ജനം പാര്ട്ടിക്കും സര്ക്കാരിനും എതിരാണെന്ന സത്യം സി.പി.എം സംസ്ഥാന നേതൃത്വം തിരിച്ചറിഞ്ഞു, ഇപ്പോള് തിരുത്തല് വരുത്തിയില്ലെങ്കില് അറബിക്കടലിന്റെ തീരത്ത് പാര്ട്ടി അസ്തമിക്കുന്ന സാഹചര്യം ഉണ്ടാകും
ജനം പാര്ട്ടിക്കും സര്ക്കാരിനും എതിരാണെന്ന സത്യം സി.പി.എം സംസ്ഥാന നേതൃത്വം തിരിച്ചറിഞ്ഞു. ഇപ്പോള് തിരുത്തല് വരുത്തിയില്ലെങ്കില് അറബിക്കടലിന്റെ തീരത്ത് പാര്ട്ടി അസ്തമിക്കുന്ന സാഹചര്യം ഉണ്ടാകും. ബി.ജെ.പിക്ക് വളരാനുള്ള സാഹചര്യമാകും അത് ഒഴിവാക്കണം. ശബരിമല വിഷയത്തില് തിടുക്കംകാട്ടിയതോടെ ഭൂരിപക്ഷമായ ഹൈന്ദവ സമൂഹം അകന്നു. അവരെ കൂടെ നിര്ത്താന് നവോത്ഥാന സമിതിയുടെ ഇടപെടലിന് സാധിച്ചു. അതിനാല് അതിന്റെ പ്രവര്ത്തനങ്ങള് ശക്തമായി മുന്നോട്ട് പോകണമെന്നും സംസ്ഥാന സെക്രട്ടറിയേറ്റ് തയ്യാറാക്കിയ രൂപരേഖയില് പറയുന്നു. ഇന്നും നാളെയും മറ്റന്നാളും ഈ രേഖയും പി.ബി നിര്ദ്ദേശിച്ച കാര്യങ്ങളും ചര്ച്ച ചെയ്യും. സമഗ്രമാറ്റാണ് ലക്ഷ്യമിടുന്നതെന്ന് നേതാക്കള് സൂചിപ്പിച്ചു.
സാധാരണ പാര്ട്ടി നേരിടുന്ന പ്രതിസന്ധികള് പോലുള്ള സാഹചര്യമല്ല ഇപ്പോഴുള്ളത്. അതിനാല് ലോക്സഭാ തെരഞ്ഞെടുപ്പിലെ വലിയ തോല്വിയില് നിന്ന് കരകയറുക മാത്രമല്ല ലക്ഷ്യം. സമൂലമായ മാറ്റം വേണം. ജനവിശ്വാസം വീണ്ടെടുക്കണം. രാജ്യത്ത് ഇടത്പക്ഷം അധികാരത്തിലിരിക്കുന്ന ഏക സംസ്ഥാനമാണ് കേരളം. ബംഗാളിലും ത്രിപുരയിലും അടുത്തകാലത്തെങ്ങും തിരിച്ച് വരുമെന്ന് കരുതാനാകാത്തവിധം പ്രതിസന്ധിയിലാണ് പാര്ട്ടിയും ഇടത് മുന്നണിയും. കോണ്ഗ്രസ് ദേശീയതലത്തില് വലിയ പ്രതിസന്ധി നേരിടുകയാണ്. ഈ അവസരത്തില് കേരളത്തില് പാര്ട്ടി ഇനിയും പിന്നോട്ട് പോയാല് അത് വലിയ തിരിച്ചടിയാകുമെന്നാണ് വിലയിരുത്തല്. സംസ്ഥാനത്തൊട്ടാകെ നേതാക്കള് നടത്തിയ ഗൃഹസമ്പര്ക്കത്തില് നിന്നും മനസ്സിലാക്കിയ കാര്യമാണിത്.
പ്രാദേശിക നേതാക്കളുടെ പെരുമാറ്റം വളരെ മോശമായ രീതിയിലാണെന്ന അഭിപ്രായം ശക്തമാണ്. പലപ്പോഴും ഇവരുടെ സ്വഭാവരീതിയാണ് പാര്ട്ടിക്കെതിരായ ജനവികാരമായി രൂപപ്പെടുന്നത്. ബ്രാഞ്ച്-ലോക്കല് അംഗങ്ങളും നേതാക്കളും പ്രദേശവാസികള്ക്കൊപ്പം പലകാര്യങ്ങളിലും നില്ക്കുന്നില്ലെന്ന അഭിപ്രായം പലയിടങ്ങളിലും ശക്തമാണ്. പഞ്ചായത്ത് അംഗങ്ങളുടെയും മറ്റും എടപെടീലുകള് ഇക്കാര്യത്തില് പ്രധാനമാണ്. ഗൃഹസന്ദര്ശനത്തിനെത്തിയ നേതാക്കളോട് പലരും ഇക്കാര്യം പറഞ്ഞിട്ടുണ്ട്. ഇക്കാര്യങ്ങള് സി.പി.എം സംസ്ഥാന സമിതി ചര്ച്ച ചെയ്തിരുന്നു. ഡിവൈഎഫ്ഐ, എസ്.എഫ്ഐ, സര്വ്വീസ് സംഘടനകള്, മറ്റ് പോഷക സംഘടനകള് എന്നിവയുടെ പ്രവര്ത്തനങ്ങളും വിലയിരുത്തിയിട്ടുണ്ട്. പാര്ട്ടിയിലെയും പോഷക സംഘടനകളിലെയും അംഗങ്ങളുടെയും കുടുംബാംഗങ്ങളുടെയും വോട്ടുകള് ലോക്സഭാ തെരഞ്ഞെടുപ്പില് കോണ്ഗ്രസിനും ബി.ജെ.പിക്കും ലഭിച്ചിട്ടുണ്ട്. അത് വലിയ അപകടകരമായ കാര്യമാണെന്നാണ് വിലയിരുത്തല്.
താഴേ തട്ട് മുതല് മുകളിലേക്കുള്ള നേതാക്കളുടെ പെരുമാറ്റവും അച്ചടക്കവും വളരെ പ്രധാനമാണ്. സംഘടനാ തലത്തിലുള്ള അച്ചടക്കം പോലും പാലിക്കുന്നതില് പലരും വീഴ്ചവരുത്തുന്നതായി വിമര്ശനം ഉയര്ന്നിട്ടുണ്ട്. അതിനാല് പാര്ട്ടി അംഗങ്ങളും നേതാക്കളും ജനപ്രതിനിധികളും ജനങ്ങളുമായി നിരന്തരം സമ്പര്ക്കം പുലര്ത്തണം. പ്രാദേശികമായ വിഷയങ്ങള് പോലും വിവാദമാക്കാതെ പരിഹരിക്കണം. അതേസമയം ചേര്ത്തലയില് ഓമനക്കുട്ടന് സംഭവിച്ചത് പോലുള്ള കാര്യങ്ങളില് ശക്തമായി ഇടപെടുകയും വേണം. സര്ക്കാരിന്റെ ഭരണം പലയിടത്തും മെച്ചമാണെങ്കിലും അടിക്കടി പാര്ട്ടിയിലും നേതാക്കളെയും കേന്ദ്രീകരിച്ചുണ്ടാകുന്ന വിവാദങ്ങള് അതിന്റെ ശോഭ കെടുത്തുന്നു. ശബരിമല വിഷയത്തില് ജാഗ്രതക്കുറവുണ്ടായി അത് സ്വയംവിമര്ശനമായി പാര്ട്ടി വിലയിരുത്തിയതായും സെക്രട്ടറിയേറ്റ് തയ്യാറാക്കിയ രൂപരേഖയില് പറയുന്നു.
ഭരണനേട്ടങ്ങള് കൃത്യമായി ജനങ്ങളിലേക്ക് ഫലപ്രദമായി എത്തിക്കാന് പലപ്പോഴും സാധിച്ചിട്ടില്ല. നേതാക്കളുടേത് അടക്കം ദൗര്ബല്യങ്ങള് തിരുത്തണം. ശബരിമല വിഷയത്തിലൂടെ ഹൈന്ദവ വിശ്വാസികള്ക്കും പള്ളിതര്ക്കത്തിലൂടെ ക്രൈസ്തവ വിശ്വാസികള്ക്കും പാര്ട്ടിയോട് അകല്ച്ച അകല്ച്ച ഉണ്ടായി. അത് തിരികെ നേടിയെടുക്കാന് ശക്തമായ ഇടപെടലുകള് ഉണ്ടാകണം എസ്.എന്.ഡി.പി യോഗം ജനറല് സെക്രട്ടറി വെള്ളാപ്പള്ളി നടേശന്റെയും കെ.പി.എം.എസ് ജനറല് സെക്രട്ടറി പുന്നല ശ്രീകുമാറിന്റെയും നേതൃത്വത്തില് മുന്നോട്ട് പോകുന്ന നവോത്ഥാന സംരക്ഷണസമിതിയുടെ പ്രവര്ത്തനം സര്ക്കാര് അവസാനിപ്പിക്കരുത്. ബി.ജെ.പിയുടെ വളര്ച്ചയ്ക്ക് തടയിടാന് ഇതിന് കഴിയും എന്ന നിഗമനത്തിലാണ് പാര്ട്ടി എത്തിയിരിക്കുന്നത്.
https://www.facebook.com/Malayalivartha
