തൃശൂര് കയ്പ്പമംഗലം കുരീക്കുഴിയില് കടലില് അജ്ഞാത ബോട്ടുകള് എത്തിയതായി വിവരം... ആശങ്കയുടെ മുള്മുനയില് കേരളം
തൃശൂര് കയ്പ്പമംഗലം കുരീക്കുഴിയില് കടലില് അജ്ഞാത ബോട്ടുകള് എത്തിയതായി വിവരമാണ് ഇപ്പോള് പുറത്തുവരുന്നത്. കേരളം തീവ്രവാദ ഭീഷണി നേരിടുന്ന ഈ സാഹചര്യത്തില് ഭയചകിതരാണ് ജനങ്ങള്. നാട്ടുകാര് നല്കിയ വിവരത്തെ തുടര്ന്ന് പൊലീസും ഫിഷറീസ് വകുപ്പും തിരച്ചില് നടത്തിയെങ്കിലും ഇവരെ ഇതുവരെ കണ്ടെത്താനായില്ല. കരയില്നിന്നും അഞ്ചു കിലോ മീറ്റര് ഉള്ളിലോട്ടാണ് ബോട്ടുകള് കണ്ടതെന്നാണ് മല്സ്യത്തൊഴിലാളികള് അധികൃതരെ അറിയിച്ചത്. തീവ്രവാദഭീഷണി നിലനില്ക്കുന്നതിനാല് കനത്തജാഗ്രതയിലാണ് തീരപ്രദേശം.
തീവ്രവാദ സംഘവുമായി ബന്ധമുണ്ടെന്ന സംശയത്തില് കസ്റ്റഡിയിലെടുത്ത കൊടുങ്ങല്ലൂര് സ്വദേശി അബ്ദുള് ഖാദര് റഹീമിന്റെ ചോദ്യംചെയ്യല് തുടരുന്നു. ഇന്നലെ എറണാകുളം സി.ജെ.എം. കോടതിയില് ഹാജരാകാന് എത്തിയപ്പോഴാണ് കസ്റ്റഡിയിലെടുത്തത്. റഹീമിന്റെ സുഹൃത്തായ യുവതിയേയും പൊലീസ് കസ്റ്റഡിയിലെടുത്തിരുന്നു. ഇരുവരേയും എന്.ഐ.എ സംഘത്തിന്റെ നേതൃത്വത്തിലാണ് ചോദ്യം ചെയ്യുന്നത്. റഹീം ഫോണില് വിളിച്ച രണ്ടുപേരെ കസ്റ്റഡിയിലെടുത്ത് കോയമ്പത്തൂര് പൊലീസും ചോദ്യംചെയ്യുന്നുണ്ട്. തീവ്രവാദ ബന്ധമുണ്ടെന്ന സംശയത്തിന്റെ അടിസ്ഥാനത്തില് സംസ്ഥാനത്ത് ആറുപേര് കൂടി കേന്ദ്ര ഏജന്സികളുടെ നിരീക്ഷണത്തിലാണ്.
ഭീകരാക്രമണത്തിനായി തമിഴ്നാട്ടിലേക്ക് നുഴഞ്ഞുകയറിയ ലഷ്കര് ഇ ത്വയ്ബ ഭീകരര്ക്ക് സഹായം നല്കിയതായി സംശയിക്കുന്ന തൃശൂര് സ്വദേശി അബ്ദുള് ഖാദര് റഹീമിനെ കഴിഞ്ഞ ദിവസമാണ് പോലീസ് കസ്റ്റഡിയിലെടുത്തത്. എറണാകുളം ജില്ലാ കോടതിയില് ഹാജരാകാനെത്തിയപ്പോഴാണ് അബ്ദുള് ഖാദറിനെ കസ്റ്റഡിയിലെടുത്തത്. ശ്രീലങ്കയില് നിന്ന് തമിഴ്നാട്ടിലെത്തിയ ഭീകരര്ക്ക് യാത്രാ സഹായം നല്കിയത് മലയാളിയായ അബ്ദുള് ഖാദറാണെന്ന് കേന്ദ്ര രഹസ്യാന്വേഷണ വിഭാഗം കഴിഞ്ഞ ദിവസം മുന്നറിയിപ്പ് നല്കിയിരുന്നു. ബഹറിനില് നിന്നു രണ്ടു ദിവസം മുമ്പാണ് അബ്ദുള് ഖാദര് കൊച്ചിയിലെത്തിയത്. ഇയാളുമായി ബന്ധമുണ്ടെന്ന് സംശയിക്കുന്ന യുവതിയെയും പോലീസ് കസ്റ്റഡിയില് എടുത്തിരുന്നു. എന്നാല് തന്നെക്കുറിച്ചുള്ള രഹസ്യാന്വേഷണ റിപ്പോര്ട്ടുകള് തെറ്റാണെന്നും താന് നിരപരാധിയാണെന്നും കോടതിയില് ഹാജരാകുന്നതിനു മുമ്പ് അബ്ദുള് ഖാദര് മാധ്യമങ്ങളോട് പറഞ്ഞു. പാക് ഭീകരന് ഇല്യാസ് അന്വറിനെ തനിക്കറിയില്ലെന്നും അബ്ദുള് ഖാദര് പറഞ്ഞു.പോലീസ് കസ്റ്റഡിയില് എടുത്ത യുവതിയെ ബഹറിനില് ഹോട്ടല് ലോബിയുടെ കൈയില്നിന്നും താന് രക്ഷപ്പെടുത്തി കൊണ്ടുവന്നതാണെന്നും അദ്ദേഹം വ്യക്തമാക്കി. ഇവരെയാണ് പോലീസ് കസ്റ്റഡിയില് എടുത്തിരിക്കുന്നതെന്നും ഈ വിഷയത്തില് ബഹ്റിനില് വച്ചു സിഐഡി സംഘം തന്നെ ചോദ്യം ചെയ്തിരിന്നുവെന്നും അബ്ദുള് ഖാദര് പറഞ്ഞു.
തമിഴ്നാട്ടിലേക്കു 6 ലഷ്കറെ ഇ ത്വയ്ബ ഭീകരര് നുഴഞ്ഞുകയറിയെന്ന് ഇന്റലിജന്സാണ് റിപ്പോര്ട്ട് പുറത്തുവിട്ടത്. ശ്രീലങ്കയില് നിന്നാണ് സംഘം തമിഴ്നാട്ടില് എത്തിയത്. ചെന്നൈ, കോയമ്പത്തൂര് കേന്ദ്രീകരിച്ചുള്ള ആക്രമണ സാധ്യതയാണ് രഹസ്യാന്വേഷണ വിഭാഗം കണക്കുകൂട്ടുന്നത്. ഇന്റലിജന്സ് റിപ്പോര്ട്ടിനെ തുടര്ന്ന് കനത്ത സുരക്ഷയാണ് ദക്ഷിണ ഇന്ത്യയില് ഏര്പ്പെടുത്തിയിരിക്കുന്നത്. എന്തായാലും കസ്റ്റഡിയിലെടുത്ത പ്രതികളെ കേന്ദ്ര ഐബി ഉദ്യോഗസ്ഥരടക്കം ഇരുവരേയും ഇന്ന് വിശദമായി ചോദ്യം ചെയ്യും.
https://www.facebook.com/Malayalivartha
