പുത്തുമലയില് കാണാതായവര്ക്കായുള്ള തിരച്ചില് തുടരേണ്ടതില്ലെന്ന് ബന്ധുക്കള്
പുത്തുമലയിലെ മണ്ണിടിച്ചിലില് കാണാതായവര്ക്ക് വേണ്ടിയുള്ള തിരച്ചില് ഇനിയും തുടരേണ്ടതില്ലെന്ന് കാണാതായവരുടെ ബന്ധുക്കള്. സ്ഥിതിഗതികള് ചര്ച്ച ചെയ്യാനായി മേപ്പാടി പഞ്ചായത്ത് ഹാളില് ചേര്ന്ന യോഗത്തിലാണ് ചിലരുടെ ബന്ധുക്കള് അഭിപ്രായം പങ്കുവെച്ചത്.
അതേസമയം, ഒരിടത്തു കൂടി തിരച്ചില് നടത്തണമെന്ന് ദൂരന്തത്തില് പെട്ട ഹംസയുടെ മകന് പറഞ്ഞു. ഇതനുസരിച്ച് തിങ്കളാഴ്ച പുത്തുമല പച്ചക്കാട് ഭാഗത്ത് തിരച്ചില് തുടരും. പുത്തുമല ദുരന്തത്തില് കാണാതായവര്ക്ക് വേണ്ടി ജില്ലാ ഭരണകൂടത്തിന്റെ നേതൃത്വത്തില് നടത്തിവന്ന തിരച്ചില് പ്രവര്ത്തനങ്ങളില് എല്ലാവരും തൃപ്തി പ്രകടിപ്പിക്കുകയും ചെയ്തു.
അഞ്ചു പേരെയാണ് പുത്തുമലയില് ഇനിയും കണ്ടെത്താനുള്ളത്. കഴിഞ്ഞ ദിവസങ്ങളില് നടത്തിയ തിരച്ചില് ശ്രമങ്ങള് ഫലം ചെയ്തിരുന്നില്ല. ഇതിന്റെ അടിസ്ഥാനത്തിലാണ് മേപ്പാടി പഞ്ചായത്ത് ഹാളില് യോഗം ചേര്ന്ന് സ്ഥിതിഗതികള് ചര്ച്ച ചെയ്യാന് തീരുമാനിച്ചത്.
https://www.facebook.com/Malayalivartha