കേരളാ പോലീസ് ആ പരിപാടി നിര്ത്തി ; റോഡിലെ പരിശോധനയും പിഴ ഈടാക്കലും ഇല്ല
സര്ക്കാര് നിര്ദേശത്തെത്തുടര്ന്ന് മോട്ടോര്വാഹനവകുപ്പ് ഉദ്യോഗസ്ഥര് റോഡിലെ പരിശോധനയും പിഴ ഈടാക്കലും താത്കാലികമായി നിര്ത്തി. ഓണം കഴിയുന്നതുവരെ പിഴ ഈടാക്കരുതെന്ന കര്ശനനിര്ദേശമാണ് ഉദ്യോഗസ്ഥര്ക്ക് നല്കിയത്. എന്നാല്, പരിശോധനയ്ക്ക് നിയോഗിച്ചിട്ടുള്ള സ്ക്വാഡുകളെ പിന്വലിച്ചിട്ടില്ല. നിയമം ലംഘിക്കുന്നവരെ ബോധവത്കരിക്കാനാണ് നിര്ദേശം.
സേഫ് കേരള പദ്ധതിയുടെ ഭാഗമായി ഓണക്കാലത്ത് വാഹനാപകടങ്ങള് കുറയ്ക്കുന്നതിനുവേണ്ടി തീരുമാനിച്ച പ്രത്യേക പരിശോധനയും ഇതോടെ നിലച്ചു. അന്തസ്സംസ്ഥാന ബസുകളുടെ അമിതനിരക്കും ക്രമക്കേടുകളും തടയുന്നതിനുള്ള നൈറ്റ് റെഡേഴ്സ് പരിശോധനയും മിക്കയിടത്തും നിലച്ചു. ഇതു മുതലെടുത്ത് സ്വകാര്യ ബസുകള് നിരക്കുയര്ത്താന് തുടങ്ങിയിട്ടുണ്ട്. ഗതാഗത നിയമലംഘനത്തിനു പിഴത്തുക വര്ധിപ്പിച്ചുള്ള തീരുമാനം പിന്വലിക്കാനാകില്ലെന്നു നിയമോപദേശം. വിവിധ നിയമവിദഗ്ധരോട് മോട്ടര് വാഹന വകുപ്പ് അനൗദ്യോഗികമായി അഭിപ്രായം ആരാഞ്ഞപ്പോഴാണ് ഒരിക്കല് വിജ്ഞാപനം ചെയ്ത നിയമം പിന്വലിക്കാന് കഴിയില്ലെന്ന മറുപടി ലഭിച്ചത്. ചാടിക്കയറി വിജ്ഞാപനം ചെയ്യാതിരിക്കാമായിരുന്നു; എന്നാല്, ഒരിക്കല് വിജ്ഞാപനം ചെയ്തു കഴിഞ്ഞതിനാല് ഇനി പിന്വലിക്കാന് വകുപ്പില്ല എന്നാണ് എല്ലാ നിയമവിദഗ്ധരും ചൂണ്ടിക്കാട്ടിയത്. നിയമ സെക്രട്ടറിയും സമാനമായ നിര്ദേശം തന്നെയാകും സര്ക്കാരിനു നല്കുക. നിലവിലെ പിഴസംഖ്യയില് മാറ്റം വരുത്തി ഓര്ഡിനന്സ് ഇറക്കണമെങ്കില്, കേന്ദ്ര നിയമമെന്ന നിലയ്ക്ക് രാഷ്ട്രപതിയുടെ അനുവാദം വേണം. രാഷ്ട്രപതി അനുവാദം നല്കുമെന്ന പ്രതീക്ഷ സംസ്ഥാന സര്ക്കാരിനില്ല. കാര്യമായ ആലോചനകളില്ലാതെ നിയമം നടപ്പാക്കി ഒടുവില് പുലിവാലുപിടിച്ച അവസ്ഥയിലാണിപ്പോള് സര്ക്കാര്.
ഓണത്തിരക്കു കഴിഞ്ഞ് സംസ്ഥാനത്തു വീണ്ടും വാഹന പരിശോധന ആരംഭിക്കുമ്പോള് നിലവിലെ നിയമപ്രകാരമേ പിഴ ഈടാക്കാന് കഴിയൂ. ഇത് ജനവികാരം എതിരാക്കുമെന്ന ഭയത്തിലാണ് സര്ക്കാര്. ഉപതിരഞ്ഞെടുപ്പ് നടക്കുന്ന പാലാ നിയമസഭാ മണ്ഡലത്തില് പരിശോധന പൂര്ണമായി ഒഴിവാക്കാന് രഹസ്യ നിര്ദേശം പൊലീസിനു നല്കിക്കഴിഞ്ഞു. ഗതാഗത നിയമങ്ങള് ജനങ്ങള് നിസ്സാരമായി എടുക്കുന്നതിനാല് നിയമം കടുകട്ടിയാക്കണമെന്നു പറഞ്ഞ കേന്ദ്രമന്ത്രി നിതിന് ഗഡ്കരിക്ക് സ്വന്തം പാര്ട്ടി ഭരിക്കുന്ന ഗുജറാത്തില് നിന്നു തിരിച്ചടി. ഗതാഗതനിയമലംഘനങ്ങള്ക്കു കൂട്ടിയ പിഴത്തുക ഗുജറാത്ത് സര്ക്കാര് പകുതിയോ അതില് താഴെയോ ആയി കുറച്ചു. പുതിയ മോട്ടര്വാഹനനിയമം നടപ്പാക്കില്ലെന്ന് നേരത്തേതന്നെ 6 സംസ്ഥാനങ്ങള് പ്രഖ്യാപിച്ചിട്ടുണ്ടെങ്കിലും അവയൊന്നും ബിജെപി ഭരിക്കുന്നവയല്ല.
https://www.facebook.com/Malayalivartha
