തുഷാര് വെള്ളാപ്പള്ളിയുടെ കേസ് കൈവിടുമെന്നായപ്പോള് മലക്കം മറിഞ്ഞ് യൂസഫലി... തുഷാര് വെള്ളാപ്പള്ളിയുടെ വണ്ടിച്ചെക്ക് കേസില് ഇടപെടില്ലെന്ന് ഉറപ്പിച്ച് യൂസഫലി, യുഎഇയിലെ കോടതിയുടെ പരിഗണനയിലിരിക്കുന്ന വിഷയമാണിത്, ന്യായത്തിനും നീതിക്കും അനുസരിച്ച് മാത്രമാണ് യുഎഇയുടെ നിയമവ്യവസ്ഥ പ്രവര്ത്തിക്കുന്നത്, നിയമം നിയമത്തിന്റെ വഴിക്ക് മാത്രം
തുഷാറിന്റെ കേസില് ഇനിയും ഇടപെട്ടാല് തടി കേടാകും എന്ന് ഉറപ്പായപ്പോള് യൂസഫ് അലി മലക്കം മറിഞ്ഞു, ഇപ്പോള് ഇതാ നാലു ചുറ്റും പൂട്ടുവീണ അവസ്ഥ. കോടതിയും കൈവിട്ടിരിക്കുന്ന തുഷാറിന് ഇത് ഇരുട്ടടി തന്നെയാണ്.
തുഷാറിനെതിരായ വണ്ടിച്ചെക്ക് കേസില് ഇനി താന് ഇടപെടില്ല. തുഷാറിന് ജാമ്യത്തുക നല്കി എന്നത് മാത്രമാണ് ഈ കേസിലുണ്ടായ ബന്ധമെന്നും കേസില് ഇടപെടില്ലന്നും യൂസഫ് അലി വ്യക്തമാക്കി. യുഎഇയിലെ കോടതിയുടെ പരിഗണനയിലിരിക്കുന്ന വിഷയമാണിത്. ന്യായത്തിനും നീതിക്കും അനുസരിച്ച് മാത്രമാണ് യുഎഇയുടെ നിയമവ്യവസ്ഥ പ്രവര്ത്തിക്കുന്നത്. നിയമം നിയമത്തിന്റെ വഴിക്ക് മാത്രമേ പോകുകയുള്ളുവെന്നും എം എ യൂസഫലിയുടെ ഓഫീസ് വ്യക്തമാക്കി. എം എ യൂസഫലി ഇടപെട്ടതിനെ തുടര്ന്നാണ് തൃശ്ശൂര് സ്വദേശി നാസില് അബ്ദുള്ളയ്ക്ക് വണ്ടിച്ചെക്ക് നല്കിയെന്ന കേസില് അജ്മാന് പൊലീസ് അറസ്റ്റ് ചെയ്ത തുഷാര് വെള്ളാപ്പള്ളിക്ക് ജാമ്യം ലഭിച്ചത്. അതേസമയം കോടതിക്ക് പുറത്തുള്ള ഒത്തുതീര്പ്പ് ശ്രമം വൈകുന്ന സാഹചര്യത്തില് യുഎഇ പൗരന്റെ പാസ്പോര്ട്ട് സമര്പ്പിച്ച് യാത്രാവിലക്ക് മറികടക്കാന് ശ്രമിച്ചെങ്കിലും തുഷാറിന് കോടതിയില് നിന്നും നേരിട്ടത് വന് തിരിച്ചടി. സ്വദേശിയുടെ പാസ്പോര്ട്ട് സമര്പ്പിച്ച് സ്വന്തം പാസ്പോര്ട്ട് തിരികെ നല്കണമെന്ന അപേക്ഷ കോടതി തള്ളുകയായിരുന്നു. ഇതോടെ കേസ് നടത്തി കഴിയാതെ ഇനി തുഷാറിന് തിരിച്ച് വരാന് സാധിക്കില്ല.
എം എ യൂസഫലിയുടെ ഓഫീസില് നിന്നുള്ള വിശദീകരണം ഇങ്ങനെയാണ്
തുഷാര് വെള്ളാപ്പള്ളിയുമായി ബന്ധപ്പെട്ട കേസ് യുഎഇയിലെ കോടതിയുടെ പരിഗണനയിലിരിക്കുന്ന ഒരു വിഷയമാണ്. നിലനില്ക്കുന്നത്. കേസുകളില് യാതൊരു വിധത്തിലുമുള്ള ബാഹ്യഇടപെടലുകള് ഒരുതരത്തിലും സാധ്യമാകില്ല. ന്യായത്തിനും നീതിക്കും അനുസരിച്ച് മാത്രമാണ് യുഎഇയുടെ നിയമവ്യവസ്ഥ പ്രവര്ത്തിക്കുന്നത്. നിയമം നിയമത്തിന്റെ വഴിക്ക് മാത്രമേ പോകുകയുള്ളു. തുഷാര് വെള്ളാപ്പള്ളിക്ക് ജാമ്യത്തുക നല്കി എന്നത് മാത്രമാണ് ഈ കേസില് എം എ യൂസഫലിക്കുണ്ടായ ഏകബന്ധം. അതല്ലാതെ അദ്ദേഹം ഈ കേസില് ഏതെങ്കിലും തരത്തില് ഇടപെടുകയോ ഇടപെടാന് ഉദ്ദേശിക്കുകയോ ചെയ്യുന്നില്ല.
https://www.facebook.com/Malayalivartha
