ടി കെ ഗോവിന്ദന്റെ പ്രസ്താവന വിവാദമാക്കേണ്ടെന്ന് മന്ത്രി കെ മുരളീധരന്‍
പിണറായി വിജയനെതിരായ ഇഡി കേസ് രാഷ്ട്രീയ പ്രേരിതമെന്ന ടി കെ ഗോവിന്ദന്റെ പ്രസ്താവന വിവാദമാക്കേണ്ട കാര്യമില്ലെന്ന് മന്ത്രി കെ മുരളീധരന്‍. കോണ്‍ഗ്രസിന് ഇഡി യോട് എപ്പോഴും ഒരേ സമീപനമാണെന്നും കെ മുരളീധരന്‍ പറഞ്ഞു. ഇഡി നീക്കത്തില്‍ വ്യത്യസ്ത നിലപാടുകളുമായി മുന്‍ സിപിഐഎം നേതാക്കളും എംഎല്‍എമാരുമായ ടി കെ ഗോവിന്ദനും വി കുഞ്ഞികൃഷ്ണനും രംഗത്തെത്തിയത്.
സിപിഐഎമ്മിനെ വെല്ലുവിളിച്ച് കണ്ണൂരിലെ പാര്‍ട്ടി ശക്തികേന്ദ്രങ്ങളില്‍ വിജയിച്ചവര്‍ എന്ന നിലയിലാണ്, ഇ.ഡിയുടെ നീക്കത്തില്‍ തളിപ്പറമ്പ് എംഎല്‍എ ടി കെ ഗോവിന്ദന്റെയും പയ്യന്നൂര്‍ എംഎല്‍എ വി കുഞ്ഞികൃഷ്ണന്റെയും നിലപാടുകള്‍ ശ്രദ്ധേയമാകുന്നത്. ഇഡി നിലവാരം ഇല്ലാത്ത ഏജന്‍സിയെന്ന് ടി കെ ഗോവിന്ദന്‍. ഇഡി നടത്തുന്നത് രാഷ്ട്രീയപകപോക്കലെന്നും പ്രതികരണം. എന്നാല്‍ ഇഡി നീക്കം രാഷ്ട്രീയപ്രേരിതം എന്ന അഭിപ്രായമില്ലെന്നാണ് വി കുഞ്ഞികൃഷ്ണന്റെ നിലപാട്.
നേതൃത്വത്തിലുള്ളവരുടെ മക്കള്‍ക്കെതിരെ ആരോപണങ്ങള്‍ വന്നാല്‍ കൃത്യമായ വിശദീകരണം നല്‍കാന്‍ നേതൃത്വം തയ്യാറാകണം. അല്ലെങ്കില്‍ ആരോപണത്തില്‍ കഴമ്പുണ്ടെന്നായിരിക്കും ജനങ്ങള്‍ കരുതുകയെന്നും വി കുഞ്ഞികൃഷ്ണന്‍ പറഞ്ഞു. വര്‍ഗവഞ്ചന നടത്തിയവരെ ഗൗരവപൂര്‍വ്വം പരിഗണിക്കേണ്ടതില്ലെന്നായിരുന്നു ടി കെ ഗോവിന്ദന്റെ പ്രതികരണത്തില്‍ സിപിഐഎം സംസ്ഥാനസെക്രട്ടറി എം വി ഗോവിന്ദന്റെ പ്രതികരണം.
https://www.facebook.com/Malayalivartha
