വിവിധ ഭാഗങ്ങളില്‍ നിന്ന് അട്ടിമറിയടക്കമുള്ള വശങ്ങള്‍ അന്വേഷിക്കണമെന്ന് ആവശ്യമുയര്‍ന്നതിനാല്‍ എന്‍ഐഎ അന്വേഷണത്തിനുള്ള സാധ്യത വര്‍ധിപ്പിക്കുന്നു.

നിലവില്‍ പൊലീസ് കേസെടുത്തിരിക്കുന്നത് മോഷണത്തിനാണ്. 5 വീതം മൈക്രോ പ്രോസസറുകള്‍, ഹാര്‍ഡ് ഡിസ്‌കുകള്‍, റാമുകള്‍ എന്നിവയാണ് മോഷണം പോയിട്ടുള്ളത്. കേബിളുകളും കോളിങ് സ്റ്റേഷന്‍ അടക്കമുള്ള മറ്റു ചില ഉപകരണങ്ങളും മോഷണം പോയിട്ടുണ്ട്.

സാമ്പത്തികലാഭം ഉന്നമിട്ടുള്ള മോഷണമാണെന്നാണ് പൊലീസ് സംശയിക്കുന്നത്. സിറ്റി ഡപ്യുട്ടി കമ്മിഷണര്‍ ജി. പൂങ്കുഴലിയുടെ നേതൃത്വത്തിലുള്ള സംഘമാണ് അന്വേഷിക്കുന്നത്.

ഇന്റഗ്രേറ്റഡ് പ്ലാറ്റ്‌ഫോം മാനേജ്‌മെന്റ് സിസ്റ്റം (ഐപിഎംഎസ്) എന്ന സാങ്കേതിക സംവിധാനത്തിന്റെ വിവരങ്ങളടങ്ങിയ ഹാര്‍ഡ് ഡിസ്‌കുകളാണു മോഷ്ടിക്കപ്പെട്ടത്.

വിദേശ കമ്പനിയുടെ സഹായത്തോടെ, ഭാരത് ഹെവി ഇലക്ട്രിക്കല്‍സ് ആണ് കപ്പലിന്റെ വിവിധ ഭാഗങ്ങളുടെ പ്രവര്‍ത്തനം ഏകോപിപ്പിക്കുന്ന ഈ സംവിധാനം കപ്പലിനു ചേര്‍ന്ന വിധത്തില്‍ രൂപപ്പെടുത്തിയത്. ഇതിന്റെ വിശദാംശങ്ങള്‍ അന്വേഷണ സംഘം ഭെല്ലിനോടും ഇറ്റലിയിലെ കമ്പനിയോടും ആവശ്യപ്പെട്ടിട്ടുണ്ട്.