ഉറങ്ങിക്കിടന്ന ഭാര്യയുടെ ദേഹത്ത് പെട്രോള് ഒഴിച്ച്, മുറിയുടെ വാതില് പുറത്ത് നിന്ന് കയര്കൊണ്ട് ബന്ധിച്ചു; മണ്ണെണ്ണയില് മുക്കിയ തുണിയില് തീ കത്തിച്ച് ഭിത്തിയുടെ മുകളിലൂടെ ദേഹത്തേക്ക് എറിഞ്ഞ് ഭാര്യയെ കത്തിച്ച ഭര്ത്താവ് അറസ്റ്റിൽ
കരുളായി കളംകുന്ന് മങ്ങാട്ടുത്തൊടിക സീനത്ത് പൊള്ളലേറ്റ് മരിച്ച സംഭവത്തിൽ ഭര്ത്താവ് ചെമ്ബന് മുജീബിനെ (40) പൂക്കോട്ടുംപാടം എസ്ഐ രാജേഷ് അയോടന് അറസ്റ്റ് ചെയ്തു. വീട്ടിലെ കിടപ്പുമുറിയില് 6ന് രാത്രി 1.30ന് ആണ് സീനത്തിനെ തീ പൊള്ളലേറ്റു മരിച്ച നിലയില് കണ്ടെത്തുകയായിരുന്നു. സീനത്ത് തീ കൊളുത്തി മരിച്ചതായാണ് മുബീബ് അയല്വാസിയെ ഫോണില് വിളിച്ചറിയിച്ചത്. എന്നാല് അന്വേഷണത്തിനിടെ പൊലീസ് ചോദ്യം ചെയ്തപ്പോള് കുറ്റം സമ്മതിക്കുകയായിരുന്നു.
മയക്കത്തിലായിരുന്ന സീനത്തിന്റെ ദേഹത്ത് പെട്രോള് ഒഴിച്ച ശേഷം മുറിയുടെ വാതില് പുറത്തു നിന്നു കയര്കൊണ്ടു ബന്ധിക്കുകയും അടുത്ത മുറിയില് നിന്ന് മണ്ണെണ്ണയില് മുക്കിയ തുണിയില് തീ കത്തിച്ച് ഭിത്തിയുടെ മുകളിലൂടെ ദേഹത്തേക്ക് എറിയുകയായിരുന്നെന്നും പ്രതി മൊഴി നല്കിയതായി പൊലീസ് പറഞ്ഞു. കോടതിയില് ഹാജരാക്കി റിമാന്ഡ് ചെയ്തു. തുടരന്വേഷണത്തിന് കസ്റ്റഡിയില് വാങ്ങും.
https://www.facebook.com/Malayalivartha
