ഡി.ജി.പി ജേക്കബ് തോമസിനെ സര്വീസില് തിരിച്ചെടുത്തേക്കും; ജേക്കബ് തോമസിനെ തിരിച്ചെടുക്കാനുള്ള അഡിമിനിസ്ട്രേറ്റീവ് ട്രിബ്യൂണലിന്റെ ഉത്തരവ് നടപ്പാക്കേണ്ടി വരുമെന്ന് ഫയലില് പറയുന്നു; ചീഫ് സെക്രട്ടറിയുടെ പരിഗണനയിലുള്ള ഫയലില് സര്ക്കാര് അന്തിമ തീരുമാനം എടുക്കും
സസ്പെൻഷനിൽ കഴിയുന്ന ഡി.ജി.പി ജേക്കബ് തോമസിനെ സര്വീസില് തിരിച്ചെടുത്തേക്കുമെന്ന് സൂചന. ഇത് സംബന്ധിച്ച ഫയൽ ആഭ്യന്തര വകുപ്പ് സെക്രട്ടറി ചീഫ് സെക്രട്ടറിക്ക് കൈമാറിയതായാണ് അറിയുന്നത്. ജേക്കബ് തോമസിനെ തിരിച്ചെടുക്കാനുള്ള അഡിമിനിസ്ട്രേറ്റീവ് ട്രിബ്യൂണലിന്റെ ഉത്തരവ് നടപ്പാക്കേണ്ടി വരുമെന്ന് ഫയലില് സൂചിപ്പിക്കുന്നു. ചീഫ് സെക്രട്ടറിയുടെ പരിഗണനയിലുള്ള ഫയലില് സര്ക്കാര് അന്തിമ തീരുമാനം എടുക്കും. ഇക്കാര്യത്തിൽ അന്തിമ തീരുമാനം എടുക്കുന്നത് മുഖ്യമന്ത്രി പിണറായി വിജയനാകും. ട്രിബൂണല് ഉത്തരവിനെതിരെ അപ്പീൽ പോകേണ്ടെന്ന് സർക്കാർ തീരുമാനിച്ചിട്ടുണ്ട്. ചട്ടപ്രകാരമുള്ള നിയമനമാണെങ്കില് സ്വീകരിക്കുമെന്ന് ജേക്കബ് തോമസ് പ്രതികരിച്ചു.
കേന്ദ്ര അഡ്മിനിസ്ട്രേറ്റീവ് ട്രിബ്യൂണല് ജേക്കബ് തോമസിന്റെ സസ്പെന്ഷന് റദ്ദ് ചെയ്ത് തിരിച്ചെടുക്കാന് ഉത്തരവിട്ടിരുന്നു. എന്നാല് ഇതുവരെ ഇതില് തുടര് നടപടികള് ഉണ്ടായിരുന്നില്ല. തുടര്ന്ന് ജേക്കബ് തോമസ് വീണ്ടും ട്രിബ്യൂണലിനെ സമീപിച്ച് കോടതിയലക്ഷ്യം ചൂണ്ടിക്കാണിക്കുകയായിരുന്നു. ഇതില് വാക്കാല് വിശദീകരണം തേടിയതിന് ശേഷമാണ് ആഭ്യന്തര സെക്രട്ടറി ഫയല് കൈമാറിയത്. നിലവില് രണ്ട് വര്ഷത്തോളമായി ജേക്കബ് തോമസ് സര്വീസിന്വെളിയിലാണ് . വി.ആര്.എസിന് അപേക്ഷിച്ചെങ്കിലും സര്ക്കാര് അംഗീകരിച്ചിരുന്നില്ല.
https://www.facebook.com/Malayalivartha
