ആനയൂട്ട് നടക്കുന്നതിനിടെ ആനയുടെ കൊമ്ബില് പിടിച്ച് കഴക്കൂട്ടം സൈബര് സിറ്റി അസിസ്റ്റന്റ് കമ്മീഷണറും ശ്രീകാര്യം പോലീസ് സ്റ്റേഷനിലെ ക്രൈം എസ്ഐയും; ചിത്രങ്ങള് സമൂഹമാധ്യമങ്ങളില് വ്യാപകമായി പ്രചരിച്ചതോടെ ആകെ പുലിവാലായി
നിയമലംഘനം നടത്തിയ പോലീസുകാര് ഈ ചിത്രം സോഷ്യല്മീഡിയയില് പങ്കുവെച്ചെന്നും പരാതിക്കാര് പറയുന്നു. നേരത്തെ കോഴിക്കോട് വടകരയിലെ ഒരു വിവാഹ വേദിയില് എത്തിച്ച മോഴ ആനയ്ക്ക് കൊമ്ബുകള് ഘടിപ്പിച്ചെന്നും ഇതുകാരണം ആനയ്ക്ക് ഭക്ഷണം കഴിക്കാന് സാധിക്കാതിരിക്കുകയും പട്ടിണിയിലാവുകയും ചെയ്തെന്നും പരാതിയില് ആരോപിക്കുന്നു. സംഭവത്തില് വരനും വരന്റെ അച്ഛന്, ആന ഉടമ എന്നിവര്ക്കെതിരെയും കേസെടുക്കണമെന്നും ഹെറിറ്റേജ് ആനിമല് ടാസ്ക് ഫോഴ്സ് ആവശ്യപ്പെട്ടു. ആന പരിപാലന നിയമലംഘനം നടത്തി നിയമപാലകര് തന്നെ പുലിവാല് പിടിച്ചു. ചെല്ലാമംഗലം ക്ഷേത്രത്തില് ആനയുട്ടിനിടയിലെ എഴുന്നള്ളിപ്പിന് കൊണ്ടുവന്ന ആനയുടെ കൊമ്ബില് പിടിച്ച് നില്ക്കുന്ന ചിത്രങ്ങള് പുറത്തുവന്നതോടെ കഴക്കൂട്ടം സൈബര് സിറ്റി അസിസ്റ്റന്റ് കമ്മീഷണറും ശ്രീകാര്യം പോലീസ് സ്റ്റേഷനിലെ ക്രൈം എസ്ഐയുമാണ് കുരുക്കിലായിരിക്കുന്നത്.
ചിത്രങ്ങള് സമൂഹമാധ്യമങ്ങളില് വ്യാപകമായി പ്രചരിച്ചതോടെ പോലീസ് സേനയ്ക്ക് തന്നെ ഉത്തരംമുട്ടി. ആന പരിപാലന നിയമങ്ങള് പോലീസുകാര് ലംഘിച്ചെന്നാണ് ഉയര്ന്നിരിക്കുന്ന ആരോപണം. ആനയൂട്ട് നടക്കുന്നതിനിടെയാണ് പോലീസുകാര് ആനയുടെ കൊമ്ബില് പിടിച്ച് നിന്ന് ചിത്രമെടുത്തത്. എഴുന്നെള്ളിപ്പിനും പൊതുപരിപാടികള്ക്കും കൊണ്ടു വരുമ്ബോള് ആനയുടെ ശരീരത്തില് ഒന്നാം പാപ്പന് മാത്രമേ സ്പര്ശിക്കാന് പാടുള്ളൂവെന്നാണ് സര്ക്കാര് തന്നെ നിര്ദേശിച്ചിരിക്കുന്നത്. ഇത് ഈ പോലീസുകാര് ലംഘിച്ചെന്നാണ് കണ്ടെത്തല്. തൃശ്ശൂര് തിരുവമ്ബാടി ഹെറിറ്റേജ് ആനിമല് ടാസ്ക് ഫോഴ്സ് സെക്രട്ടറി വികെ വെങ്കിടാചലമാണ് മുഖ്യമന്ത്രിക്കും ചീഫ് സെക്രട്ടറിക്കും ഡിജിപിക്കും ഹോം സെക്രട്ടറിക്കും പരാതി നല്കിയത്.
https://www.facebook.com/Malayalivartha
