ചെക്ക് കേസ് തീര്‍ന്ന് നാട്ടിലെത്തിയാല്‍ തുഷാര്‍ വെള്ളാപ്പള്ളി ഇടതു മുന്നണിയുമായി കൈകോര്‍ക്കും. ജയിലിലായ തന്നെ രക്ഷപ്പെടുത്തിയ പിണറായിയെ കൈവിടാന്‍ തുഷാര്‍ തയ്യാറല്ല. എന്നാല്‍ സി പി എമ്മിലെ ചില നേതാക്കള്‍ ഇത്തരമൊരു നീക്കത്തെ എങ്ങനെ കാണുമെന്ന് വ്യക്തമല്ല.

എന്‍ ഡി എ നേതാവ് തുഷാര്‍ വെള്ളാപ്പള്ളിക്ക് വേണ്ടി യൂസഫലിയെ ഇടപെടുവിച്ചത് പിണറായി വിജയനാണ്. ബി ജെ പി നേതാവിനെ സഹായിക്കാന്‍ പിണറായിക്ക് എന്താണ് താത്പര്യമെന്ന് സി പിഎം കേന്ദ്രനേതാക്കള്‍ അന്വേഷിച്ചെങ്കിലും പിണറായി മൗനം തുടര്‍ന്നു. കാണാന്‍ പോകുന്ന പൂരം വിവരിക്കേണ്ടതില്ലല്ലോ എന്നായിരുന്നു അദ്ദേഹത്തിന്റെ നിലപാട്.. വി എസ് അച്യുതാനന്ദന്‍ ഉള്‍പ്പെടെയുള്ള നേതാക്കള്‍ വെള്ളാപ്പള്ളിക്കും തുഷാറിനുമെതിരെ കര്‍ശന നിലപാട് എടുക്കുമ്പോഴാണ് പിണറായി അദ്ദേഹത്തെ സഹായിക്കാനെത്തിയത്.

തുഷാര്‍ അറസ്റ്റിലായ വിവരം പിണറായിയെ അറിയിച്ചത് വെള്ളാപ്പള്ളിയാണ്. ഉടന്‍ തന്നെ ഉറ്റ സുഹ്യത്തായ യൂസഫലിയുമായി ഫോണില്‍ ബന്ധപ്പെട്ട പിണറായി തുഷാറിനെ സഹായിക്കണമെന്ന് ആവശ്യപ്പെട്ടു. യൂസഫലിക്ക് പിണറായി എന്നാല്‍ ഒരു പാട് സ്‌നേഹമുള്ള വ്യക്തിയാണ്. അറേബ്യന്‍ രാജ്യങ്ങളില്‍ അതി ശക്തമായ വേരുകളാണ് യൂസ്ഥലിക്കുള്ളത് . അദ്ദേഹം വിരല്‍ ഞൊടിച്ചാല്‍ നമിക്കുന്നവരാണ് ഗള്‍ഫിലെ സമ്പന്നര്‍. ഇങ്ങനെയൊക്കെയുള്ള യൂസഫലി തുഷാറിനെ പുഷ്പം പോലെ ഇറക്കി കൊണ്ടുവന്നു.

പിണറായിയുടെ ഇടപെടലിനെ രാഷ്ട്രീയ കേരളം തള്ളുകയില്ല. കാരണം കോണ്‍ഗ്രസിനും കമ്യൂണിസ്റ്റിനും ബിജെപിക്കും ഒരു പോലെ വേണ്ടപ്പെട്ടയാളാണ് വെള്ളാപ്പള്ളി നടേശന്‍. അദ്ദേഹം പൊല്ലാകാലത്ത് ബി ജെ പിയില്‍ ചേര്‍ന്നു കൊണ്ടു മാത്രം അവര്‍ തമ്മിലുള്ള ബന്ധം അവസാനിക്കുകയില്ല. ബി ജെ പിയുടെ ഉറ്റ ബന്ധുവായിരിക്കുമ്പോഴും ഇടതു മുന്നണിയുമായി നടേശന്‍ സൗഹൃദം നിലനിര്‍ത്തിയത് ഇത്തരം നേട്ടങ്ങള്‍ക്ക് വേണ്ടിയാണ്.

പിണറായിയും നടേശനും തമ്മിലുള്ള ബന്ധത്തിന് ഏറെ നാളത്തെ പഴക്കമുണ്ട്. അച്യുതാനന്ദന്‍ വെള്ളാപ്പള്ളിക്കെതിരെ തിരിഞ്ഞത് നടേശന് പിണറായിയുമായി ബന്ധം ഉള്ളതു കൊണ്ടാണ്. ആലപ്പുഴകാരനായ തന്നെ നടേശന്‍ കൈവിട്ടപ്പോള്‍ നടേശന്റെ പേരില്‍ കേസെടുക്കുകയാണ് വി എസ് ചെയ്തത്. അത്രയും കടക്കേണ്ടതുണ്ടോ എന്ന് പലരും ചോദിച്ചെങ്കിലും വി എസ് വഴങ്ങിയില്ല. അക്കാലത്ത് ഇമേജിന്റെ തടവറിയിലായിരുന്നു അച്യുതാനന്ദന്‍. വെള്ളാപ്പള്ളിയെ പിണക്കിയാലും ഈഴവര്‍ കൂടെ നില്‍ക്കുമെന്ന് അദ്ദേഹം കരുതി. ഈഴവര്‍ കൂടെയുണ്ടെങ്കിലും ഒരു നല്ല വിഭാഗം ബി ജെ പിയില്‍ ചേര്‍ന്നു. ഇതില്‍ മാറ്റം വരുത്താനാണ് പിണറായിയുടെ ശ്രമം.

യൂസഫലിയുമായി നടേശന് ബന്ധമുണ്ടെങ്കിലും നടേശന്‍ വിരിച്ച വലയില്‍ അദ്ദേഹം വീണില്ല. അങ്ങനെയാണ് പിണറായിയുടെ സഹായം അഭ്യര്‍ത്ഥിച്ചത്. യൂസഫലി ഇക്കാര്യത്തില്‍ പിണറായിയെ സഹായിച്ചതാണോ എന്ന് വ്യക്തമല്ല.

കേന്ദ്രമന്ത്രിയും എം പിയുമൊക്കെ ആക്കാമെന്ന് പറഞ്ഞാണ് തുഷാറിനെ ബി ജെ പിയില്‍ ചേര്‍ത്തത്. എന്നാല്‍ ഒന്നും നടന്നില്ല. അതിന്റെ വിരോധം തുഷാറിനുണ്ട്. അതിനിടയിലാണ് ഇങ്ങനെയൊരു വയ്യാവേലി വന്നുചേര്‍ന്നത്. സമയത്ത് കൊത്തുന്നയാളാണ് മിടുക്കന്‍. സമയത്ത് വെള്ളാപ്പള്ളിയെ കൊത്തിയ പിണറായി തന്നെയാണ് ഇക്കാര്യത്തില്‍ മിടുക്കന്‍. പണ്ട് കെ.എം. മാണിയുമായി കൈകോര്‍ക്കാന്‍ ശ്രമിച്ചതും ഇതേ ബുദ്ധിയുടെ ഭാഗമായി തന്നെയാണ്.