ഓണത്തോടനുബന്ധിച്ച് ശബരിമല നട തുറന്നു. 19 കൂട്ടം വിഭവങ്ങളുമായി ഇന്ന് ഉത്രാട സദ്യ. പൂജകള്‍ കണ്ടുതൊഴുത് ഓണസദ്യകളില്‍ പങ്കാളികളാകാന്‍ ആയിരക്കണക്കിന് ഭക്തരാണ് മലകയറി എത്തിയത്. കളഭാഭിഷേകവും സഹസ്രകലശാഭിഷേകവുമാണ് ഓണം പൂജകളില്‍ പ്രധാനം. മേല്‍ശാന്തി നട തുറന്ന് ശ്രീകോവിലിലെ ദീപങ്ങള്‍ തെളിയിച്ച ശേഷം പതിനെട്ടാംപടി ഇറങ്ങി ആഴി തെളിയിച്ചു. അതിനു ശേഷം ഭക്തര്‍ പതിനെട്ടാംപടി കയറി. ഇന്ന് മുതല്‍ 13 വരെ ഉച്ചയ്ക്ക് കളഭാഭിഷേകം നടക്കും.
നാളത്തെ തിരുവോണ സദ്യ ദേവസ്വം ബോര്‍ഡിന്റെ വകയാണ് . ഇതിന് ആവശ്യമായ അരി, പലചരക്ക്, പച്ചക്കറി സാധനങ്ങള്‍ ഭക്തര്‍ സന്നിധാനത്തെത്തിച്ചു. . 13ന് രാത്രി 10ന് നട അടയ്ക്കും.