ശ്രീറാമിനൊപ്പം വഫ ഫിറോസ് തിരുവനന്തപുരത്ത് കറങ്ങിനടന്നത് ഭര്‍ത്താവ് അറിയാതെ ആണെന്നതിന് കൂടുതല്‍ തെളിവുകള്‍ പുറത്ത്. വഫയ്ക്ക് അന്യ പുരുഷന്മാരുമായി ബന്ധമുണ്ടായിരുന്നുവെന്നും അവളെ സഹിച്ചത് വിവാഹം കഴിച്ചുപോയതിനാലാണെന്നും വിവാഹമോചനത്തിനായി അപേക്ഷിച്ച നോട്ടീസില്‍ വഫയുടെ ഭര്‍ത്താവ് ഫിറോസ് പറയുന്നു. മദ്യപിച്ച്‌ കെ എം ബഷീര്‍ എന്ന മാധ്യമ പ്രവര്‍ത്തകനെ ശ്രീറാം വെങ്കിട്ടരാമന്‍ ഇടിച്ചുകൊന്ന ആ കാര്‍ പോലും വഫയുടെ ഭര്‍ത്താവ് ഗള്‍ഫില്‍ വിയര്‍പ്പൊഴുക്കി ഉണ്ടാക്കിയ പണം കൊണ്ടാണ് വാങ്ങിയത്. ഭര്‍ത്താവ് സ്വന്തമായി ഉണ്ടാക്കിയ സ്വത്തുവകകളാണ് വഫ ധൂര്‍ത്തടിച്ചു കളഞ്ഞത്. വഫയുടെ വഴിവിട്ട ജീവിതത്തെപ്പറ്റി ഭര്‍ത്താവ് ഫിറോസ് തന്നെയാണ് വെളിപ്പെടുത്തിയിരിക്കുന്നത്.

ശരീരഭാഗങ്ങള്‍ പ്രദര്‍ശിപ്പിച്ചും ഇസ്ലാമിന് അനുവദനീയമല്ലാത്ത രീതിയിലുമാണ് വിദേശത്തും സ്വദേശത്തും വഫ ജീവിച്ചത്. ധാരാളം പുരുഷ സുഹൃത്തുക്കളോടൊപ്പം ഇടപഴകിയാണ് വഫ ജീവിച്ചത്. അടിക്കടി തിരുവനന്തപുരത്തേക്ക് യാത്ര ചെയ്ത് അന്യപുരുഷന്‍മാരോടൊപ്പം ഉല്ലസിക്കുകയും നിശാക്ലബ്ബുകളില്‍ അന്യ പുരുഷന്‍മാരോടൊപ്പം നൃത്തം ചെയ്യുകയും ചെയ്യാറുണ്ടെന്നും ഭര്‍ത്താവ് ഡിവോഴ്‌സ് നോട്ടീസില്‍ പറയുന്നു.