താന്‍ ഇനി മുതല്‍ യു.ഡി.എഫ് യോഗങ്ങളില്‍ പങ്കെടുക്കില്ലെന്ന് വ്യക്തമാക്കി ആര്‍. ബാലകൃഷ്ണപിള്ള രംഗത്തെത്തി. എന്നാല്‍ യു.ഡി.എഫില്‍ തുടരും. തിരുവനന്തപുരത്ത് നടത്തിയ വാര്‍ത്താ സമ്മേളനത്തിലാണ് അദ്ദേഹം ഇക്കാര്യം പറഞ്ഞത്. തെറ്റ് ചെയ്തത് യു.ഡി.എഫ് ആണെന്ന് അദ്ദേഹം പറഞ്ഞു. യു.ഡി.എഫ് യോഗത്തില്‍ തന്നെ ക്ഷണിക്കാതിരുന്നത് ഏറ്റവും വലിയ തെറ്റാണ്. മുഖ്യമന്ത്രി തെറ്റ് തിരുത്താന്‍ തയ്യാറാകണമെന്നും അദ്ദേഹം പറഞ്ഞു.

യു.ഡി.എഫ് ഉണ്ടാക്കിയ വ്യക്തിയാണ് താന്‍. എന്നാല്‍ താനുണ്ടാക്കിയ തന്റെ തറവാട്ടില്‍ നിന്നും തന്നെ പുറത്താക്കാനാണ് ശ്രമിച്ചത്. ഒരു മന്ത്രിക്കെതിരെയുള്ള ആക്ഷേപം രണ്ട് തവണ താന്‍ രേഖാമൂലം മുഖ്യമന്ത്രിയെ അറിയിച്ചതാണ്. എന്നാല്‍ തന്നെ അവഹേളിക്കുന്ന സമീപനമാണ് മുഖ്യമന്ത്രിയില്‍ നിന്നും ഉണ്ടായത്. അദ്ദേഹം അത് അന്വേഷിച്ചില്ലെന്ന് മാത്രമല്ല അത് പുച്ഛത്തോടെ തള്ളിക്കളയുകയും ചെയ്തു. അന്വേഷണം നടന്നിരുന്നെങ്കില്‍ ആ മന്ത്രി ഇപ്പോള്‍ അകത്ത് പോയേനെയെന്നും ബാലകൃഷ്ണപിള്ള പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha