്രതി മഠത്തിലാണ് സിസ്റ്റര് ലൂസി സൂക്ഷിച്ചിരുന്നതെന്ന് മിള്ട്ടന് പറഞ്ഞു. എന്നാല് ഈ കയ്യെഴുത്തുപ്രതി മഠത്തിലെ മദര് സുപ്പീരിയര് ഉള്പ്പടെയുള്ളവര് നശിപ്പിച്ചു കളയുമെന്ന ഭയം സിസ്റ്ററിനുണ്ടായിരുന്നു. അതിനാല് ഇതിന്റെ മാനുസ്ക്രിപ്റ്റ് വാങ്ങാനാണ് പോയതെന്നും കൂടെ തന്റെ ഭാര്യ ബിന്ദു മില്ട്ടനും, യെസ് ന്യൂസിന്റെ വയനാട് ലേഖകന് മഹേഷുമുണ്ടായിരുന്നെന്നും മാധ്യമപ്രവര്ത്തകന് മില്ട്ടന് ഫ്രാന്സിസ് വ്യക്തമാക്കി.
ഞെട്ടിപ്പിക്കുന്ന കാര്യങ്ങളാണ് ഇതിലുള്ളത്. സഭയുടെ പിആര്ഒയെ ഞാന് വിളിച്ചിരുന്നു. അദ്ദേഹം പറയുന്നത്, നിങ്ങളുടെ സിസ്റ്റര് കൊടുത്ത കേസ് പിന്വലിച്ചാല് ഞാനീ ദൃശ്യങ്ങളും വീഡിയോയും പിന്വലിക്കാമെന്നാണ്. ഇതെന്ത് തരം നിലപാടാണ്? രൂപതയോടെ അറിവോടെയാണ് ഇത്തരം സംഭവങ്ങള് നടക്കുന്നത്. രൂപതയുടെ ബിഷപ്പ് പാലിക്കുന്ന മൗനത്തില് ദുരൂഹതയുണ്ട്. ഞെട്ടിക്കുന്ന കാര്യങ്ങളുണ്ട് ഈ പുസ്തകത്തിലുള്ളത്. പല വിഗ്രഹങ്ങളും ഉടയും. പലരും തലയില് മുണ്ടിട്ട് നടക്കേണ്ടി വരും. അദ്ദേഹം എന്തിനാണ് ഫാദര് നോബിളിനെ അഴിച്ചു വിട്ടിരിക്കുന്നത്? ഇതിനൊക്കെ മറുപടി പറയേണ്ടി വരുമെന്നും മില്ട്ടന് ഫ്രാന്സിസ് വ്യക്തമാക്കുന്നു.
അതേസമയം, സിസ്റ്റര് ലൂസി കളപ്പുരയ്ക്കെതിരെ അപവാദപ്രചാരണം നടത്തിയ മാനന്തവാടി രൂപതാ പിആര്ഒ ഫാദര് നോബിള് പാറയ്ക്കല് നിയമക്കുരുക്കിലേക്ക് നീങ്ങുകയാണ്. ഫാദര് നോബിളിനെ ഒന്നാം പ്രതിയാക്കി വെള്ളമുണ്ട പൊലീസ് കേസെടുത്തു. സിസ്റ്റര് ലൂസി നല്കിയ പരാതിയിലാണ് കേസ്. സ്ത്രീത്വത്തെ അപമാനിക്കുന്ന രീതിയില് അപവാദപ്രചാരണം നടത്തി, അപകീര്ത്തികരമായ വ്യാജപ്രചാരണം നടത്തി എന്നീ കുറ്റങ്ങളാണ് ഫാദര്. നോബിള് പാറയ്ക്കലിനെതിരായി ചുമത്തിയിരിക്കുന്നത്.
കേസിലാകെ ആറ് പ്രതികളുണ്ട്. മദര് സുപ്പീരിയറും പ്രതിപ്പട്ടികയിലുള്പ്പെട്ടിട്ടുണ്ട്. കേസുമായി ബന്ധപ്പെട്ട് സിസ്റ്റര് ലൂസിയുടെ മൊഴി ഉടന് സ്വീകരിക്കുമെന്ന് വെള്ളമുണ്ട പൊലീസ് വ്യക്തമാക്കി.
വാര്ത്താശേഖരണവുമായി ബന്ധപ്പെട്ട് സിസ്റ്റര് ലൂസി കളപ്പുരയെ കാണാന് എത്തിയ രണ്ടു പ്രദേശിക മാധ്യമ പ്രവര്ത്തകര് കാരയ്ക്കാമല മഠത്തിലേക്ക് വരുന്ന സിസിടിവി ദൃശ്യങ്ങളാണ് മാനന്തവാടി രൂപത പിആര്ഒയും വൈദികനുമായ ഫാദര് നോബിള് തോമസ് പാറക്കല് സമൂഹമാധ്യമങ്ങളില് പോസ്റ്റ് ചെയ്തത്.
ഒരു പൂട്ടിയിടല് അപാരത എന്നതടക്കമുള്ള പരിഹാസപരാമര്ശങ്ങളുള്ള വീഡിയോയില് സിസ്റ്റര് ലൂസി മഠത്തിന്റെ പിന്വാതിലിലൂടെ മഠത്തിനകത്തേയ്ക്ക് കയറി, തിരിച്ചിറങ്ങുന്ന ദൃശ്യങ്ങള് വെവ്വേറെ കട്ട് ചെയ്താണ് പുറത്തുവിട്ടിരിക്കുന്നത്. എഡിറ്റ് ചെയ്ത് തെറ്റിദ്ധാരണ ജനിപ്പിക്കുന്ന തരത്തിലാണ് ദൃശ്യങ്ങള് പ്രസിദ്ധീകരിച്ചിരിക്കുന്നത്. സിസ്റ്റര് ലൂസിയെ കാണാനെത്തിയവരില് ഒരാളുടെ ഭാര്യയും ഒപ്പമുണ്ടായിരുന്നു. അവരുടെ ദൃശ്യങ്ങള് കട്ട് ചെയ്ത് കളഞ്ഞ് പ്രസിദ്ധീകരിച്ചത് വിവാദമായിരുന്നു.
എന്നെ അപമാനിക്കുന്ന ദൃശ്യങ്ങളാണ് പുറത്തുവിട്ടിരിക്കുന്നത്. മാനന്തവാടി പിആര്ഒയായ ഫാ. നോബിള് തോമസ് പാറയ്ക്കലിന് മഠത്തിലെ സിസിടിവി ദൃശ്യങ്ങള് നല്കിയത് സിസ്റ്റര് ലിജി മരിയയും ജ്യോതി മരിയയും ചേര്ന്നാണ്. എന്നെ കാണാന് വന്ന സുഹൃത്തുക്കളായ മാധ്യമപ്രവര്ത്തകരുടെ ദൃശ്യങ്ങള് എഡിറ്റ് ചെയ്ത് പ്രസിദ്ധീകരിക്കുകയായിരുന്നു. എന്റെ സ്ത്രീത്വത്തെയാണ് അദ്ദേഹം തെരുവിലിട്ട് പിച്ചിച്ചീന്തിയിരിക്കുന്നത്. കഴിഞ്ഞ ഒരു വര്ഷമായി ഇത്തരം നടപടികള് തുടങ്ങിയിട്ട്. കന്യാസ്ത്രീയായ എന്നോടിതുപോലെയാണ് ഇവര് പെരുമാറുന്നതെങ്കില് മറ്റ് സ്ത്രീകളെ ഇവരെന്തെല്ലാം ചെയ്യുമെന്നും സിസ്റ്റര് ലൂസി ചോദിക്കുന്നു. എന്തായാലും ഈ കേസ് കലങ്ങി മറിയുമെന്ന കാര്യം ഉറപ്പാണ്.
https://www.facebook.com/Malayalivartha
