പോലീസുകാര്‍ക്കെന്താ കൊമ്പുണ്ടോ എന്ന് ചോദിച്ച് പോവുകയാണ് ചിലര്‍. സാധാരണക്കാരായ ജനങ്ങള്‍ക്ക്സുരക്ഷിതത്വവും സംരക്ഷണവും നല്‍കേണ്ട പോലീസുകാര്‍ തന്നെ നിയമം ലംഘിച്ചാല്‍ എന്ത് ചെയ്യും. അമിത വേഗതയില്‍ പോകുന്നവരെ ആവേശത്തോടെ പിടിച്ച് പിഴ ഈടാക്കാന്‍ പോലീസുകാര്‍ക്ക് വലിയ താല്‍പര്യമാണല്ലോ? സ്വന്തം വകുപ്പിലെ തന്നെ പോലീസ് മേധാവി നിയമം ലംഘിച്ചാല്‍ എന്ത് ചെയ്യും. 
ഇന്നലെ വൈകിട്ട് നാലുമണിയോടെയാണ് മേലേവെട്ടിപ്രം ജംഗ്ഷനു സമീപമാണ് ഞെട്ടിക്കുന്ന ഈ സംഭവമുണ്ടായത്. അടൂര്‍ കെഎപി ക്യാമ്പിലെ അസി. കമാന്‍ഡന്റ് മുരളീധരന്റെ ഔദ്യോഗികവാഹനമായ ടാറ്റാ സുമോയാണ് അമിതവേഗതയിലെത്തി രാഘവനെ ഇടിച്ച് തെറിപ്പിച്ചത്. ഒരു മുറുക്കാന്‍ കട നടത്തിവരികയായിരുന്നു രാഘവന്‍. ഉച്ചയൂണു കഴിഞ്ഞ ശേഷം വിശ്രമിക്കുന്നതിനായി റോഡിന് മറുവശത്തെ മരത്തണലിലേക്ക് നീങ്ങി നില്‍ക്കുകയായിരുന്നു രാഘവന്‍. അമിതവേഗതയില്‍ ജീപ്പ് വരുന്നതു കണ്ട് രാഘവന്‍ ഓടി മാറാന്‍ ശ്രമിച്ചെങ്കിലും ജീപ്പ് രാഘവനെ ഇടിച്ചു വീഴ്ത്തിയിരുന്നു. തൊട്ടടുത്തുള്ള മതിലും കമ്പിവേലിയും ഇടിച്ചു തകര്‍ത്താണ് ജീപ്പ് അവസാനം നിന്നത്.
ജീപ്പ് ഇടിച്ച ശബ്ദം കേട്ടപ്പാടെ നാട്ടുക്കാര്‍ ഓടികൂടി. നാട്ടുകാര്‍ എത്തിയെങ്കിലും അസി. കമാന്‍ഡന്റ് ജീപ്പില്‍ നിന്നും ഇറങ്ങാന്‍ തയ്യാറായില്ല. നാട്ടുകാര്‍ അസി. കമാന്‍ഡന്റ്ിനോട് വാഹനത്തില്‍ നിന്നും പുറത്തിറങ്ങാന്‍ ആവശ്യപ്പെട്ടെങ്കിലും ഇയാള്‍ വിസമ്മതിച്ചു. ഉടനെ അവര്‍ പോലീസിനെ വിവരം അറിയിച്ചു. ഉടന്‍ തന്നെ പോലീസ് സംഭവ സ്ഥലത്ത് എത്തി അസി. കമാന്‍ഡന്റ് മുരളീധരനെ ജീപ്പില്‍ നിന്നും മാറ്റി. അപ്പോഴല്ലെ നാട്ടുകാര്‍ക്ക് കാര്യം പിടികിട്ടിയത്. 
നാട്ടുകാര്‍ ഉടന്‍ തന്നെ ജീപ്പിന്റെ താക്കോല്‍ ഊരിയെടുത്തു. ഇത് കണ്ട പോലീസുകാര്‍ക്ക് നാട്ടുകാരുടെ കൈയില്‍ നിന്നും എങ്ങനെയെങ്കിലും ജീപ്പിന്റെ താക്കോല്‍ വാങ്ങിയാല്‍ മതിയെന്നായി. എസ്.ഐ മനോജ്കുമാര്‍ നാട്ടുകാരോട് ജീപ്പിന്റെ താക്കോല്‍ തിരികെ നല്‍കാന്‍ അഭ്യര്‍ത്ഥിച്ചെങ്കിലും ലഭിച്ചില്ല. 
ജീപ്പിടിച്ച് പരുക്കേറ്റ രാഘവനെ ആശുപത്രിയില്‍ കൊണ്ടുപോകാന്‍ പോലീസുകാര്‍ തയാറായില്ല. തുടര്‍ന്ന്, നാട്ടുകാര്‍ പോലീസിനോട്് തട്ടിക്കയറി. പിന്നിടാണ് ക്ലൈമാക്‌സ് എത്തുന്നത്. മനസില്ലാ മനസോടെ രാഘവനെ ആശുപത്രിയില്‍ കൊണ്ടുപോകാന്‍ പൊലീസ് തയാറാവുകയായിരുന്നു. മുണ്ടക്കയത്ത് ശവസംസ്‌കാരച്ചടങ്ങില്‍ പങ്കെടുത്തു മടങ്ങുകയായിരുന്നു അസി. കമാന്‍ഡന്റ് എന്നാണ് പൊലീസ് വ്യക്തമാക്കുന്നത്.
അസി. കമാന്‍ഡന്റിനെയും പോലീസ് ഉദ്യോഗസ്ഥര്‍ ചേര്‍ന്ന് ജനറല്‍ ആശുപത്രിയില്‍ പ്രവേശിപ്പിച്ചു. സംഭവത്തെ തുടര്‍ന്ന്ജില്ലാ പൊലീസ് മേധാവി ഡി.ജി.പിക്ക് റിപ്പോര്‍ട്ട് നല്‍കിയിട്ടുണ്ട്. ഏതായാലും നാട്ടുകാര്‍ ഒരുമിച്ച് നിന്ന് അസി. കമാന്‍ഡന്റിന് പണി കൊടുത്തത് പോലീസിന് ആകെ നാണക്കേടുണ്ടാക്കി. പോലീസുകാര്‍ക്ക് കൊമ്പുണ്ടോ എന്ന്ചോദിക്കുന്നത് ഇത്തരം സന്ദര്‍ഭങ്ങളിലാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha