കൂടത്തായിലെ കൂട്ടകൊലപാതകങ്ങളെക്കുറിച്ചുള്ള വെളിപ്പെടുത്തലുകള്‍ ഓരോന്നായി തുറന്നുപറയുമ്പോൾ ദുരൂഹതകൾ മാത്രം അവസാനിക്കുന്നില്ല. കേസിലെ മുഖ്യ ആസൂത്രകയും ഒന്നാം പ്രതിയുമായ ജോളി വെളിപ്പെടുത്തുന്ന ഓരോ സംഭവങ്ങളും ചോദ്യങ്ങളിലേക്കാണ് നയിക്കുന്നത്. അന്നമ്മയെ കൊന്നത് ആദ്യ ഭര്‍ത്താവ് റോയിക്ക് അറിയാമായിരുന്നു എന്നാണ് ജോളി അന്വേഷണ സംഘത്തിന് നല്‍കിയതായി പുറത്തേക്ക് വരുന്ന മൊഴി.രണ്ടാം ഭര്‍ത്താവ് ഷാജുവിന്റെ ആദ്യ ഭാര്യ സിലിയെ കൊല്ലാന്‍ മൂന്ന് തവണ ശ്രമിച്ചിരുന്നുവെന്നും ജോളി മൊഴി നൽകുകയുണ്ടായത് പുതിയ വഴിത്തിരിവ് സൃഷ്ടിച്ചു. അതേസമയം അന്നമ്മയില്‍ നിന്ന് ജോളി പണം കടം വാങ്ങിയിരുന്നെനും ഇത് അന്നമ്മ തിരികെ ചോദിച്ചതിലുള്ള ദേഷ്യത്തിലാണ് ജോളി അന്നമ്മയെ കൊല്ലാന്‍ തീരുമാനിച്ചത് എന്നതിലേക്കാണ് പോലീസ് ചൂണ്ടിക്കാട്ടുന്നത്.

അതോടൊപ്പം തന്നെ സിലിയെ കൊല്ലാന്‍ മൂന്ന് തവണ ശ്രമിച്ചെന്നും ആദ്യ തവണ വിഷത്തിന്റെ അളവ് കുറഞ്ഞതിനാല്‍ ഒന്നും സംഭവിച്ചില്ലെന്നും രണ്ടാം വട്ടത്തെ വിഷം കലര്‍ത്തിയ ഭക്ഷണം കഴിക്കാന്‍ സിലി തയ്യാറാകാത്തതിനാല്‍ മരണം സംഭവിച്ചില്ലെന്നും ജോളി അന്വേഷണ സംഘത്തോട് വെളിപ്പെടുത്തുകയുണ്ടായി. അതിനെല്ലാം ശേഷം 2016ല്‍ ഒരു കല്യാണത്തിന് പങ്കെടുക്കവെ സയനൈഡ് കലര്‍ത്തിയ ഭക്ഷണണം സിലിക്ക് നല്‍കുകയും തുടര്‍ന്ന് ദന്തലാശുപത്രിയില്‍ പോയപ്പോള്‍ ജോളി കൂടെ പോവുകയും ചെയ്തു. ഇതോടുകൂടി ആശുപത്രിയില്‍ വെച്ച്‌ കുഴഞ്ഞുവീണ സിലിക്ക് ജോളി കൈയില്‍ കരുതിയ സയനൈഡ് കലര്‍ത്തിയ വെള്ളം നല്‍കുകയും ചെയ്തു. ശേഷം മരണം ഉറപ്പിക്കാന്‍ വേണ്ടിയാണ് ജോളി ശീലിക്കും ഷാജുവിനുമൊപ്പം ആശുപത്രിയിലേക്ക് പോയത് എന്നും ജോലി പറയുകയുണ്ടായി.