കട്ടക്കലിപ്പോടെ സുരേന്ദ്രന്... ശബരിമല വിട്ട് ക്ഷേത്രങ്ങളില് കയറിപ്പറ്റാന് സിപിഎം ആവശ്യപ്പെടുമ്പോള് അരയും തലയും മുറുക്കി ബിജെപി നേതാക്കളും; സംഘടിത ശക്തി ഉപയോഗിച്ചോ കുറുക്കുവഴിയിലൂടെയോ ക്ഷേത്രങ്ങള് കയ്യടക്കാന് വന്നാല് വിശ്വാസികള് അവരെ ആട്ടിയോടിക്കും
ഒരിടവേളയ്ക്ക് ശേഷം ഭക്തിയും ക്ഷേത്രങ്ങളുമെല്ലാം ചര്ച്ചയാകുകയാണ്. ശബരിമലയില് സിപിഎം സ്വീകരിച്ച നിലപാടില് ജനങ്ങള് ലോക്സഭാ തെരഞ്ഞെടുപ്പില് തിരിച്ചടി നല്കിയതോടെയാണ് പാര്ട്ടി തന്ത്രം മാറ്റിയത്. ഇതിന് പിന്നാലെ കഴിഞ്ഞ ദിവസം ചേര്ന്ന സംസ്ഥാന സമിതിയില് ഭക്തരെ തിരിച്ചു പിടിക്കണമെന്ന തീരുമാനമെടുത്തു. മാത്രമല്ല ക്ഷേത്ര ഭരണങ്ങളില് കൂടി കയറിപ്പറ്റണമെന്നും പാര്ട്ടി വ്യക്തമാക്കി.
അതേ സമയം ഇതിനെ കരുതലോടെയാണ് ആര്എസ്എസും ബിജെപിയും കാണുന്നത്. വിശ്വാസികളുടെ പിന്തുണ ഇനി എത്ര പരിശ്രമിച്ചാലും സി.പി.എമ്മിന് തിരിച്ചുകിട്ടാന് പോകുന്നില്ലെന്ന് ബി.ജെ.പി ജനറല് സെക്രട്ടറി കെ.സുരേന്ദ്രന്. സംഘടിതശക്തി ഉപയോഗിച്ചോ കുറുക്കുവഴിയിലൂടെയോ ക്ഷേത്രങ്ങള് കയ്യടക്കാന് വന്നാല് വിശ്വാസികള് അവരെ ആട്ടിയോടിക്കുക തന്നെ ചെയ്യുമെന്ന് സുരേന്ദ്രന് ഫേയ്സ്ബുക്കില് കുറിച്ചു.
വലിയ പ്രചാരണം കൊടുത്ത് നടപ്പിലാക്കിയ മതേതത ശ്രീകൃഷ്ണജയന്തി സ്വമേധയാ ഉപേക്ഷിച്ച് ഓടേണ്ടി വന്നത് ഇതിന്റെ തെളിവാണ്. ശബരിമലയിലെ പോലീസ് നടപടിയിലും കള്ളക്കെസുകളിലും ഈ സര്ക്കാരിന് താമസംവിനാ നിയമവഴിയില് തന്നെ തിരിച്ചടികിട്ടുമെന്ന് ഉറപ്പാണ്. അനിവാര്യമായ തകര്ച്ചയാണ് സി.പി.എമ്മിനെ കാത്തിരിക്കുന്നതെന്ന് കെ. സുരേന്ദ്രന് തന്റെ ഫേയ്സ്ബുക്കില് കുറിച്ചു.
ഫേയ്സ്ബുക്ക് പോസ്റ്റിന്റെ പൂര്ണരൂപം
കുളിപ്പിച്ചുകുളിപ്പിച്ചു കുട്ടിയില്ലാണ്ടായി എന്ന അവസ്ഥയിലാണ് കേരളത്തിലെ സി. പി. എം ഇപ്പോള്. വിശ്വാസികളുടെ പിന്തുണ ഇനി എത്ര പരിശ്രമിച്ചാലും സി. പി. എമ്മിന് തിരിച്ചുകിട്ടാന് പോകുന്നില്ല. സംഘടിതശക്തി ഉപയോഗിച്ചോ കുറുക്കുവഴിയിലൂടെയോ ക്ഷേത്രങ്ങള് കയ്യടക്കാന് വന്നാല് വിശ്വാസികള് അവരെ ആട്ടിയോടിക്കുക തന്നെ ചെയ്യും. വലിയ പ്രചാരണം കൊടുത്ത് നടപ്പിലാക്കിയ മതേതര ശ്രീകൃഷ്ണജയന്തി സ്വമേധയാ ഉപേക്ഷിച്ച് ഓടേണ്ടി വന്നത് ഇതിന്റെ തെളിവാണ്. ശബരിമലയിലെ പൊലീസ് നടപടിയിലും കള്ളക്കേസ്സുകളിലും ഈ സര്ക്കാരിന് താമസംവിനാ നിയമവഴിയില് തന്നെ തിരിച്ചടികിട്ടുമെന്നുറപ്പാണ്. അനിവാര്യമായ തകര്ച്ചയാണ് സി. പി. എമ്മിനെ കാത്തിരിക്കുന്നത്. ശബരിമല അതിനൊരു നിമിത്തമായി എന്നുമാത്രം. സംസ്ഥാനകമ്മിറ്റിയും സെക്രട്ടറിയേറ്റുമൊക്കെ ദിവസങ്ങളോളം കൂടിയിരുന്ന് കാലം കഴിക്കുകയല്ലാതെ അതിലെ തീരുമാനങ്ങളൊന്നും നടപ്പാക്കാന് അവര്ക്കു കഴിയില്ല. വമ്പിച്ച ഗൃഹസമ്പര്ക്കം പ്ളാന് ചെയ്തിട്ട് സംസ്ഥാനത്തെ പത്തുശതമാനം വീടുപോലും കയറിത്തീര്ക്കാന് അവര്ക്കുകഴിഞ്ഞിട്ടില്ല. കയറിയിടത്തുനിന്നെല്ലാം കണക്കിന് കിട്ടുകയും ചെയ്തിട്ടുണ്ട്. കമ്യൂണിസ്റ്റ് പാര്ട്ടികള്ക്കിപ്പോള് വെറും ഓട്ടമുക്കാലിന്റെ വിലയേ നാട്ടുകാര്ക്കിടയിലുള്ളൂ.
അതേസമയം വിശ്വാസത്തെ അനുകൂലിച്ചു സംസാരിച്ചതിനു നേതാവിനെ പുറത്താക്കിയ പാര്ട്ടി, ശബരിമല വിഷയത്തില് നഷ്ടമായ വിശ്വാസികളെ തിരികെപ്പിടിക്കാന് ശൈലിയും നയവും മാറ്റുകയാണ്. വിശ്വാസികളെ പാര്ട്ടിക്കൊപ്പം നിര്ത്താന് ബൃഹദ് പദ്ധതികളാണ് സി.പി.എം. തയാറാക്കിയിരിക്കുന്നത്.
ശബരിമലയില് ചെറു വിമാനത്താവളം നിര്മ്മിക്കാനും ആര്.എസ്.എസ്, ഹിന്ദു പരിവാര് സംഘടനകള് കൈയടക്കിവച്ചിരിക്കുന്ന ക്ഷേത്രക്കമ്മിറ്റികളില് ഉള്പ്പെടെ പാര്ട്ടി അംഗങ്ങള് പ്രാതിനിധ്യം നേടി നിലവിലെ പ്രതിസന്ധി മറികടക്കാനുമാണ് നീക്കം. പാര്ട്ടിയംഗങ്ങള് ക്ഷേത്രദര്ശനം നടത്തരുതെന്ന മുന് നിലപാടിനു വിരുദ്ധമായാണ് ശൈലി മാറ്റുന്നത്.
https://www.facebook.com/Malayalivartha
